Chai mas na k'ox lai acnaulh ju ixchivinti Dios chai mas lai acmachakxa ixtaxtokni Dios ju jantu lai ixmachakxacan ju mak'anchich chai mas acmispak'o tachi chun ju atalaninti chai mas ixlhichux qui'alhunut aclhilaksi ju Dios chai acsni acsq'uinilh laich aquimalakxtinunilh ju k'ai talhpa para ni mati' ju qui'amapaininti pus jantu tu'u' quintapalhni.
TITO 3:9 - Tepehua Huehuetla9 Para lana jantu at'alhilacch'ivin ju lapanacni ju tasacmiyan ju tu'u' ju va tonto chivinti. Vachu' jantu at'alhilacch'ivin ju talhilaclak'aji tuchi tanajun ni tanavita ju mak'aniya ixlacpai'an mas jantu. Vachu' jantu at'alhilacch'ivin ju lapanacni acsni talaclak'aji chai talaclhilasai tuchi ju nomputun ixlhamap'aksin ju Moisés. Jantu anavit'i ju chunch ni jantu tu'u' pulanican nin lai ca'aktaiju xamati' la'is'atsucunti. အခန်းကိုကြည့်ပါ။ |
TITO 3:9
10 ပူးပေါင်းရင်းမြစ်များ
Pus ju chavai aclajunau ixlacata tuchi xaquilalhisacmiyau ixlacata ju lhivai ju lhik'ailakts'incanta ju santo. Vasalh ni c'atsayau ni jantu tu'u' ixtapalhni ju va santo. Para ju lapanac ju najun ni na ac'atsananta pus na lhitak'ayai tuchi c'atsai. Para ju na amapaininin aktaijui ju ixt'alapanac ni lai palai catsuculh tachi ju k'achani ju Dios.
Nin lacats'unin jantu anavit'i cuenta ju anu' chivinti ju tat'ajun nonin ju a'okxchok'oni amamaka'unin. Pus ju ixchivinti'an jantu lai cati'aktaiju xamati' ni laich camispa ju Dios ni va chivintich junita. Jantu anavit'i cuenta. Alai va yuchi ju anavit'i cuenta ta yu laich ats'uc'u tachi ju k'achani ju Dios.
Amap'ast'ac'anit'i ju yu'unch ju talhilaca'anta ju Jesús tachi chun ju icjuntan ju uxint'i. Pus ju qui'ucxtin'an Dios quintalakts'inan tachi chun ju naviyau. Chai yuchi iclhijunan ni amap'aksit'ich ni jantu catalhilasalh ju tu'u' ju va chivinti junita. Ju chunch jantu lhitapalai. Alai va alak'alhini ix'atalacpast'ac'at'an ju tat'ajun k'asmatnin.
ကြော်ငြာတွေ