ROMA 1:3 - Tepehua Huehuetla

³ Pus ju anu' ats'oknut ixnajun ixlacata ju qui'ucxtin'an Jesucristo. Ists'alh Dios. Ju yuchi quitsucuchilh tachi tam lapanac ju ani lacamunutpa'. Chai mas na mak'anch istsucuta ju David acsni tavanan tsuculh ju Jesucristo para ju yuchi mak'aniya ixpapanti ixjunita ju David.

ROMA 1:3 ပူးပေါင်းရင်းမြစ်များ

MATEO 1:1

Ju ani yuchi ixtapaka'ut'an ju mak'aniya ixlacpa'itni ju Jesucristo acsni tavanan quitsucuchilh ju ani tachi lapanac. Pus ju yuchi mak'aniya ixpapanti ixjunita ju David chai ju Abraham.

MATEO 1:16

Chai ju Jacob alilh ju ists'alh chai lhimapaka'ulh José. Chai yuchach ju valhch ixpapa ju Malia ixnati ju Jesús ju Cristo juncan. Yuchi ju ixnoncan camalakachatachilh ju Dios.

MATEO 1:6

Pus ju Isaí alilh ju ists'alh chai lhimapaka'ulh David ju valh k'ai ucxtin. Pus ju k'ai ucxtin David t'a'alilh ists'alh ju ix'amachaka' ixjunita ju lijunto Urías. Chai talhimapaka'ulh ists'alh Salomón.

MATEO 12:23

Chai tachi chun ju lapanacni va talhamak'aninilh. Chai chani ixtanajun: ―Ju ani ja laich nu' yuchi cava ju ists'alh David. Ju ixnoncan ni camalakachatachilh ju Dios.

MATEO 15:22

Chai pumatam chako'ulh amachaka' Canaán lak'alh ju Jesús chai va tsa tsa tapaininilh. Chai na p'as ixchivinin acsni chani ixjuni: ―Qui'ucxtin. Ists'alh'at David. Lamapainin aq'ui'akt'ai'ut'ich. Alin ju lhacaticuru la'ixlacatuna ju quintsi' chai slivasalh na mak'alhk'ajnan.

MATEO 26:63

Para ju Jesús jantu tu'u' lhik'alhtailh. Pus ju acsnich ju xak'ai pali juni: ―Alhip'ast'act'i ju Dios ju t'ajun chai aquilajuniu ni vasalh Cristo'at ju ixnoncan camalakachatachilh ju Dios. Ja vasalh ists'alh'at.

MATEO 27:43

Ju yuchi lhilaksi ju Dios. Pus ni vasalh tu'u' lhiulai pus chach mak'alhtaxtulh ju chavai. Ju yuchi ni naulh ni ists'alh Dios junita.

MATEO 3:17

Chai chivincancha ju lact'iyan chai k'asmatcalh ju lacat'un junta ixya ju Jesús. Chai chani naulh: ―Ju ani ya yuchi ju quints'alh. Ju yuchi na icmapaini. Na iclhik'achanch ju yuchi.

MATEO 9:27

Chai acsni taxtuchokolh ju Jesús ju anch pus tach'ak'ok'alh ixt'iyun'an alak'ach'ixnin. P'as ixtachivinin. Ixtalact'asai. Va tsa tsa ixtajuni ju Jesús: ―Aquila'aktaijuch ji ists'alh ju k'ai ucxtin David.

LUCAS 1:35

Chai ju anquilh junich: ―Yuchi ju Spiritu Santu ju calakminan chai la'ixtachaput Dios ju anavic'ana' chunch. Pus ixlhiyuchi ju ask'at'a ju calok'ona' salaka cajuna'. Chai ni chunch junita pus jantu catinavilh ju alactu'unti. Chai calhimispacana' ni ists'alh Dios.

LUCAS 1:69

Ju yuchi quintaxtaknitan pumatam amak'alhtaxtunu' ju na tachapun junita. Chai ju yuchi ixpapanti junita ju David ju ixlapanac Dios ixjunita.

XIVAN 1:14

Chai ju anu' ju Chivinti juncan lapanac quitsucuchilh ju ani. Chai quintaquit'a'alhtananchin pants'iquis. Chai ju yuchi na lhu ixnavi ju lamapainin. Chai stavasalanti ju ixnajun. Chai iclakts'iuch ni vasalh xak'ai junita tachi ju junita ju ixpai Dios. Chai ni lakatami ists'alh Dios junita pus yuchi xak'ai lhijunita.

XIVAN 1:34

Chai quit'in ju iclakts'ilh ju tuchi tapasalh. Chai iclajunauch ni yuchach ju ani ju ists'alh ju Dios.

XIVAN 1:49

Chai ak'alhtayanalh ju Natanael. Junich: ―Amamaka'unu' ju uxint'i ists'alh Dios'at. Uxint'i ju qui'ucxtin quinc'an a'una' ju quijnan'an ju israelitanin juntau.

XIVAN 10:30

Ju quit'in chai ju quimpai va lakatamch icjuntau.

XIVAN 10:36

Ja jantu vana va chun ju quit'in ni quisacxtutach ju quimpai Dios chai quimalakachachilh ju ani lacamunutpa'. Tajuch ni va quilajunau ni macxcai ju icchivinin acsni icnajun ni ists'alh Dios ju icjunita.

XIVAN 20:28

Ju acsnich ju Tumax ak'alhtayanalh. Junich ju Jesús: ―Qui'ucxtin'at chai quiDios'at.

XIVAN 20:31

Para icts'ok'ulata ju ani ni ap'ulac'a'iya'it'itch ni Jesús yuchi ju Cristo ju ixnoncan camalakachatachilh ju Dios. Chai ap'ulac'a'iya'it'it ni yuchi ists'alh Dios junita. Chai ca'alinach ju mi'atsucunti'an jonk'alhita ni alhilac'ap'ina'it'it ju yuchi.

XIVAN 5:25

Slivasalh ju iclajunau. Ju atipu'anta u mas chavai ju jantuca' talhilaksi ju Dios aquintak'asmatniyach ju quinchivinti ni ists'alh ju Dios ju quit'in. Chai tachi chun ju aquintak'asmatniyach catatsucuchokoyach.

XIVAN 7:42

Ja jantu najun laca'ats'oknut ni mak'aniya is'ask'at'a David cajuna' ju Cristo. Chai anch catsucuyanta ju lak'achak'an Belén la'ixt'un ju mak'aniya quimpai'an David.

IXTAMALAKACHAN JU JESÚS 2:30

Pus ju David ixnajun ixchivinti Dios chai isc'atsaich ni Dios ixmavasalanita ixchivinti ni la'ix'amask'at'anti caputasuyanta ju anu' ju ixnoncan camalakachatachilh ju Dios. Chai ju yuchi catola' la'ixpu'ucxtin ixjunita ju David.

IXTAMALAKACHAN JU JESÚS 3:13

Alai Dios ju palai xanavi. Yuchi ju vachu' isDios ixjunita ju mak'aniya quimpai'an Abraham chaich ju Isaac chai ju Jacob. Chai yuchi ju xak'ai xanavi ju ists'alh ju Jesús juncan. Para ju uxijnan mak'axt'aknit'it ju ucxtinin. Chai ju Pilato mas ixk'otputun para ju uxijnan jantu lac'asq'uint'it.

IXTAMALAKACHAN JU JESÚS 8:36

Chai acsni ta'alh ju lacati pus tacha'alh junta ixma ju xcan. Chai ju anu' xak'ai chani juni ju Pilipe: ―Alakts'ich ju xcan. Ja jantu lai ac'akpaxlh.

IXTAMALAKACHAN JU JESÚS 9:20

Chai lana antsuculh ju Saulo la'ixpujitat'an ju ist'a'israelitanin. Ix'ajuni ju lapanacni ni vasalh ists'alh Dios ju Jesús.

ROMA 1:9

Ju quit'in icch'alhcatnani ju Dios ixlhichux qui'alhunut acsni ic'ajuni ju lapanacni ixlacata ju ists'alh ju Jesucristo juncan. Chai ju yuchi k'oxich c'atsai ni jantu tavanan ju jantu aclapastacvi ju uxijnan acsni ict'achivininch ju Dios.

ROMA 4:1

Pus tas anona'it'it ju uxijnan. Ju mak'aniya quimpai'an Abraham ja ixlacata tu'u' k'ox ju navilhch ju punaulh ju Dios ni salaka ixjunita ju ix'alhunut.

ROMA 9:3

Ni acc'atsa ni laich cava cataputak'alhtaxtulh ju chunch ju qui'alak'avin quint'a'amachivinti pus aclacasq'uilhch ni chach quimacaulh ju Cristo. Chach quimaca'alh ju lacajipi junta jonk'alhita mak'alhk'ajnat.

ROMA 9:5

Ju quint'a'israelitanin ix'apapanatnich tajunita ju mak'aniya quilacpai'an Abraham chai ju Isaac chai ju Jacob. Chai ju Malia israelita ixjunita chai yuchach ju ixnatich va acsni tavanan quitsucuchilh ju Cristo tachi lapanac ju ani lacamunutpa'. Pus ju Cristo yuchi ju Dios junita ju lhinonk'ojui tachi chun ju taxtokni. Va tachi k'oxich calhichivinincalh ju yuchi mas va tavananch. Iclacasq'uin ni vasalh chunch ju canavicalh.

1 CORINTO 1:9

Ju Dios muctaxtui ju ixchivinti. Chai yuchach ju tat'asanitan ni k'ox ix'amigojnich a'una'it'it ju Jesucristo. Ju yuchi ists'alh Dios junita chai vachu' qui'ucxtin'an junita.

1 CORINTO 10:18

Alakts'int'itch tachi ju talai ju ixpalijni'an ju quint'a'israelitanin. Acsni k'aixtam ta'uich lacats'unin ju anu' atapacxat ju talacxavanich ju Dios pus va nomputun ni va lakatam junita ix'atalacpast'ac'at'an acsni talak'ayai ju Dios.

GALACIA 4:4

Para acsni cha'alh ju avilhchan ju ilhcata ju Dios pus malakachachilh ju ists'alh. Chai ju yuchi pumaktasu pumatam chako'ulh. Chai ni israelita ixjunita vachu' pus ixnavi tachi ju najun lacalhamap'aksin.

1 TESALÓNICA 1:10

Vachu' ju uxijnan p'acxanat'it ju ists'alh Dios ju caminanta lact'iyan. Yuchach ju malok'onilh ju Dios acsni ixnita. Yuchi ju Jesús ju aquintamak'alhtaxtuyan ni jantu camak'alhk'ajnanauch tachi ju catamak'alhk'ajnana' ju ali'in acsni ca'amalacasuniya' ju ixtalhk'amti ju Dios.

1 TIMOTEO 2:5

Pus va pumatam ju Dios. Chai va pumatam ju lai apuma'amigoxla ju lapanacni ju Dios. Yuchi ju malakachacanchilh ju ani ni lapanac catsucuya'. Yuchi ju Jesucristo.

1 TIMOTEO 3:16

Pus ju mak'anchich jantu isc'atsayau ta yu laich tak'alhtaxtucan. Para ju chavai machakxayau. Chai na tasq'uini ni cac'atsayau tuchi laca'iyauch ixlacata ju Cristo. Pus laca'iyau ni talacasu ju Dios ju ani lacamunutpa' acsni lapanac quitsucuchilh ju ists'alh. Yuchi ju Jesucristo. Chai ju Dios masulh ni na soknic'a junita ju is'atsucunti ju ists'alh. Chai ju anquilhnin talakts'ilh. Chai ajunicalh tachi chun ju lapanacni ixlacata ju yuchi. Chai tachi chun ju yu'unch va ali'in ju talhilaksilh ju yuchi. Chai ju yuchi lhi'anchokocalh ju lact'iyan junta slivasalh na k'ox.

2 TIMOTEO 2:8

Ap'ast'act'ich ni mak'aniya ixpapanti ju k'ai ucxtin David ixjunita ju Jesucristo. Chai ju yuchi lok'onchokolh junta ixmacnucanta. Chai ic'ajuni ju lapanacni ni ixlacata yuchi lai tak'alhtaxtucan.

1 XIVAN 1:3

Chai ju tuchi iclakts'intauch chai ju ick'asmat'auch pus yuchach ju iclajunau ju uxijnan. Ju chunch ju uxijnan vachu' a'una'it'it ix'amigojni ju quimpai'an Dios chai ju ists'alh ju Jesucristo juncan. Tachi ju quijnan ni ix'amigojni icjuntau vachu'.

1 XIVAN 3:23

Chai yuchi ju ani ju quintajuntan ju Dios ni canaviu. Quintajuntan ni calhilaksiyau ju ists'alh. Yuchi ju Jesucristo. Chai calamapainiuch ju pumatamin tachi ju quintalhimap'aksitan ju Cristo.

1 XIVAN 3:8

Para ju va tsa alactu'unun pus is'ask'at'a lhacaticuru junita. Pus ju lhacaticuru va tsa alactu'unun tus acsni alactu'ununtacha ju mak'anchich. Para vachu' yuchi lhiquitsucuchilh ju ani tachi lapanac ju ists'alh Dios ni jantuch vana tasq'uini ni catanavi ju alactu'unti ju talhilaca'anta ju Cristo tachi ju amanaviniputun ju lhacaticuru.

1 XIVAN 4:15

Pus va tichi chavaich ju najun ni yuchi ju ists'alh Dios ju Jesús pus ju Dios t'ajun la'ix'alhunut chai ju yuchi ix'amigo Dios junita.

1 XIVAN 5:1

Is'ask'at'an Dios juntau tachi chun ju laca'iyauch ni yuchi ju Jesús ju ixnoncan camalakachatachilh ju Dios. Chai tachi chun ju tamapaini ju quimpai'an Dios pus vachu' ta'amapaini ju ali'in ju talhilaca'anta ju Cristo ni vachu' is'ask'at'an Dios tajunita.

1 XIVAN 5:20

Chai c'atsayau ni quilatachilh ju ists'alh Dios chai quintaxtaknitan ju k'ox quintac'atsan'an ni laich camispauch ju yuchi ju la'istavasalanti Dios junita. Chai ju quijnan'an ix'amigojni juntau ju istavasalanti Dios ni lhilaca'antauch ju lakatami ists'alh ju Jesucristo juncan. Yuchach ju istavasalanti Dios chai yuchi ju xt'ak'a ju atsucunti ju conk'alhiyanta ju lact'iyan.

1 XIVAN 5:5

Para jantu si lai tamacajun ju macxcai atsucunti ju alin ju ani lacamunutpa'. Va yuchi ju lai macajun ju laca'ich ni yuchi ju Jesús ju Cristo ju ixnoncan camalakachatachilh ju Dios chai ni yuchi ists'alh Dios junita.

2 XIVAN 1:7

Pus iclalhijunau chunch ni na lhu alin ju lapanacni ju va ta'a'okxchok'onun. Chai ju yu'unch va makpitsicanta ju ani lacamunutpa'. Ju yu'unch jantu talaca'i ni quitsucuchilh ju Jesucristo ju ani lacamunutpa' chai talacasu tachi lapanac. Yuchach ju ixnoncan camalakachatachilh ju Dios. Pus ju yu'unch va a'okxchok'onin tajunita. Va tatalacasui tachi ju Cristo para va talak'alhiputun tuchi navita ju yuchi.

JU AMAVASALACALH 2:18

Chai ju xaquima'ats'okni ju ani chivinti vachu' chani quijuni: “Chani ats'oknunin ju alhist'ac'a ju quintalhilaksi ju tavilanancha ju lak'achak'an Tiatira. Ma chani tajunan ju ists'alh Dios ju k'ai lam lam talakpuyajui tachi ju tu'u' xa'alapna' jipi. Chai ju ixch'aja' ma lana k'ox slamnic'a junita tachi ju tu'u' k'oxi tsasnat ju va anca' camaxtucalh lacajipi.