LUCAS 15:18 - Tepehua Huehuetla

¹⁸ Alai actaxtuyach ju ani. Aclak'anchokoyach ju quimpai chai acjunach: Quimpai iclactu'u ju Dios chai iclactu'un ju uxint'i.

LUCAS 15:18 ပူးပေါင်းရင်းမြစ်များ

MATEO 3:6

Chai ju Xivan ix'amakpaxai ju laxak'ai xcan Jordán acsni ixtanajun ni catamacona' ju ix'alactu'unti'an.

MATEO 6:14

Ju Jesús tailhi'alh ju ixchivinti chai chani ju ajuni ju lapanacni: ―Chai ni amac'acxaniya'it'it ju lapanacni ju ix'alactu'unti'an ju tanavinitan pus vachu' catamac'acxaniyan ju uxijnan ju quimpai'an ju vilhcha lact'iyan.

MATEO 6:9

Pus ju uxijnan chanich anona'it'it acsni at'ach'ivinina'it'it ju Dios: Quimpai ju vilhchi' lact'iyan chach tac'atsa ju lapanacni ni na salaka'at ju uxint'i.

MATEO 7:11

Pus ju uxijnan mas na k'ai unt'at'it lai xt'akniyat'it ju k'ox ju mi'ask'at'an'an. Pus ja va a ti yuchach ju quimpai'an Dios ju vilhcha lact'iyan jantu cati'axtaknilh ju k'ox ju yu'unch ju tasq'uini.

LUCAS 11:2

Chai ju Jesús ajuni: ―Pus acsni at'ach'ivina'it'it ju Dios chanich anona'it'it: Quimpai ju vilhchi' lact'iyan Chach tac'atsa ju lapanacni ni na salaka'at. Chach chilh ju avilhchan acsni alhinona' ju uxint'i. Chach navicalh ju mink'achat ju ani lacat'un tachi ju navicantacha ju lact'iyan.

LUCAS 15:17

Para acsni tak'oxinilh ju ix'atalacpast'ac'at pus naulh: “Na lhu alin ju makch'alhcatnin ju la'ixchaka' ju quimpai chai ju yu'unch slivasalh na k'ox tavajin. Chai ju quit'in na icmak'alhk'ajnan ju quinchavanti ju ani.

LUCAS 15:19

Pus jantu lhijun ni vanach aq'uilhimisp'at'i ni mints'alh. Va aq'uilakts'ich tachi ju va milapanac”.

LUCAS 15:21

Para ju ists'alh junich: “Quimpai iclactu'u ju Dios chai iclactu'un ju uxint'i. Chai jantu lhijun ni vanach aq'uilhimisp'at'i ni mints'alh ju quit'in”.

LUCAS 18:13

Chunch ju naulh ju anu' fariseo. Para ju ach'ini' makat ixyacha. Chai ju yuchi jantu lana ixlaca'amputun ju lact'iyan. Va ixtanquilhacsacan ni chunch ju ixlacan ju acsni ni tu'u' ixlhixcani ix'alhunut'an. Chai ju yuchi ixnajun: “Ji Dios lamapainin aq'ui'akt'ai'ut'ich ni na ic'alactu'unu'”.