Tito 3:6 - Tachi Ak'õre Pedea

⁶ Tachi K'aripaparí Jesucristodepa Tachi Ak'õrepa ichi Jaore tachiá teasima, pania minachia weasi jĩra tachi k'ak'ua ɨ̃rɨ.

Tito 3:6 ပူးပေါင်းရင်းမြစ်များ

Juan 1:16

Ichi minachia k'awa bɨdepa, sõpiadepa tachi k'aripa basima mãɨnepa sõpiadepa tachi k'aripa bɨma.

Juan 16:7

Mɨa piarã jararuma: mãra pae pia bɨma mɨ wãit'a. Mɨ wãepɨra mãra K'aripaparí cheiwẽma. Maamina mɨ wãipɨra ichi peeipɨ.

Juan 4:10

Jesupa p'anoosima: —Tachi Ak'õrepa teai bɨt'a pɨa k'awarupara mãɨnepa k'aipa jãɨ pania idi bɨt'a k'awarupara, pɨa mɨá pania idii pasima. Maapae mɨa chi chok'ae bapiparí pania teai pasima.

Juan 7:37

Mãɨ arapaapataɨ ewari oo p'anɨne chi k'aadeapema ewari chi choma bɨt'a basima. Mãɨ ewaride Jesú bai nɨbeek'ari jĩk'ua pedeasima: —Chi abaɨ opisia bɨpɨra mɨmá chese, maapae pania chok'ae bapiparidepema tose.

Hecho 10:45

Mãɨne pedea awara pedea tuaneesidama mãɨnepa Tachi Ak'õrea pia pedea tuaneesidama. Judiorã Jesude ĩjãapataɨrã Pedro ome chedaadapa mãɨ ũrisidaɨde k'awa k'ɨ̃risiadaé pasima Tachi Ak'õrepa ichi Jaore judiorãwẽa teada pẽra.

Hecho 2:33

Tachi Ak'õrepa ichi juaraari Jesú chi atepe bɨ bɨsima. Maapae ichi Jaore teai jarada Jesua teasima, ichiaba ichidirã́ teamẽrá. Jesupa mãɨ Jaore piarã taiyá teasima. Chi mãrapa unu p'anɨt'a mãɨnepa ũri p'anɨt'a ichi Jaorepa mãɨya oopi bɨma.

Romano 2:4

Pɨa itu bɨ bɨma Tachi Ak'õrepa tachi ome minachia sõpia bɨt'a, ãarea choa bɨt'a mãɨnepa nemietá ooda isapea ɨtɨak'á bɨt'a. ¿Pɨa k'awawẽa bɨk'ãra Tachi Ak'õre sõpia baparima pɨ ome, ichia k'ɨ̃ria bɨẽra pɨa nemietá ooparí itu bɨk'ari ichimá chemẽrá?

Romano 5:5

Mãɨ seawẽma, mãɨpari piarã jitadaipɨ. Mãɨya k'awa p'anɨma Tachi Ak'õrepa ichi Jaore tachiá teada pẽra. Ichi Jaoredepa tachi sõne k'awapi bɨma tachi piarã minachia k'ɨ̃ria bɨt'a.

Romano 8:2

Ichidepa Tachi Ak'õre Jaorepa tachi chok'ae bapida pẽra, tachi nemietaadepema, piudai pada pari ãjã́ bɨsima.

Ep'esio 3:8

Jõma ẽpẽrarã Tachi Ak'õrenepemarã t'ãena mɨ k'aepe bɨmina, ichi sõpiadepa mɨt'u bɨsima judiorãwẽa chi Cristo k'orea nepia jõk'apɨ́ jarateamẽrá.

Ep'esio 4:2

Mãra chi atepe be k'ɨ̃risiarãt'ɨ, mãɨpari k'ɨ̃risia piadepa p'anat'ɨ. Ara machi paara k'ɨ̃rianepa choa p'anat'ɨ.

1 Timoteo 6:17

Nãɨ ĩjũane erreara pará berã́ jarase waapẽarã k'aepẽra chi atepe berã k'ɨ̃risiapidaemaapa. Ãchia ne uru p'anɨ tãaraa choak'a pẽra jarase mãɨ k'orea pia p'ananai k'ɨ̃risiapidaemaapa. Tachi Ak'õret'u k'ɨ̃risiadai pia bɨma. Ichiapuru tachiá nejõma minachia teaparima ne k'ɨ̃risiadawẽa p'ananamẽrá.

Tito 1:4

Tito, mɨa nãɨ k'art'a pɨ pae bɨruma. Tachia abarik'a Cristode ĩjãa p'anɨ pẽra pɨt'a piarã mɨ warra jĩra bɨma. Mɨa k'ɨ̃ria bɨma Tachi Pajãnepema Ak'õrepa mãɨnepa Tachi Chipari Jesucristo pida ãchi sõpiadepa pɨ k'aripa p'ananait'a mãɨnepa ne k'ɨ̃risiawẽa p'anapiit'a.