LUCAS 1:51 - Tepehua Huehuetla

⁵¹ Chai ju tuchi navi ju yuchi putasui ni na tachapun ju yuchi. Jantu tu'u' ixtapalhni anavi ju yu'unch ju na ixtalhitak'ayai ix'atalaninti'an la'ix'alhunut'an.

LUCAS 1:51 ပူးပေါင်းရင်းမြစ်များ

ROMA 1:21

Para mas tac'atsai ni chunch junita ju Dios para ixlaquilhtu jantu tavanan tajuni ni yuchi ju xak'ai. Nin catajunilh lak'ailakts'iuch. Alai va yuchi ju talhipast'ac'a ju taxtokni ju jantu lhitapalai. Chai ni na va p'as ju ix'alhunut'an pus jantu lai tamachakxai ju ixtaxtokni Dios.

2 CORINTO 10:5

Ju lapanacni ju jantu sok ta'alacpastacnan pus ju quit'in lai ic'amasuni ni jantu soknic'a ju chunch. Chai ju ali'in sia yu'unch catalaca'iyach ixchivinti Dios. Chai alin lapanacni ju talhilaksi ju tu'u' ju alin la'is'atsucunti'an chai ju yuchi va ta'asastucnun ni jantu talhilaca'amputun ju Dios. Pus ju quit'in lai ic'amasuni ni jantu k'ox ju chunch. Chai ju ali'in sia yu'unch catalaca'iya' ixchivinti Dios. Pus la'ixtachaput Dios ic'amak'asmatni ju ali'in ixchivinti Cristo chai taquiclaca'i ju yuchi.

1 PITALU' 5:5

Vachu' ju uxijnan ji ts'alan. Aq'uiclac'a'it'it ju talhinajun lacatalhavat ju talhilaca'anta ju Cristo. Chux ju uxijnan alaq'uiclac'a'it'it chai jantu k'ai alhic'ats'at'it tu'u'. Chunch alat'it ni chani ju ts'okcanta: Ju Dios ma na xcaji ju va talhitak'ayai tu'u'. Para ma a'aktaijui laca'amapaininti ju jantu tu'u' talhitak'ayai.

JU AMAVASALACALH 18:8

Chai ni tanajun ju chunch pus ixlhiyuchi lana va tam pants'iquis ca'alina' ju ixmak'alhk'ajnat'an. Cataniya' ju lapanacni. Chai ca'alina' ju amak'anit chai ju chavanti. Chai calhcuk'oya' ju lak'achak'an. Chunch ju canavicana' ni na tachapun ju ucxtin Dios. Chai yuchach ju amuc'ani ju ixtalak'alhin'an. ―Chunch ju ajunicalh ju anquilhnin.