1 XIVAN 4:13 - Tepehua Huehuetla

¹³ Ju Dios quintaxtaknitan ju iSpiritu Santu. Chai yuchi lai lhic'atsayau ni ix'amigojni juntau ju Dios chai ni t'ajunch ju yuchi laqui'alhunut'an.

1 XIVAN 4:13 ပူးပေါင်းရင်းမြစ်များ

1 CORINTO 2:12

Pus ju quijnan'an jantiyu' ju xa'atalaninti va lhilapanac ju pumachakxayau ju ixtaxtokni Dios. Para ju Dios quintaxtaknitan ju Spiritu Santu chai yuchach ju quintamamachakxaniyan ju tuchi quintalhik'ailakts'intan ju Dios.

1 CORINTO 6:19

Ja va jantu c'ats'ayat'it ni ix'anu' Dios junita ju milacatuna'an ni taxtaknitan ju Spiritu Santu chai yuchi ju t'ajun lami'alhunut'an. Pus ju milacatuna'an jantu mi'anu'an mi'akstu'an.

1 XIVAN 2:3

Chai c'atsayau ni mispayauch ju Dios acsni quiclaca'iyau ju ixlhamap'aksin ju yuchi.

1 XIVAN 2:5

Para va tichi chavaich ju quiclaca'i ju ixchivinti Dios putasui ni ixlhichux ix'alhunut ju mapaini ju Dios. Chai chani ju lhic'atsayau ni vasalh va lakatam t'ajuntau ju Cristo.

1 XIVAN 3:24

Pus ju navi tachi ju najun la'ixlhamap'aksin ju Dios pus ix'amigo junita ju Dios chai ju Dios t'ajun la'ix'alhunut. Pus ju Spiritu Santu ju quintaxtaknitan yuchi ju quintamavasalaniyan ni t'ajun ju Dios laqui'alhunut'an.