1 XIVAN 3:1 - Tepehua Huehuetla

¹ Alakts'int'it. Slivasalh na quintamapainiyan ju quimpai'an Dios. Chai tasui ni vasalh quintamapainiyan ni lacasq'uinch ni calhimispacanauch ni is'ask'at'an juntau. Chai ju lapanacni ju jantuca' talhilaca'anta ju Cristo jantu tac'atsai ni is'ask'at'an Dios juntau va ixlacata ni jantu tamispai ju yuchi.

1 XIVAN 3:1 ပူးပေါင်းရင်းမြစ်များ

LUCAS 20:36

Jantu tasq'uini ni catamak'axtokcha ju anch ni jantu catitanichokolh ju anch. Alai va ixt'achunchach catatsucuyanta tachi ju anquilhnin. Chai is'ask'at'an Dios tajunita ni talok'onchokota.

XIVAN 1:12

Para ju yuchi axtaknilh ixtachaput'an ni catavalhch is'ask'at'an Dios tachi chun ju lhik'ach ta'amaklhtayanalh chai talhilaksi.

XIVAN 11:52

Chai jantu va yuchi ni canilh ix'okxtapalhni ju ist'a'israelitanin. Para vachu' la'ix'aninti va lakatam ix'anavik'oputun ju is'ask'at'an Dios ju tat'ajun ixlhilacaputs'un ju lacamunutpa'.

XIVAN 15:21

Chunch ju catapunaviyan va ixlaca'atalh ni quilalhilaca'anauch ju quit'in chai ju yu'unch jantu tamispai ju quimacaminta.

XIVAN 16:3

Chux ju ani taxtokni chunch catanaviya' ni va jantu tamispai ju quimpai nin quit'in.

XIVAN 17:25

Ji quimpai soknic'a ju navi ju uxint'i. Ju lapanacni ju jantu quintalhilaca'anta jantu tamispayan. Para ju quit'in icmispayan. Chai ju quilapanacni tamispaich ni uxint'i ju xaq'uimalak'ach'ayachit'a.

XIVAN 3:16

―Ju Dios chunchach ju apumapaini ju lapanacni ju ani lacamunutpa' ni quilhitap'uxlh ju quit'in ju lakatami ists'alh icjunita. Ju chunch tachi chun ju aquintalhilaca'anach jantu cats'ank'aya'. Alin is'atsucunti'an ju conk'alhiyanta lact'iyan.

ROMA 5:8

Para ju Dios quintamasuninch ni na quintamapainiyan ni malakachachilh ju Jesús ju quinichilh ju quilacata'an mas alactu'unin ixjuntauca'.

ROMA 8:19

Chai tachi chun ju taxtokni ju navita ju Dios na talakts'imputun acsni tavanan calak'ayacana' ju is'ask'at'an Dios.

ROMA 8:21

Pus is'akstu ju Dios ju calak'oxichokoya' tachi chun ju taxtokni ju ani lacamunutpa' chai jantu catats'ank'aya'. Chai acsni tavanan catai'inik'ocana' ju ixtachaput ju alactu'unti pus va lhik'ach cajuna' ju qui'atsucunti'an tachi chun ju is'ask'at'an Dios juntau. Chai vana va chun tachi chun ju taxtokni ju ani lacamunutpa'. Si catasast'ik'oya' ju acsnich.

ROMA 8:32

Ju Dios jantu lacasq'uilh ni catak'alhtaxtulh la'ix'aninti ju ists'alh. Alai va mak'axtaklh ju quilacata'an quijnan'an. Chai ni lai mak'axtaklh ju ists'alh ju la'ix'aninti ju va quilacata'an ja va a ti yuchach jantu lai aquintaxtaknik'ojun tachi chun ju maktasq'uiniyau.

2 CORINTO 6:18

Chai ma mimpai'an cajuna'. Chai ju uxijnan ma is'ask'at'an a'una'it'it. Ma chunch ju najun ju Dios ju lai navik'ojui tachi chun ju taxtokni.

GALACIA 3:26

Ju chavai quinchux'an is'ask'at'an Dios juntau va ixlaca'atalh ni lhilaksiyauch ju Cristo Jesús.

GALACIA 3:29

Chai ju uxijnan ni ix'anu' Cristo unt'at'it pus ju Dios talakts'inan tachi ju vasalh ix'apapanatnich Abraham unt'at'it. Chai ixlhiyuchi amaklht'ayanana'it'it tuchi k'alhtasunita ju Dios ju Abraham.

COLOSAS 3:3

Pus ju Dios talhilhcatan tachi ju va t'anit'at'it ju Cristo. Chai ju chavai alin ju sast'i mi'atsucunti'an ni lhilac'ap'int'at'it ju Cristo chai is'ask'at'an Dios unt'at'it.

1 XIVAN 3:10

Pus chani ju apumispacanch tichi chava'itnich ju is'ask'at'anch Dios tajunita chai tichi chava'itnich ju is'ask'at'an ju lhacaticuru tajunita. Pus tachi chun ju jantu tanavi ju soknic'a chai ju jantu tamapaini tam ixlhilak'au'an pus jantu is'ask'at'an Dios tajunita.

1 XIVAN 3:2

Ji qui'alak'avin tachi chun ju quijnan'an ju lhilaca'anauch ju Cristo is'ask'at'an Dios juntau ju chavai. Chai mas tuca' mavasalanicanau ta yu tucan cajunauch astan para c'atsayau ni chunch cajunau tachi ju Cristo acsni tavanan caminchokoya' ju yuchi. Chai chunch cajunau ju acsnich ni calakts'inauch ju yuchi ta yu junitach.

1 XIVAN 4:17

Chai acsni vasalh mapainiyau ju Dios pus jantu catalhoniyau ju anu' avilhchan acsni ca'amak'osaspitcanach tachi chun ju lapanacni. Jantu catalhoniyau ni vachu' chunch quintamapainiyan ju quijnan'an mas vilauca' ju ani lacamunutpa' tachi ju mapaini ju Jesucristo.

JU AMAVASALACALH 21:7

Chai ju casast'uc'a' ju macxcai sich ix'anu' cajuna' tachi chun ju taxtokni. Chai ju quit'in isDios acjuna'. Chai ju yuchi quints'alh cajuna'.