Tito 2:8 - Tachi Ak'õre Pedea

⁸ Piarã pedea jaratea base mi ãpia pida pɨ k'orea k'achia pedeapidaemaapa. Mãɨya jaratea baipɨra, pɨchi nek'ĩramaarã k'ĩranejasiadaipɨ. Ãchia mi ãpia pida tachi k'orea p'ue k'achia pedeadaiwẽma.

Tito 2:8 ပူးပေါင်းရင်းမြစ်များ

Marco 12:17

Mãɨne Jesupa jarasima: —Mãɨyara chi Romanepema chi atepe poro chaarea bɨdé mãɨ ichidí ichiá teat'ɨ, ichiaba chi Tachi Ak'õrené mãɨ chi Tachi Ak'õrea teat'ɨ. Ãchia Jesú k'orea k'awa k'ɨ̃risiadaé pasima.

Marco 12:28

Mãɨya pedea p'anɨne chi Moisepa bɨda jarateapataɨrãnepema aba bɨpa Jesú orrobarik'ari, chi Jesupa saduceorã́ pia p'anoonat'a ũri basima. Mãɨpuru idisima: —Tachi Ak'õrepa oopi bɨ pedeadepema ¿sãɨ chi atepe piipará bɨma?

Marco 12:32

Mãɨne chi Moisepa bɨda jarateaparipa jarasima: —Pia bɨma, Jarateaparí, pɨa jara bɨ jĩra Tachi Ak'õre abapuru bɨma, waa ichi awara newẽma.

Marco 12:34

Pia p'anoona pẽra, Jesupa ichiá jarasima: —Pɨ Tachi Ak'õrepa ichidirã ichi juade ua bai k'ait'a bɨma. Ara mãmãɨpa abaɨ pida Jesua waa ne ididai k'ɨ̃rianaé pasima.

Luca 13:17

Jesupa mãɨ jaraside chi ichi k'orea k'achia pedea p'anana minachia p'erasidama, maamina ichia nepia oo bɨ k'orea chi p'uurudepemarã minachia arapá p'anasidama.

2 Tesalonicense 3:14

Taipa nãɨ k'art'ade jarateadada abaɨ pida ĩjãaepɨra, jõmãɨrã́ k'awapit'ɨ piawẽa oo bɨt'a. Ichi ome ará p'anarãt'ɨ p'eramẽrá.

1 Timoteo 5:14

Mãɨ k'orea mɨa k'ɨ̃ria bɨma p'ẽtã́ wapida warra be k'ima atadait'a, warra t'õnait'a, mãɨnepa ãchi te sida pia ak'ɨdait'a. Mãɨya tachi nek'ĩramaapa p'ue piawẽa pedeaiwẽma.

1 Timoteo 6:3

Abaɨ pida k'ĩra awara jaratea baipɨra, Tachi Chipari Jesucristopa jĩp'a jarateada piawẽa bɨade aipɨra, mãɨnepa tachi jĩp'a nipadai k'orea pida k'ĩra awara jaratea baipɨra,

Tito 3:14

Tachi chi Cristode ĩjãa berãpa pia oo k'awadai p'anɨma nenea k'ede k'aripadai k'orea. Mãɨya ara tachi pari p'ananaiwẽma.

1 Pedro 2:12

Tachi Ak'õrene ĩjãanak'apɨɨrã t'ãena jĩp'a nipat'ɨ. Mãɨya ãchia mãra nemietá oopataade a p'anɨmina, mãrapa pia oo p'anɨt'a unu p'anɨma. Maapae Tachi Ak'õre cherude mãra k'orea ichiá pia pedeadaipɨ.

1 Pedro 2:15

Tachi Ak'õrepa k'ɨ̃ria bɨma mãrapa pia oo p'ananait'a. Mãɨya mãrapa chi pia k'ɨ̃risiawẽa berã k'ĩup'eapidaipɨ, atua p'anɨnepa mãra k'orea k'achia pedeapataɨ pẽra.

1 Pedro 3:16

Ara machi tuaba k'awa p'anat'ɨ nemietá oodawẽa p'anɨt'a. Mãɨya mãra Cristodepa pia nipada k'orea chi piawẽa pedeapataɨrã p'eradaipɨ.