Tito 3:8 - Tachi Ak'õre Pedea

⁸ Mãɨ pedea piarã arí bɨ pẽra, mãɨne ĩjãanai p'anɨma. Mɨa k'ɨ̃ria bɨma pɨa mãɨ minachia jaratea bai Tachi Ak'õrene ĩjãa berãpa nejõma pia oo wãnamẽrá. Mãɨ pedea minachia pia bɨma. Jõmãɨrã k'aripaparima.

Tito 3:8 ပူးပေါင်းရင်းမြစ်များ

Mateo 20:4

Ãchiá jarasima: “Mãra sida mɨ ne uva k'ãena mimiane wãt'ɨ. Mãɨpari mɨa erreara ara machia mimiauta jĩra teaipɨ”. Ara mãɨne wãsidama.

Juan 12:44

Maapae Jesupa jĩk'ua jarasima: «Chi mɨne ĩjãa bɨpa mɨ Peedade pida ĩjãa bɨma.

Juan 5:24

»Mɨa piarã jararuma: abaɨpa mɨ pedea ũrik'ari mɨ Peeda ĩjãaipɨra, mãɨ ẽpẽra ichi ome ewaricha chok'ae baipɨ. Tachi Ak'õrepa ichi ɨtɨaiwẽma. Piarã mãɨ ẽpẽra piu bada chok'ae bɨma.

Hecho 12:15

Mãɨne ãareaɨrãpa Rodea jarasidama: —Pɨ k'ĩra piawẽa bɨma. Maamina ichia piarãane asima. Mãɨne ãchia jarasidama: —Mãɨya bɨpɨra chi Tachi Ak'õrepa ɨt'aripa peeda mãɨ Pedrodepɨ.

Romano 4:5

Maamina chi ne oowẽa bɨpa Tachi Ak'õrene ĩjãaipɨra, Tachi Ak'õrepa mãɨ chi ichidirã jĩp'a berã paara bɨipɨ. Chi nemietá oo berãpa Tachi Ak'õrene ĩjãasidara Tachi Ak'õrepa ãchi chi ichidirã jĩp'a berã paara bɨparima.

2 Corintio 4:13

Tachi Ak'õre pedeade bɨ bɨma: «Mɨa Tachi Ak'õrene ĩjãana pẽra pedeasima». Ara mãɨ jĩra taipa Tachi Ak'õre piarã ĩjãa p'anɨ pẽra ichi k'orea pedea p'anɨma.

Ep'esio 4:28

Chi nechɨaparí pada waa nechɨaiwẽa bɨma, mãɨpari ara ichi juapa mimiai bɨma ne uru bai k'orea. Mãɨya ichia uru baipɨ nenea k'ede k'aripai k'orea.

1 Timoteo 1:15

Nãɨ pedea piarã arí bɨ pẽra jõmãɨrãpa ĩjãanai p'anɨma: Jesucristo nãɨ ĩjũanea chesima nemietá oopataɨrã k'aripai k'orea. Mãɨrãnepema, mɨt'u chi atepe k'achia pará basima.

1 Timoteo 2:8

Mãɨpuru ũpẽarã ará nɨbeerude, mɨa k'ɨ̃ria bɨma techa ɨmɨk'ĩrarãpa k'ɨ̃risia piadepa ãchi jua ɨt'aa jiradak'ari, Tachi Ak'õrea ɨt'aa chiididamẽrá. Mãɨne k'ĩruu p'ananaiwẽa p'anɨma mãɨnepa awaraɨ ome k'ĩruu pedea p'ananaiwẽa p'anɨma.

1 Timoteo 5:10

Ãchia pia oodada k'orea t'ɨ̃ p'oa p'ananai p'anɨma. Ãchi warrarã pia taup'ãepachidapɨra, ãchi tedea chedaadarã́ pia pedeapachidapɨra, ũpẽarã jĩru sɨɨpachidapɨra, chi mĩa k'ede k'aripapachidapɨra mãɨnepa nejõma pia oopachidapɨra, mãɨ p'ẽtã́ t'ɨ̃ k'art'ade bɨdai p'anɨma.

2 Timoteo 1:12

Mãɨ k'orea mɨ mãɨya mĩa bɨma. Maamina p'erawẽa bɨma. Mɨa k'awa bɨma k'aide ĩjãa bɨt'a. Mãɨnepa k'awa bɨma mɨa ichi juade ne bɨda ak'ɨmẽrá, mãɨ ichia p'ue ak'ɨi bɨt'a, aba ichia ɨtɨai ewaridea.

Tito 1:9

Chi piarã pedea ichiá jarateadada minachia ĩjãa bai bɨma. Mãɨya ichia piarã pedea jĩp'a jaratea bɨdepa ẽpẽrarã p'ue k'aripaipɨ pia ĩjãanamẽrá, mãɨnepa chi piarã pedea piawẽa bɨade apataɨrã́ p'ue k'awapiipɨ ãchia piawẽa k'ɨ̃risia p'anɨ.

Tito 2:14

Tachi k'orea Jesucristopa ara ichi itu peapisima ãarea nemietaadepema k'aripai k'orea. Tachi ara ichi pae pia bɨsima ichi p'uurude p'ananamẽrá mãɨnepa nejõma pia oo k'ɨ̃ria p'ananamẽrá.

Tito 2:7

Jõma pia oo bɨdepa jõmãɨrã́ unupi base sãmaasã́ nipadai p'anɨ. K'ɨ̃risia piadepa jĩp'a jaratea base.

Tito 3:1

Ũpẽarã́ k'ɨ̃risiapise chi nãɨ ĩjũanepema minachia k'awa p'anɨrã juade p'ananai p'anɨma. Ãchia jarauta oodai p'anɨma mãɨnepa nejõma pia oodai k'orea p'ananai p'anɨma.

Tito 3:14

Tachi chi Cristode ĩjãa berãpa pia oo k'awadai p'anɨma nenea k'ede k'aripadai k'orea. Mãɨya ara tachi pari p'ananaiwẽma.

P'ilemón 1:11

Naena pɨ pae pari mimiaparí piawẽa basima, maamina idiapae chi pɨ pae pari mimiaparí pia beesima. Mãɨya ichia pɨ pae pia mimiaipɨ mãɨnepa mɨ pia k'aripaipɨ.

Hebreo 10:24

Jɨrɨdai p'anɨma sãmaasã́ chi k'aripadait'a pia chi k'ɨ̃rianai k'orea mãɨnepa nepia oodai k'orea.

1 Pedro 1:21

Cristodepa mãrapa Tachi Ak'õrene ĩjãa p'anɨma. Tachi Ak'õrepa ichi piu bada chok'ae p'irabaripik'ari atepe bɨsima. Mãɨpuru mãrapa Tachi Ak'õrene piarã ĩjãa p'anɨma mãɨnepa nɨ p'anɨma Ichia jarada ãarea oomẽrá.