Tito 1:1 - Tachi Ak'õre Pedea

¹ Mɨ Pablopɨ, Tachi Ak'õre pae pari mimiaparí mãɨnepa Jesucristopa peedapɨ. Mɨ peesima Tachi Ak'õrepa jɨrɨ atadaɨrãpa ichide ĩjãanamẽrá mãɨnepa chi piarã pedea k'awadak'ari Tachi Ak'õrepa k'ɨ̃ria bɨ jĩra p'ananamẽrá.

Tito 1:1 ပူးပေါင်းရင်းမြစ်များ

Luca 18:7

Tachi Ak'õrepa jɨrɨ atadaɨrãpa ãst'á mãɨnepa teamasi chichupuria idi p'anɨne ¿ichia jĩp'a oo bɨdepa k'aripaiwẽk'ãra? ¿Tãaraaik'ãra p'anooi k'orea?

Hecho 13:48

Judiorãwẽpa mãɨ ũrisidaɨde arapaasidama. Ara mãɨne Tachi Chipari k'orea pedea pia pedeasidama. Chi Tachi Ak'õrepa ewaricha ichi ome chok'ae beadai k'orea bɨdarãpa ichide ĩjãasidama.

Romano 1:1

Mɨ Pablopɨ, Jesucristo pae pari mimiaparí. Tachi Ak'õrepa mɨ jɨrɨ atasima Jesucristopa peeda bamẽrá mãɨnepa bɨsima chi pedea pia Tachi Ak'õre k'orea jarateade wãmẽrá.

2 Corintio 1:1

Mɨ Pablopɨ. Tachi Ak'õrepa k'ɨ̃riana pẽra mɨ Jesucristopa peedapɨ. Tachi ũpẽa Timoteo mɨ ome bɨma. Nãɨ k'art'a bɨruma ẽpẽrarã Tachi Ak'õrenepemarã Corinto p'uurudepemarã pae mãɨnepa jõma ichi ẽpẽrarã Acaya tuade be pae.

Ep'esio 2:8

Jesude ĩjãanana pẽra Tachi Ak'õrepa ichi sõpiadepa mãra k'aripasima. Ara machidepa k'aripadaé pasima, maawẽapuru Tachi Ak'õrepuru pari k'aripasima.

P'ilipense 1:1

Mɨ Pablopɨ. Timoteo mɨ ome bɨma. Tai Jesucristo pae pari mimiapataɨrãpɨ. Mɨa nãɨ k'art'a ũpẽarã P'ilipo p'uurudepemarã pae bɨruma: ũpẽarã ak'ɨpataɨrã, ũpẽarã k'aripapataɨrã mãɨnepa jõma ẽpẽrarã Tachi Ak'õrenepemarã Jesucristo ome berã pae.

Colosense 2:2

Mɨa k'ɨ̃ria bɨma jõmãɨrã sõpiapiit'a, k'ɨ̃ria p'anɨnepa ará pia p'ananai, mãɨnepa piarã k'ɨ̃risia k'awa uru p'anɨnepa pia p'ananai. Mãɨya Tachi Ak'õrepa naena k'awapiwẽa bada k'awadaipɨ. Mãɨ Cristopɨ.

1 Timoteo 2:4

Ichia k'ɨ̃ria bɨma jõmãɨrãpa chi piarã pedea k'awadak'ari, k'achiadepema k'aripait'a.

1 Timoteo 3:16

Piarã Tachi Ak'õrepa mãɨ pedea k'awapida minachia pia bɨma: Cristo nãɨ k'ak'uade chesima. Tachi Ak'õre Jaorepa k'awapisima ichi jĩp'a bɨt'a. Tachi Ak'õrepa ɨt'aripa peedaɨrãpa ichi unusidama. Ũpẽarãpa ichi k'orea tua awaraɨdepemarãmá jarateasidama. Chok'araɨrãpa nãɨ ĩjũane ichide ĩjãasidama. Tachi Ak'õrepa ichi pajã k'ĩrawãrea bɨde mãicha ateewãsima.

1 Timoteo 6:3

Abaɨ pida k'ĩra awara jaratea baipɨra, Tachi Chipari Jesucristopa jĩp'a jarateada piawẽa bɨade aipɨra, mãɨnepa tachi jĩp'a nipadai k'orea pida k'ĩra awara jaratea baipɨra,

2 Timoteo 2:10

Mãɨ k'orea mɨa jõma choa bɨma Tachi Ak'õrepa jɨrɨ atada ẽpẽrarã k'aripai k'orea. Mãɨya Tachi Ak'õrepa ãchi sida Jesucristodepa k'aripaipɨ, ewaricha ichi pia bɨdepema uru p'ananamẽrá.

2 Timoteo 2:23

K'ĩruu pedearãse chi arí k'ɨ̃risiadak'á berã ome, k'awa bɨẽra mãɨpa tachi k'ĩruupiparit'a.

2 Timoteo 2:25

Ichia pedea piadepa Tachi Ak'õre pedea k'awapi bɨma, chi ichia jaratea bɨ k'ɨ̃rianak'apɨ́ ẽpẽrarã́, mãɨ Tachi Ak'õrepa ãchi k'ariparupara. Mãɨya ichimá jĩitea chedak'ari chi piarã pedeat'a k'awadaipɨ.

Santiago 1:1

Mɨ Santiagopɨ, Tachi Ak'õre pae pari mimiaparí mãɨnepa Tachi Chipari Jesucristo pae pari mimiaparí. Nãɨ k'art'a bɨruma Israeldepema doce warrarãnepema chedaadarã tuacha berã pae. Mɨa k'ɨ̃ria bɨma mãra pia p'ananamẽrá.

2 Pedro 1:3

Tachi Ak'õre k'awa p'anɨ pẽra, ichi jua chaareadepa tachiá nejõma teasima ichia k'ɨ̃ria bɨ jĩra nipadamẽrá mãɨnepa ewaricha ichi ome chok'ae p'ananamẽrá. Ichi chi atepe bɨ pẽra mãɨnepa jĩp'a bɨ pẽra tachi t'ɨ̃k'ari ne waibɨa mãɨnepa minachia pia bɨt'a, tachi pae ooyade asima. Mãɨya oo bɨ pẽra nãɨ ĩjũanepemarãpa nemietá oo k'ɨ̃ria p'anɨt'a mãrapa itu bɨdak'ari p'ue ichi jĩra jĩp'a p'ananaipɨ.

2 Pedro 3:11

Nejõma jõi pẽra Tachi Ak'õrepa k'ɨ̃ria bɨ jĩra, mãra jĩp'a mãɨnepa nemietá newẽa nipadai p'anɨma.

1 Juan 2:23

Chi Tachi Ak'õre Warra itu bɨ bɨpa Tachi Pajãnepema Ak'õre uru bɨwẽma. Chi Jesú Tachi Ak'õre Warraade a bɨpa Tachi Pajãnepema Ak'õre sida uru bɨma.

Apocalipsi 1:1

Mɨ Jesucristo pae pari mimiaparí Juanpɨ. Nãɨ k'art'ade bɨ bɨma Jesucristopa pajãnepa mɨá k'awapida. Mãɨ Tachi Ak'õrepa Jesucristoa k'awapisima chi ichide ĩjãa berã́ k'awapimẽrá tãaraawẽa bɨde sãit'a. Jesucristopa ɨt'aripa peeda aba mɨmá peesima mãɨ k'awapimẽrá.