XIVAN 15:25 - Tepehua Huehuetla

²⁵ Ni chunch talai pus uctaxtui ju chivinti ju ts'okcanta la'ixlhamap'aksin'an junta najun: “Quintalhixcailh mas jantu tu'u' talak'alhin xacnavi”. Chunch najun la'ixlhamap'aksin'an.

XIVAN 15:25 ပူးပေါင်းရင်းမြစ်များ

MATEO 10:8

Palaich anavit'it ju tapacxanta ju macxcai ts'its'i ju va puch'i'an. Chai palaich anavit'it ju tapacxanta ju tu'u' atumpa tak'ank'at. Amalok'onit'it ju va tanita. Chai axc'oxt'ut'it ju lhacaticuru la'ixlacatuna'an ju lapanacni. Ju uxijnan jantu va xatamoyat'it ju ani tachaput. Pus vana va chun jantu ach'inint'it acsni a'akt'ai'uya'it'it ju lapanacni.

LUCAS 24:44

Chai ajuni: ―Yuchach ju chivinti ju xaclajunau acsni xaclat'avilauca' ju uxijnan. Iclajuniu ni istasq'uini ni ca'uctaxtulh tachi chun ju ists'okcanta ju quilacata la'ixlhamap'aksin ju Moisés chai la'ixchivinti'an ju lapanacni ju ixtanajun ixchivinti Dios chai lacasalmos.

XIVAN 10:34

Ak'alhtayanalh ju Jesús: ―Ja jantu p'ast'ac'at'it ni ts'okcanta ju lamilhamap'aksin'an ni ma chani naulh ju Dios: “Icnaulh ni diosnin unt'at'it ju uxijnan”.

XIVAN 13:18

Jantu iclhichivinin ju milhichux'an. Icc'atsai tichi chavaich ju icsacxtutach. Para chunchach ju capu'uctaxtuyach ju ats'oknut junta chani najun: “Ju k'aixtam xaquint'avajin va quint'alaxcai xajun”.

XIVAN 19:36

Junima taxtokni chunchach ju navicalh ni chunchach ju capu'uctaxtuya' ju ats'oknut junta chani najun: “Ju yuchi jantu catitek'enicalh ju ix'alucutni”.

ROMA 3:19

Pus mati' xamati' ju lai canaulh ni jantu alactu'ununta. Mas quijnan'an ju israelitanin juntau. Pus ju Dios quintaxtaknitan ju ixlhamap'aksin para jantu lai xamuctaxtuyau. Pus ixlhiyuchi quintamuc'anitan ju quintalak'alhin'an ju quijnan'an chai vachu' chux ju ali'in lapanacni ni jantu xamati' ju soknic'a cava ju is'atsucunti.

ROMA 3:24

Para ju Dios quintanavinitan lamapainin ni soknic'a quintalakts'inan acsni lhilaca'anauch ju Jesús. Chai jantu tu'u' quintasq'uiniyan ju ixtapalh cava ju anu' amapaininti. Salaka alakts'incantach ju qui'alhunut'an va ixlacata ju Jesucristo ni yuchi ju quintamalakxtutan.

2 CORINTO 11:7

Pus t'as nonat'it. Ja alactu'unti ju icnavita ni jantu iclhitak'aya acsni iclajuniu ixchivinti Dios chai jantu iclajuniu ni aquilaxtakniyau ju tu'uch ixlacata ju quimaktasq'uinit. Alai va qui'akstu icch'alhcatnalh ixlacata ju quimaktasq'uinit ni laich palai acla'aktaijuyau la'ixchivinti Dios.

GALACIA 2:21

Pus ju quit'in jantu icmalacasuputun tachi ju va jantu tu'u' aclhiula ju lamapainin ju quinavinita ju Dios. Para chunch acmalacasu ni acnaulh ni tasq'uini ni acnavilh tachi ju najun lacalhamap'aksin ni laich salaka aclhimispacalh la'ixmacni Dios. Pus ni chunch aclalh pus jantu lhitapalai ixva ju ix'aninti ju Cristo. Chunch ju icjunilh ju Pitalu'.

2 TESALÓNICA 3:8

Jantu tavanan va laca'amapaininti ac'uniu ixvaiti tam xamati' ju lamilhi'uxijnan. Alai xacch'alhcatnanauch lacalhich'alhcat ju tuncuj chai ju ts'is. Chai na xacxk'op'au. Ju chunch ni jantu xamati' xaclhimamak'alhk'ajniyau ju lamilhi'uxijnan ju va quimavacach quinc'an.

JU AMAVASALACALH 21:6

Chai vachu' chani ju quijunilh: ―Icnavik'olhch tachi chun ju taxtokni. Ju quit'in xact'ajun tus acsni matica' tu'u' ixjunita chai actsucuk'alhiya' tus mas va tavananch. Pus ni xamati' na quicxixa pus acxtakniya' ju xcan ju va aclhik'ailakts'ina'. Anchach ac'iya' junta taxtui ju xcan ju xt'ak'a ju atsucunti jonk'alhita. Laich cak'ot'a' chai jantu catimapalalh tu'u'.

JU AMAVASALACALH 22:17

Pus ju Spiritu Santu chai ju tachi is'asq'uininti Jesús junita tanajun: ―Asok'och. Chai ju k'asmat'a ju anu' chivinti chach vachu' chunch cajunilh ju ali'in. Chai ju na quicxixta chach milh. Chai ju k'otputun ju xcan ju xt'ak'a ju atsucunti jonk'alhita pus chach k'otlh. Chai ju Dios jantu tu'u' ach'inin.