XIVAN 13:22 - Tepehua Huehuetla

²² Ju acsnich ju ix'amamaka'ui va k'antam k'antam talalakts'ilh. Jantu ixtac'atsai tichi chavaich ju ixlhichivincan.

XIVAN 13:22 ပူးပေါင်းရင်းမြစ်များ

MATEO 26:21

Chai acsni ixtat'ajun venin pus ju Jesús chani alacjuni: ―Slivasalh ju iclajunau. Pumatam ju milhi'uxijnan aquimak'axt'ak'ach.

MATEO 26:22

Pus ju acsnich na ta'amak'aninilh ju yu'unch. Chai k'antam k'antam tasacmich. Tajunich: ―Para ja quit'in ji qui'ucxtin.

MARCOS 14:18

Chai acsni tatavilh lacamixa chai tatsuculh venin pus ju Jesús alacjuni: ―Slivasalh ju iclajunau. Pumatam ju milhi'uxijnan ju quilat'avenau aquimak'axt'ak'a'.

MARCOS 14:19

Pus ju acsnich ju yu'unch na ta'amak'aninilh. K'antam k'antam tajunich: ―Para ja quit'in. Chai apumatam ixnajun: ―Para ja quit'in.

LUCAS 22:21

Para ju aquimak'axt'ak'ach quint'avi ju chavai lacamixa.

LUCAS 22:23

Pus ju acsnich ju ix'amamaka'ui tatsuculh lasacminin sia lhiyu'unch tis nu' chavaich ju sia lhiyu'unch ju canaviya' ju chunch.

XIVAN 13:18

Jantu iclhichivinin ju milhichux'an. Icc'atsai tichi chavaich ju icsacxtutach. Para chunchach ju capu'uctaxtuyach ju ats'oknut junta chani najun: “Ju k'aixtam xaquint'avajin va quint'alaxcai xajun”.

XIVAN 13:21

Acsni naulh ju Jesús ju chunch lana amak'aninilh la'ix'alhunut. Chai naulich: ―Slivasalh ju iclajunau. Pumatam milhi'uxijnan ju aquimak'axt'ak'a'.