LUCAS 18:38 - Tepehua Huehuetla

³⁸ Pus ju acsnich na p'as ju chivinilh ju anu' alak'ach'ix chai junilh ju Jesús: ―Jesús ists'alh'at ju k'ai ucxtin David. Lamapainin aq'ui'akt'ai'ut'ich.

LUCAS 18:38 ပူးပေါင်းရင်းမြစ်များ

MATEO 12:23

Chai tachi chun ju lapanacni va talhamak'aninilh. Chai chani ixtanajun: ―Ju ani ja laich nu' yuchi cava ju ists'alh David. Ju ixnoncan ni camalakachatachilh ju Dios.

MATEO 15:22

Chai pumatam chako'ulh amachaka' Canaán lak'alh ju Jesús chai va tsa tsa tapaininilh. Chai na p'as ixchivinin acsni chani ixjuni: ―Qui'ucxtin. Ists'alh'at David. Lamapainin aq'ui'akt'ai'ut'ich. Alin ju lhacaticuru la'ixlacatuna ju quintsi' chai slivasalh na mak'alhk'ajnan.

MATEO 21:15

Para na tatalhk'amalh ju xalack'ajin palijni chai ju yu'unch ju na ixtalhatalanininta ju ixlhamap'aksin'an ju ist'a'israelitanin acsni talakts'ilh ju lhamak'an ju ixnavi ju Jesús chai acsni tak'asmatlh ni na p'as ixtachivinin ju ts'alan ju anch lacpujitat chai ixtalak'ayai ju Jesús ists'alh ju k'ai ucxtin David.

MATEO 21:9

Chai ju lapanacni ju ixtap'ulanan chai ju ixtak'aixunun na p'as ixtalacchivinin. Ixtanajun: ―Chach lak'ayacalh ju ani ists'alh ju k'ai ucxtin David. Paxcat ju ani minta ju malakachatachilh ju Dios. Chach lak'ayacalh ju Dios ju vilhcha talaclhman. ―Chunch ixtanajun ixtalhavat lapanacni.

MATEO 9:27

Chai acsni taxtuchokolh ju Jesús ju anch pus tach'ak'ok'alh ixt'iyun'an alak'ach'ixnin. P'as ixtachivinin. Ixtalact'asai. Va tsa tsa ixtajuni ju Jesús: ―Aquila'aktaijuch ji ists'alh ju k'ai ucxtin David.

LUCAS 18:37

Pus tajuni ni ixt'ajun tapasana' ju Jesús amachaka' Nazaret.

LUCAS 18:39

Para ju ixta'ap'ulananta tak'ailich. Tajuni ni va sek catavi. Para va apalai p'as ju ixchivinin. Ixnajun: ―Ji ists'alh David lamapainin aq'ui'akt'ai'ut'ich.

ROMA 1:3

Pus ju anu' ats'oknut ixnajun ixlacata ju qui'ucxtin'an Jesucristo. Ists'alh Dios. Ju yuchi quitsucuchilh tachi tam lapanac ju ani lacamunutpa'. Chai mas na mak'anch istsucuta ju David acsni tavanan tsuculh ju Jesucristo para ju yuchi mak'aniya ixpapanti ixjunita ju David.

JU AMAVASALACALH 22:16

Chai ju Jesús quijunchokopa: ―Ju quit'in icJesús chai icmalakachanichin ju qui'anquilh ju caxtakniyan ju ani chivinti ixlacata'an ju yu'unch ju quintalhilaksi. Ju quit'in ixtamask'at'anti mak'aniya k'ai ucxtin David icjunita. Vachu' tachi ju k'ai st'acu icjunita. Yuchi ju vats'isin xajachilh. ―Chunch ju xaquijuni ju Jesús.