1 XIVAN 2:13 - Tepehua Huehuetla

¹³ Chai ju uxijnan ji qui'acucun misp'ayat'it ju Cristo ju t'ajun tus acsni matica' ixjunita ju lacamunutpa'. Chai yuchi iclalhi'ats'oknuniyauch ju uxijnan. Chai ju uxijnan ji paitat lapanacni t'alalha'at'at'it ju lhacaticuru. Chai yuchi iclalhi'ats'oknuniyauch ju uxijnan. Chai ju uxijnan ji qui'ask'at'an misp'ayat'itch ju quimpai'an Dios. Chai yuchi iclalhi'ats'oknuniyauch ju uxijnan.

1 XIVAN 2:13 ပူးပေါင်းရင်းမြစ်များ

MATEO 11:27

Chai ju acsnich ju Jesús chani ajuni ju lapanacni: ―Ju quimpai quixtaknik'ota tachi chun ju taxtokni. Para jantu xamati' vasalh quimispai. Va yuchi ju quimpai. Chai jantu xamati' vasalh mispai ju quimpai. Va quit'in ju ists'alh icjunita. Chai vachu' tamispai tachi chun ju iclacasq'uin ni catamispa.

MATEO 13:19

Pus ju t'in ju tamacha vanin la'ixquilhtu' ti yu'unch ju tak'asmat'a ju chivinti junta najun ni lhinomputun ju Dios la'is'atsucunti'an ju lapanacni. Para ju yu'unch jantu tamachakxai. Chai lana min ju lhacaticuru chai amac'ap'ani ju chivinti ju ix'ach'ananicanta la'ix'alhunut'an.

MATEO 13:38

Chai ju lacacuxtu yuchi ju lacamunutpa'. Chai ju k'oxi t'in yu'unch ju alhcanicanta ni laich catatanu ju lact'iyan junta lhinajun ju Dios. Chai ju t'in ju jantu k'ox ixjunita yu'unch ju na k'ai tajunita.

MATEO 5:37

Alai chach tac'atsaya' ju lapanacni ni vasalh a ju nomp'ut'unat'it acsni nonat'it a. Chai vasalh jantu ju nomp'ut'unat'it acsni nonat'it ni jantu. Para ni makt'asq'uiniyat'it tu'u' atumpa va nomputun ni na va alact'u'ununat'it chai ixlhiyuchi jantu lai lalhiq'uiclac'a'iyat'it ni jantuch tu'u' lhip'ast'ac'at'it ju ixpumavasalaca ju minchivinti'an.

LUCAS 10:22

―Ju quimpai quixtaknik'ota tachi chun ju taxtokni. Chai jantu xamati' vasalh quimispai. Va yuchi ju quimpai. Chai jantu xamati' vasalh mispai ju quimpai. Va quit'in ju ists'alh icjunita chai tachi chun ju iclacasq'uin ni catamispa.

XIVAN 14:7

Ni xaquilamispau tichi chavaich ju quit'in pus vachu' ismisp'at'it ju quimpai. Pus ju chavai ni quilamispayauch tichi chavaich ju quit'in pus tachi ju va misp'ayat'itch ju quimpai. Chai tachi ju va lakts'inat'it ju quimpai.

XIVAN 14:9

Pus ju Jesús alack'alhtailh: ―Na mak'anchich ju xaclat'a'alhtanatsucuyau ju uxijnan. Ja vanach jantu q'uimisp'ai ji Pilipe. Ju quilakts'intach quit'in tachi ju va lakts'intach ju quimpai. T'as ni va nomp'alai ju uxint'i ni acmalacasuniyan ju quimpai.

XIVAN 16:3

Chux ju ani taxtokni chunch catanaviya' ni va jantu tamispai ju quimpai nin quit'in.

XIVAN 16:33

Chai iclajunauch ju ani taxtokni ni jantu calac'alh ju mi'alhunut'an. Jantu catilac'alh ju mi'alhunut'an ni quilalhilaca'anau ju quit'in. Ju ani lacamunutpa' na amak'alhk'ajnana'it'it. Para jantu at'alhanant'it. Ju quit'in ictai'initach ju ixtachaput ju lhinajun ju ani lacamunutpa'.

XIVAN 17:21

Ictapaininiyan ni va lakatamch catava ixchux'an. Tachi ju uxint'i chai ju quit'in ni va lakatam Dios juntau ji quimpai. Pus vachu' chunch ju yu'unch va lakatamch aquintat'ajunan ju laquimacni'an. Chai ju lapanacni ju jantu quintalhilaca'an acsni catalakts'ina' ni va lakatam junk'otauch pus catalaca'iyach ni uxint'ich ju q'uimalak'ach'at'achit'a.

XIVAN 17:3

Ca'alinach ju is'atsucunti'an jonk'alhita acsni catalhilaksiyanch ni va uxint'i ju istavasalanti Dios'at. Chai aquintalhilaksiyach ju quit'in ni icJesucristo chai ni uxint'i ju xaq'uimalak'ach'ayachit'a.

XIVAN 8:19

Tajunich chavai: ―Tas anchach ju ya ju mimpai. Ak'alhtayanalh ju Jesús: ―Nin quit'in jantu quilamispayau. Ja va a ti quimpaich lai amisp'at'it. Pus ni xaquilamispau ju quit'in pus vachuch ju quimpai ca'ismisp'at'it.

2 CORINTO 4:6

Dios ju naulh ni ca'alilh ju atuncunu' ju ani lacamunutpa'. Chai yuchach ju vachu' quintalhimalacpucujutan ni laich camispayau ni vasalh yuchi ju xak'ai ju Dios.

1 TIMOTEO 5:1

Jantu tavanan alak'ak'aimat'i ju va papach. Alai amasunin tuchi najun la'ixchivinti Dios tachi ju va junch mimpai ju t'a'un junini'. Chai ju mint'achunca' amap'aksit'i tachi ju va mi'alak'avinch.

TITO 2:6

Vachu' amap'aksit'ich ju ts'alan ni cata'ac'atsanalh.

1 XIVAN 1:1

Ju Jesús ixt'ajun acsni tuca' ix'alin ju lacamunutpa'. Para ju quijnan ick'asmat'auch ju ixchivinti chai iclakts'intauch ju yuchi laquilakchulh quinc'an. Va tsa tsa xaclakts'inauch acsni ixvi ju ani lacamunutpa'. Chai iclakcha'auch ju yuchi laquimaca' quinc'an. Ju yuchi xt'ak'a ju k'ox atsucunti. Chai quintamamachakxanin ta yu junita ju ix'alhunut ju quimpai'an Dios.

1 XIVAN 2:1

Ju uxijnan tachi ju va qui'ask'at'an unt'at'it. Chai jantu iclacasq'uin ni alact'u'ununt'it. Yuchi iclalhi'ats'oknuniyau ju ani. Para ni ca'alactu'unulh tam xamati' pus alin ju quinta'aktaijuyan la'ixmacni quimpai'an Dios. Yuchi ju Jesucristo ju na soknic'a ju is'atsucunti.

1 XIVAN 2:12

Ju uxijnan tachi ju va qui'ask'at'an unt'at'it. Chai ni mac'acxanic'ant'at'it ju mi'alactu'unti'an va ixlaca'atalh ni lhilac'ap'int'at'it ju Jesús pus yuchi iclalhi'ats'oknuniyau ju uxijnan.

1 XIVAN 2:14

Chai ju uxijnan ji k'aya lapanacni misp'ayat'it ju Cristo ju t'ajun tus acsni matica' ixjunita ju lacamunutpa'. Chai yuchi iclalhi'ats'oknuniyauch ju uxijnan. Chai ju uxijnan ji paitat lapanacni lai sast'uc'at'it ju macxcai chai slivasalh misp'ayat'it ju ixchivinti Dios chai t'alalha'at'at'itch ju lhacaticuru. Chai yuchi iclalhi'ats'oknuniyauch ju uxijnan.

1 XIVAN 3:12

Jantu chun calau tachi ju lalh ju mak'aniya lapanac ju Caín ixjuncan. Ju yuchi is'ask'at'a lhacaticuru ixjunita chai maknilh ju ixlak'au. Pus ja c'ats'ayat'it tuchi ju lhimaknilh ju ixlak'au. Yuchi xalhimakni ni va jantu k'ox ixjunita ju is'atsucunti is'akstu chai ju is'atsucunti ju ixlak'au na soknic'a ixjunita.

1 XIVAN 4:4

Qui'ask'at'an ju uxijnan is'ask'at'an Dios unt'at'it. Chai jantu ta'okxchok'otan ju yu'unch ju jantu vasalh ixchivinti Dios tanajun. Pus palai tachapun ju Dios ju t'ajun lami'alhunut'an. Palai jantu ju lhacaticuru ju t'ajun ju ani lacamunutpa'. Yuchi jantu talhi'okxchok'oyan.

1 XIVAN 5:18

C'atsayau ni jantu va tsa alactu'unun ju is'ask'at'a Dios. Para ju ists'alh Dios lhist'ac'a ju lhilaca'anta yuchi chai ju lhacaticuru jantu lai ta catinavi.

1 XIVAN 5:20

Chai c'atsayau ni quilatachilh ju ists'alh Dios chai quintaxtaknitan ju k'ox quintac'atsan'an ni laich camispauch ju yuchi ju la'istavasalanti Dios junita. Chai ju quijnan'an ix'amigojni juntau ju istavasalanti Dios ni lhilaca'antauch ju lakatami ists'alh ju Jesucristo juncan. Yuchach ju istavasalanti Dios chai yuchi ju xt'ak'a ju atsucunti ju conk'alhiyanta ju lact'iyan.

JU AMAVASALACALH 12:11

Para ju qui'alak'avin'an tat'alalhajalh ju anu' k'ai lu. Tapulhajalh ix'ac'alhni ju anu' Ask'at'a Borrego chai la'ixchivinti'an junta ixtanajun ni la'ixlhichux ix'alhunut'an ixtalhilaksi ju Jesucristo. Chai ju yu'unch jantu tu'u' ixtalhiulai ju is'atsucunti'an mas catanilhch.

JU AMAVASALACALH 2:7

Pus ju alin ixpak'asmatni ma chach k'asmatlh ju tuchi najun ju Spiritu Santu. Tuchi ajuni ju talhilaksi ju yuchi ju xaquima'ats'okni ju ani chivinti. Pus ju casast'uc'a' ju macxcai ma caxtaknicana' ju xatoc'at ju q'uiu ju xt'ak'a ju atsucunti ju conk'alhiyanta ju lact'iyan junta vilhcha ju Dios. Ma yuchi ju caxtakniya' ju xaquima'ats'okni ju ani chivinti”. Chunch ju quijuni ni ac'ajunilh ju amachak'an Efeso.