Tito 1:15 - Tachi Ak'õre Pedea

¹⁵ Tachi Ak'õre k'ĩrari pia berãmá nejõma Tachi Ak'õre k'ĩrari pia bɨma. Maamina Tachi Ak'õrene ĩjãanak'apɨɨrãmá mi ãpia pida pia bɨwẽma. Ãchia k'achia k'ɨ̃risiapatama mãɨnepa ãchi sõne nepɨra paraawẽa p'anɨane apatama.

Tito 1:15 ပူးပေါင်းရင်းမြစ်များ

Mateo 15:18

Maamina ẽpẽra it'aedepa che bɨt'a sõnepa cheparima. Mãɨpa mãɨ ẽpẽra mietá beepiparima Tachi Ak'õre k'ĩrari.

Hecho 10:15

Chi pedeapa mãicha jarasima: —Chi Tachi Ak'õrepa nepia bɨda, mãɨ mietá bɨade arãse.

Romano 14:14

Mɨ Tachi Chipari Jesucristo ome bɨ pẽra piarã k'awa bɨma mi ãpia pida chik'o mietá bɨwẽt'a. Maamina abaɨmá paritua chik'o k'oi pia bɨwẽpɨra, makɨɨ k'oiwẽa bɨma.

Romano 14:20

Mãrapa k'o p'anɨnepa Tachi Ak'õrepa waapẽarã sõne ooda itu bɨrãt'ɨ. Piarã Tachi Ak'õre k'ĩrari mãɨ chik'o ãarea pia bɨma. Maamina chi tachia k'o p'anɨnepa abaɨ nemietaade baepidait'a, mãɨ piawẽa bɨma.

Romano 14:23

Maamina chi «Nãɨ k'oiwẽa bɨade» a k'ɨ̃risia bɨpa mãɨ k'oipɨra, ichi sõne piawẽa beeipɨ, piawẽa oo bɨ k'ɨ̃risia bɨ pẽra. Piarã tachia oo bɨt'a jĩp'a bɨwẽane a k'ɨ̃risiadaipɨra, mãɨya ooutade, nemietá oo p'anɨma.

1 Corintio 10:23

Waapẽarãpa jara p'anɨma «Cristode ĩjãa bɨ pẽra mɨa k'ɨ̃ria bɨ jĩra jõma ooi bɨma». Maamina mɨa jararuma: nejõma ooi bɨmina ãarea tachia oo k'ɨ̃ria bɨpa tachi k'aripak'ama. Piarã jõma tachia oo k'ɨ̃ria bɨt'a ooi bɨmina jõma mãɨpa ũpẽarã k'aripak'ama.

1 Corintio 10:25

Ne k'iuru netopataɨmá netopataɨdepema ãarea k'odai p'anɨma. Maamina idirãt'ɨ mãɨ ne k'iuru chi sãdoa teadada pada k'awadai k'orea, mãɨ pia bɨwẽane a k'ɨ̃risia p'anɨ pẽra.

1 Corintio 10:31

Maamina mɨa jararuma: mãra nek'o p'anɨne, neto p'anɨne wa ne oo p'anɨne jõma oot'ɨ ẽpẽrarãpa Tachi Ak'õre k'orea pia jaradamẽrá.

1 Corintio 8:7

Maamina waapẽarãpa mãɨ sõnepa k'awadawẽa p'anɨma. Waapẽarã ũpẽarãpa wapida k'ɨ̃risia p'anɨma chi juapa oodada sãdo ãchia naena k'ɨ̃ria p'anana chok'ae p'anasidaɨt'a. Mãɨpuru chi juapa oodada sãdoa k'iuru teada k'osidara k'ɨ̃risiapatama mãɨne ĩjãautat'a. Chi piarã pedea minachia atua p'anɨ pẽra mãɨ k'iuru k'outadepa k'ɨ̃risiapatama Tachi Ak'õre k'ĩrari piawẽa p'aneeutat'a.

1 Timoteo 6:5

Mãɨ ẽpẽrarã k'ɨ̃risia mietá p'anɨ mãɨnepa chi piarã pedea atua p'anɨ paritua k'ĩruu pedeapatama. Ãchia k'ɨ̃risiapatama Tachi Ak'õrene ĩjãa bɨdepa erreara ununait'a.

Hebreo 10:22

Cristopa tachi k'ɨ̃risia nemietá bada jĩp'a bɨsima tachi sõ ichi oapa ne jĩp'oru jĩra. Tachi Ak'õre k'ĩrari pia bɨsima tachi k'ak'ua pania p'ap'ãrá bɨpa sɨɨda jĩra. Mãɨpuru k'ɨ̃risia aba p'anɨnepa mãɨnepa piarã ĩjãa p'anɨnepa Tachi Ak'õre k'ait'a wãnai p'anɨma.

Hebreo 12:15

Jĩrak'aua p'anat'ɨ chi Tachi Ak'õrepa ichi sõpiadepa k'aripa bɨt'a mi ãpia pida itu bɨpidaemaapa. Mãɨnepa jĩrak'aua p'anat'ɨ mãra paara mi ãpia pida ẽpẽra pak'uru k'arra asia bɨ jĩra bɨt'a p'anapidaemaapa. Mãɨpa ũpẽarã́ piawẽa k'ɨ̃risiapik'ari mietá oopiparima.

Hebreo 9:14

Mãɨyapɨra, ¿Cristo oapa tachi atepe piipará bɨwẽk'ãra? Cristo nemietá newẽa basima. Tachi Ak'õre Jaore piuk'apɨɨpa k'aripada pẽra ara ichi itu peapisima ãnimara Tachi Ak'õrea paatearu jĩra. Nemietá oo p'anɨ k'orea tachi piudai p'anasidama. Maamina Cristopa ara ichi itu peapida pẽra tachia nemietá oodada Tachi Ak'õrepa k'ɨ̃risia atuak'ari tachi k'ɨ̃risia jĩp'a bɨsima. Mãɨya chi Tachi Ak'õre chok'ae bɨpa k'ɨ̃ria bɨt'a tachia mãɨ p'ue oodaipɨ.