LUCAS 15:24 - Tepehua Huehuetla

²⁴ Chunch canaviyau ni tachi ju va ixnita ju ani quints'alh para ju chavai tachi ju va lok'onchokolh. Ists'ank'ata para ju chavai lhitajuchokocalh”. Pus tatsuculh lhic'ataninin.

LUCAS 15:24 ပူးပေါင်းရင်းမြစ်များ

MATEO 8:22

Para ju Jesús chani k'alhtailh: ―Palai tu'u' aq'uilhiulat'i ju quit'in. Palai jantu ju mimpai. Chai aq'uinch'ak'ok'ach junta ac'uctsuntsucuya'. Chach tamacnu ju mimpai ju ta'amacnunun ju tanita.

MARCOS 8:22

Ju astan ju Jesús chai ix'amamaka'ui tamilh ju lak'achak'an Betsaida. Chai ju lapanacni talhiminilh ju yuchi pumatam alak'ach'ix. Chai tatapaininilh ni calakts'ilh.

LUCAS 10:19

Chai iclaxtaknitau ju tachaput ni laich ap'ut'ayaya'it'it ju lu chai ju statsucu chai laich at'alalha'aya'it'it tachi chun ju ixtachaput ju lhacaticuru chai jantu tu'u' catanaviniyan macxcai.

LUCAS 15:23

Chai a'inchit'it inin ju ask'at'a vacax ju na k'onta. Amaknit'itch chai calac'uyau chai canaviyau ju c'atan.

LUCAS 15:25

Para ju xak'ai ists'alh ixt'onachalhca' ch'alhcatna' lacacuxtu. Chai acsni tasp'itcha chai chincha vanin la'ixchaka' pus k'asmatlich ni na asanancanch chai ni t'oncan lacat'ininca.

LUCAS 15:32

Para akts'iya istasq'uini ni acmac'atanilh chai ca'alilh lack'achat. Pus ju ani mimp'isek'e tachi ju va ixnita chai tachi ju va lok'onchokolh. Va ists'ank'ata para lhitajuchokocalh”.

LUCAS 15:4

―Ju pumatam milhi'uxijnan ni capacxalh tam cientos ixborregojni chai ni camak'ats'ank'a lakatam ja jantu calacmacoyoya' ju noventa y nueve junta tat'ajun venin chai ca'alh puxcona' ju ists'ank'ata tus calhitajuya'.

LUCAS 19:10

Pus yuchi iclhiminta ju quit'in ju quimalakachatachilh ju Dios ni lapanac actsucuya' ju ani. Icmilh puxcona' ju ts'ank'ata ni laich ac'amak'alhtaxtuya'.

LUCAS 9:60

Para ju Jesús junich: ―Chach tamacnu ju mimpai ju yu'unch ju ta'amacnunun ju tanita. Para ju uxint'i a'inchich ajunini' ju lapanacni ni Dios lhinomputun la'is'atsucunti'an.

XIVAN 11:25

Chai ju Jesús junich: ―Quit'in ju ic'amalok'onininchokoi. Chai quit'inch ju icxt'ak'a ju atsucunti jonk'alhita. Ju quilhilaca'anch mas caniya' ju ixlacatuna para catsucuyanta ju ixtacuvin ju lact'iyan.

XIVAN 5:21

Tachi ju quimpai ni lai malok'oni ju nitach chai xtaknichokoi ju is'atsucunti pus chunchach vachu' ju quit'in ni ists'alh icjunita. Vachu' lai acxtakniya' ju is'atsucunti va tichi chavaich ju acxtakniputunach.

ROMA 11:15

Ju Dios yuchi alhimaca'ula pants'iquis ju quint'a'israelitanin ni laich ix'amigojni a'una'it'it ju Dios ju uxijnan ju jantu israelitanin unt'at'it. Pus ni chunch ju anavicalh ju quint'a'israelitanin ju chavai pus ca akts'iya na lhik'ach cajuna' astan acsni catalhilaca'ana' ju Cristo ju ali'in quint'a'israelitanin. Pus ju chavai ju yu'unch tachi ju va tanitach la'ix'alactu'unti'an ni jantuca' talhilaca'anta ju Jesús. Para acsni tavanan catalhilaca'anach ju Cristo pus tachi ju va ca'axtaknichokocana' ju is'atsucunti'an. Va yuchi ni sast'i cajuna' ju acsnich ju is'atsucunti'an.

ROMA 12:15

Alact'ak'ach'ant'it ju tak'achan. At'ak'alhunt'it ju na talack'alhunch.

ROMA 6:11

Pus chunchach vachu' ju chavai ju quijnan'an. Ac'ats'at'it ni tachi ju va nimak'antau ixlacata ju alactu'unti. Chai ju chavai catsucuyau tachi ju k'achani ju Dios ni va lakatam t'ajuntau ju qui'ucxtin'an Cristo Jesús.

ROMA 6:13

Jantu alac'asq'uinit'it ni canavilh tu'u' alactu'unti ju milacatuna'an. Alai amak'axt'aknit'it ju Dios ju mi'atsucunti'an. Chunch ju alat'it ni tamapaxanitan ju mak'aniya mi'atsucunti'an chai xt'aknich'ok'oc'ant'at'it ju sast'i mi'atsucunti'an. Pus amak'axt'aknit'it ju Dios ju mi'atsucunti'an ni laich amalac'asut'it ju tu'u' k'ox.

ROMA 8:2

Ni iclhilaca'anta ju Cristo Jesús pus ju Spiritu Santu t'ajun laqui'alhunut. Chai ju yuchi quixtaknita ju sast'i qui'atsucunti. Pus acsni lhinajun ju Spiritu Santu ju laqui'alhunut pus jantu va yuchi ju icnavi cuenta ju qui'alactu'unti. Pus ni va yuchi ju xactailhi'alh ju qui'alactu'unti pus ix'alilh ju qui'aninti junta jonk'alhita mak'alhk'ajnat.

1 CORINTO 12:26

Chai acsni camak'alhk'ajnana' lakatam ixpuch'alhcatna ju quilacatuna'an pus chux quilacatuna'an vachu' mak'alhk'ajnan. Chai acsni cajuncana' lakatam ixpuch'alhcatna ju quilacatuna'an ni na k'ox pus chux ju quilacatuna'an na k'achan.

EFESO 2:1

Acsni ixmuc'anic'ant'at'it ju mi'aninti'an ixlacata ju mi'alactu'unti'an chai mintalak'alhin'an acsnich ju taxtaknitan ju Dios ju sast'i mi'atsucunti'an.

EFESO 2:5

Pus mas ixmuc'anicantauch ju qui'aninti'an va ixlacata ju qui'alactu'unti'an para ju Dios quintaxtaknitan ju sast'i qui'atsucunti'an ni lhilaca'antauch ju Cristo. Pus va yuchi ni quintanavinitan lamapainin ju Dios yuchi lai xalhitak'alhtaxtuyau junta jonk'alhita mak'alhk'ajnat.

EFESO 5:14

Pus yuchi lhinoncan chani: Alacp'uc'ujt'itch ju uxijnan ju tachi ju va lht'at'ayat'it lami'atsucunti'an. Jantu vana chun alat'it tachi ju talai ju jantuca' tamispai ju Jesús. Chai ni chunch ju alat'it pus ju Cristo catamalacpucujuniyan ju mintac'atsan'an. Chunch ju lhinoncan.

COLOSAS 2:13

Pus ju mak'anchich ju Dios ixtalakts'inan ni tachi ju va ixnit'at'it va ixlaca'atalh ju mi'alactu'unti'an chai va ixlaca'atalh ni jantu ismisp'ap'ut'unat'it ju Dios ni jantu israelitanin unt'at'it. Para ju chavai ni lhilac'ap'int'at'it ju Cristo pus ju Dios taxtaknitan ju sast'i mi'atsucunti'an chai tamac'acxanitan ju mi'alactu'unti'an.

1 TIMOTEO 5:6

Para ju tam chako'ulh mas nimacontilacanta ju na k'achani ixtaxtokni ju ani lacamunutpa' pus mas t'ajunca' para ju Dios lakts'in ni tachi ju va nita.

JUDAS 1:12

Ju yu'unch na lhimaxan talai acsni tat'avenan ju laminc'atan'an. Va is'akstu'an ju talacvenchokoi. Jantu xamati' tatalhoni. Va tanavi tachi ju tak'achani is'akstu'an. Ju yu'unch chunch tajunita tachi ju tu'u' ataputs'i ju va lacatam lacatam alaclhi'anch ju un chai jantu tavanan lhimin ju xcan. Pus ju yu'unch vachu' va ta'a'okxchok'onun. Chai ju yu'unch lana jantu tu'u' taxt'ak'a ju k'ox. Chunch tajunita tachi ju tu'u' q'uiu ju jantu xt'ak'a ju tu'u' xatoc'at mas chinta ju avilhchan ni caxtaklh tu'u'. Chai jantu va yuchi ni xaxixa para vachu' tipulhumak'ancanch. Pus ju anu' a'okxchok'oni amamaka'unin tachi ju va tanitach vachu' ni mati' ju k'ox la'is'atsucunti'an.

JU AMAVASALACALH 3:1

Chai ju yuchi ju xaquima'ats'okni ju ani chivinti vachu' chani quijuni: “Chani ats'oknunin ju anu' ju alhist'ac'a ju quintalhilaksi ju tavilanancha ju lak'achak'an Sardis. Ma chani tajunan ju anu' ju malakachai ju Spiritu Santu chai ju ch'apata ju lakatujun st'acu. Pus ju yuchi ma c'atsai tuch'i naviyat'it. Chai mas noncanch ni lhilaksiyat'it ju Dios para jantu slivasalh. Alai tachi ju va nit'at'it.