2 TESALÓNICA 1:6 - Tepehua Huehuetla

⁶ Chai vachu' sok navi ju Dios acsni amamak'alhk'ajni ju tamamak'alhk'ajniyanch.

2 TESALÓNICA 1:6 ပူးပေါင်းရင်းမြစ်များ

COLOSAS 3:25

Para ju navi ju macxcai calhimapalhnicana' ixlacata ju macxcai ju xanavi. Chai ju Dios jantu xamati' ju va pumacatami camapaini.

JU ISRAELITANIN 6:10

Pus ju Dios sok navi ju tu'u' chai ju yuchi jantu cac'ap'a' ju lhich'alhcat ju navinit'at'it. Nin lai caticaplh ju amapaininti ju malac'asut'at'it ixlacata ju Dios acsni ch'alhc'atnanit'it ju yu'unch ju talhilaca'anta ju Cristo. Chai tus chavai vana va chunch ju t'ailhip'inat'it.

JU AMAVASALACALH 11:18

Pus ju lapanacni ju tat'ajun ixlhilacaputs'un ju lacamunutpa' tatalhk'amalh. Para vachu' t'alhk'amch ju uxint'i. Chai chilh ju chavai ju avilhchan acsni calakts'intanucanach ju tanitach. Vachu' chilh ju avilhchan acsni axt'akniya' ixtalhaja'an ju milapanacni chai ju ixtanajun ju minchivinti chai ju salaka alakts'in chai ju na tatalhoniyan. Axt'aknik'oya' chux. Mas yu'unch ju jantu tu'u' ixtapalhni'an chai vachu' yu'unch ju xalack'ajin tajunita. Chai chilh ju chavai ju avilhchan acsni amamak'alhk'ajniya' ju na ixta'amamak'alhk'ajninin ju lacamunutpa'.

JU AMAVASALACALH 15:4

Tis chavaich ju jantu catalhoniyan chai jantu calak'ayayan ju uxint'i ji ucxtin ni va uxint'i ju salaka'at. Pus tachi chun ju lapanacni ju tat'ajun ju ani lacamunutpa' catalakminanch chai catalak'ayayan. Chunch ju a'ulht'uc'ana' ni lakts'inc'ant'a ni na soknic'a ju navi.

JU AMAVASALACALH 18:20

Alhik'ach'ant'it ji amachak'an lact'iyan chai ju uxijnan ju lhilac'ap'inat'it ju Jesús chai ju uxijnan ju ixtamalakachan Jesús unt'at'it chai ju uxijnan ju nonat'it ixchivinti Dios. Chunch ju alat'it ni milacata'an ju xamamak'alhk'ajni ju Dios ju anu' lak'achak'an.

JU AMAVASALACALH 18:24

Chai la'ixpulacni ju anu' lak'achak'an amaknicancha ju ixtanajun ixchivinti Dios chai ju ixtalhilaca'anta ju Jesús. Chai ju amachak'an anch yu'unch ju talhinaulh ix'amaknica'an tachi chun ju ixlapanacni Dios ju ixtat'ajun ixlhilacaputs'un ju lacamunutpa'.

JU AMAVASALACALH 19:2

Yuchi calhi'ulhtucana' chunch ni akts'iya muctaxtui ju ixchivinti chai sok navi acsni xt'ak'a ju tu'u' mak'alhk'ajnat. Pus xtaknilh ju ixmak'alhk'ajnat ju k'ai alactu'unu chako'ulh ju lak'alhita ju lacamunutpa' la'ix'alactu'unti. Chai ju quiDios'an vachu' amamapalhni ix'ac'alhni'an ju ixlapanacni.

JU AMAVASALACALH 6:10

Chai ju yu'unch na p'as tachivinilh acsni chani tanaulh: ―Ji qui'ucxtin ju uxint'i na salaka'at. Chai akts'iya muct'axt'ui ju minchivinti. Pus tus tavananch ju alakts'int'anuya' ju quilhamak'an quinc'an chai amamalakch'avaniya'ich ixlacata ju quin'ac'alhni quinc'an ju lapanacni ju tat'ajun ju lacamunutpa'. ―Chunch tanaulh ju anu' tacuvin.