1 XIVAN 4:12 - Tepehua Huehuetla

¹² Jantu xamati' lakts'inta ju Dios. Para ni calamapainiu ju quijnan'an pus Dios ju t'ajun laqui'alhunut'an chai tasui ni slivasalh mapainiyau ju Dios.

1 XIVAN 4:12 ပူးပေါင်းရင်းမြစ်များ

XIVAN 1:18

Ju Dios jantu xamati' lakts'inta tavanan. Ju lakatami ists'alh Dios slivasalh ixmapaini. Yuchach ju putalacasulh ta junitach ju Dios.

1 CORINTO 13:13

Pus va tachi calhilaca'anauch ju Cristo. Chai va tachi calaca'iyau ni aquintaxtakniyan ju tuchi quintak'alhtasunitan ju Dios. Chai va tachi ca'amapainininau. Para va lakatamch ju ani ju palai lhitapalai. Yuchi ni na ac'amapaininilh.

1 TIMOTEO 1:17

Tus mas va tavananch catalhonicalh chai calak'ayacalh ju Dios. Pus ju yuchi jonk'alhita xak'ai ucxtin. Chai ju yuchi jantu lai ni. Chai jantu lai lakts'incan. Pus va yuchi ju Dios junita. Vasalh chunch junita.

1 TIMOTEO 6:16

Va yuchach ju jantu lai ni. Chai ju yuchi t'ajun laca'atuncunu' junta jantu lai xamati' lakcha'an. Ju yuchi jantu xamati' lakts'inta nin xamati' lai catalakts'ilh tachi ju juntau ju chavai. Yuchi ju talhonik'ocan. Chai yuchi ju alin ixtachaput ju jonk'alhita. Slivasalh chunch ju junita.

JU ISRAELITANIN 11:27

Chai ni laca'inilh ixchivinti Dios ju Moisés pus jantu talhonilh ju ixtalhk'amti ju k'ai ucxtin acsni amaxtulh ju ist'a'israelitanin ju xalacat'un Egipto. Chai jantu tavanan caplh tuchi ixnaviputun ni tachi ju vasalh ixlakts'in ju Dios.

1 XIVAN 2:5

Para va tichi chavaich ju quiclaca'i ju ixchivinti Dios putasui ni ixlhichux ix'alhunut ju mapaini ju Dios. Chai chani ju lhic'atsayau ni vasalh va lakatam t'ajuntau ju Cristo.

1 XIVAN 3:24

Pus ju navi tachi ju najun la'ixlhamap'aksin ju Dios pus ix'amigo junita ju Dios chai ju Dios t'ajun la'ix'alhunut. Pus ju Spiritu Santu ju quintaxtaknitan yuchi ju quintamavasalaniyan ni t'ajun ju Dios laqui'alhunut'an.

1 XIVAN 4:16

Chai ju quijnan'an c'atsayauch chai laca'iyauch ni quintamapainiyan ju Dios. Pus Dios ju na amapaininin. Chai ju amapaininin pus ix'amigo Dios junita chai ju Dios t'ajun la'ix'alhunut.

1 XIVAN 4:20

Para ni xamati' najun ni mapaini ju Dios para ni va xcaji ju tam ixlhilak'au pus va ta'aklhtaman. Pus ju jantu mapaini ju tam ixlhilak'au ju t'alalakts'in ja va a ti yuchach lai catimapaini ju Dios ni jantu tavanan lakts'inta.

1 XIVAN 4:6

Para ju quijnan is'ask'at'an Dios icjuntau. Chai ju lapanacni ju tamispai ju Dios pus quintak'asmatniyanch. Para ju jantu is'ask'at'an Dios jantu quintak'asmatniyan. Yuchi alhimispayauch tichi chava'itnich ju ta'amalaninin tachi ju ajuni ju Spiritu Santu chai tichi chava'itnich ju va ta'a'okxchok'onun.