EFESO 2:9 - Tepehua Huehuetla

⁹ Jantu lai putak'alhtaxtuyau va ixlaca'atalh ni canaviuch ju k'ox. Ni lai chunch cava ixputak'alhtaxtu pus ca laich ixtalhitak'aya ju ali'in ni ixtac'atsa ni laich ixtatak'alhtaxtulh va la'is'akstu'an.

EFESO 2:9 ပူးပေါင်းရင်းမြစ်များ

ROMA 11:6

Ju Dios asacxtulh ju lapanacni ni va ix'anaviniputun lamapainin. Jantu ixlacata ni va catanavilh ju tu'u' ju k'ox. Pus ni ixlacata cava ni tanavilh tu'u' ju k'ox ju apusacxtulh ju Dios pus jantu lai actinaulh ni va lamapainin ca'ixtiva ju anavinilh ju Dios.

ROMA 3:20

Pus jantu lai xamati' catilhimispacalh ni salaka la'ixmacni Dios va ixlaca'atalh ni canavi cava tachi ju najun la'ixlhamap'aksin ni jantu xamati' lai muctaxtui. Pus ju la'ixlhamap'aksin Dios va pumispacan ni alactu'unin juntau.

ROMA 4:2

Pus ni va ixlacata cava ju tuchi ixnavich ju Abraham ju punaulich ju Dios ni salaka ixjunita ju ix'alhunut pus ca laich ixlhitak'ayalh la'ixmacni ju ixt'a'lapanacni. Para jantu lai ixtilhitak'aya ju la'ixmacni Dios ixlacatach tuchi laich xanavi.

ROMA 9:11

Ju Dios xak'alalh ju Rebeca acsni tuca' istatsucui ixt'iyun'an is'ask'at'an chai jantuca' ixtanavita nin macxcai nin k'ox. Ju Dios ixlacasq'uin ni vana va chunch catailhi'alh tachi ju akts'iya ispastacta ju yuchi. Ixlacasq'uin ni va la'ixk'achat is'akstu ca'asacxtucanach ju is'ask'at'an catajuna'. Jantu va ixlacata ni va tu'u' k'ox ju catanavi.

ROMA 9:16

Pus yuchi lhic'atsacanch ni jantu va la'ixk'achat ju tam lapanac ju amaklhtayanancan ju ix'amapaininti Dios. Nin ixlaca'atalh ju tuchi k'ox ju canavi. Para va ixlaca'atalh ni Dios anaviniputun ju lamapainin.

2 TIMOTEO 1:9

Pus Dios ju quintamak'alhtaxtun chai quintat'asaninch ni salakach cajunau laqui'atsucunti'an. Chai jantiyu' ju quintalhi'ulhtutan chunch va ixlacata ni ca'ixnaviu tu'u' ju k'ox. Alai chunch quinta'ulhtutan ni chunch ju xalacasq'uin ju yuchi. Pus mas jantuca' ixnavican ju lacamunutpa' pus ju yuchi xaquintanavinitan lamapainin ixlacata ju Cristo Jesús.