Santiago 5:9 - Tachi Ak'õre Pedea

⁹ Ũpẽarã, waapẽarã k'orea k'achia pedearãt'ɨ Jesucristoa mãra ɨtɨapiemaapa. Jesucristo tachi nepɨra ak'ɨparí tãaraawẽa bɨde cheipɨ.

Santiago 5:9 ပူးပေါင်းရင်းမြစ်များ

Mateo 24:33

Ara mãɨ jĩra mɨa jarada mãɨ ãarea unuutade k'awat'ɨ mɨ chei ewari ará pamaa bɨt'a

Marco 13:29

Ara mãɨ jĩra mɨa jarada unuutade k'awat'ɨ mɨ chei ewari ará pamaa bɨt'a.

Marco 6:19

Mãɨ awara Herodiapa Juan k'ĩramá basima. Ichi peapi k'ɨ̃ria basima maamina p'ue oowẽa basima.

1 Corintio 10:11

Jõma ãchi mãɨyanapa unupi bɨma sãmaasã́ Tachi Ak'õrepa chi nemietá ɨtɨaparit'a. Mãɨ Tachi Ak'õre pedeade bɨ bɨma, tachi nãɨ k'aadea ewaridepemarãpa ara mãɨ jĩra oopidaemaapa.

1 Corintio 4:5

Mãɨ k'orea ichia nepɨra ak'ɨi ewari naena tachia jaradaiwẽa p'anɨma, chi ichia ooda oo bɨpa jĩp'a oo bɨ wa jĩp'a oowẽa bɨ. Tachi Chipari cherude tachi sõne k'ɨ̃risia bada mãɨnepa nejõma tachi sõne mẽra beada k'awapiipɨ. Tachi Ak'õrepuru tachicha pia bayade aipɨ tachia pia oodada k'orea.

2 Corintio 9:7

Ẽpẽracha teai bɨma ichi sõne k'ɨ̃risia bɨ jĩra. Teaemaa bɨdepa teaiwẽa bɨma, mãɨyawẽpɨra teapade a p'anɨ k'orea teaiwẽa bɨma. Chi arapá bɨdepa tea bɨt'a Tachi Ak'õrepa k'ɨ̃ria bɨma.

Gálata 5:14

Moisepa bɨda nãɨ pedea aba ãarea jara bɨma: «Abaɨ k'ɨ̃riase ara pɨchi k'ɨ̃ria bɨ jĩra».

Gálata 5:26

Waapẽarã k'aepẽra pia be k'ɨ̃risiadaiwẽa p'anɨma, k'ĩruu pedea tuananaiwẽa p'anɨma, mãɨnepa abaɨpa uru bɨ k'orea piawẽa k'ɨ̃risiadaiwẽa p'anɨma.

Santiago 4:11

Ũpẽarã, waapẽarã k'orea k'achia pedearãt'ɨ. Abaɨpa ichi ũpẽa k'orea k'achia pedeaipɨra wa nepɨra pará bɨade aipɨra, Moisepa bɨda k'orea k'achia pedea bɨma, mãɨnepa mãɨ Moisepa bɨdat'u nepɨra pará bɨade a k'ɨ̃risia bɨma. Abaɨpa Moisepa bɨda nepɨra pará bɨade a k'ɨ̃risia bɨpɨra, mãɨ bɨdade jara bɨ jĩra oowẽa bɨma. Moisepa bɨdade jara bɨ jĩra ooi k'aepẽra ichit'a waapẽarã chi nepɨra ak'ɨparí beesima.

Santiago 4:12

Maamina mãɨ Moisepa bɨda Tachi Ak'õrepa teasima. Ichiapuru tachi nepɨra ak'ɨparima. Aba ichiapuru ẽpẽrarã p'ue k'aripaipɨ mãɨnepa p'ue nepɨra pará p'anɨane aipɨ. Mãɨpuru ¿pɨ k'aima, pɨ ũpẽa mãɨya ak'ɨi k'orea?

Santiago 5:10

Ũpẽarã, k'ɨ̃risiat'ɨ sãmaasã́ Tachi Ak'õre pari pedeapataɨrãpa choasidaɨt'a. Tachi Chipari t'ɨ̃nepa pedea p'anɨ k'orea minachia mĩanana ãarea choasidama. Ara mãɨ jĩra mãra pida ãarea choadai p'anɨma.

Santiago 5:7

Mãɨpuru ũpẽarã, jõma choat'ɨ aba Tachi Chipari cherudea. Ẽpẽra ne uu ĩjũane oo bɨ k'orea k'ɨ̃risiat'ɨ. Ne uuk'ari, ne k'ɨ̃risiawẽa nɨparima k'oe chek'ari, ichi ne uuda t'õnomẽrá mãɨnepa warimẽrá. Ara mãɨya nɨparima k'oe mãicha chek'ari, mãɨ ne uuda pia chaumẽrá.

1 Pedro 4:5

Maamina Tachi Ak'õrepa ãchi nepɨra ak'ɨrude ãchia oodada ichiá ãarea mãɨya jaradaipɨ. Ichia chi chok'ae berã mãɨnepa piudaadarã nepɨra ak'ɨi k'orea bɨma.

1 Pedro 4:9

Chi mãra tiida cheutarã́ k'achia k'ɨ̃risiadawẽa pia pedeat'ɨ.

Apocalipsi 3:20

¡Ũrit'ɨ! Mɨ tede eda wãpataɨde bɨma. Awaraɨdepa t'ɨ̃ bɨma mãrapa ewadak'ari mɨ itu eda wãpidamẽrá. Parituapa mɨ pedea ũrik'ari chi eda wãpataɨ ewaipɨra, mɨ eda wãk'ari ichi ome nek'oipɨ.