Santiago 4:5 - Tachi Ak'õre Pedea

⁵ Tachi Ak'õrepa tachi sõne bɨda Jaorepa k'ɨ̃ria bɨma aba Tachi Ak'õret'u k'ɨ̃ria p'ananamẽrá. ¿Mãrapa k'ɨ̃risia p'anɨk'ãra Tachi Ak'õre pedeade ara ichi k'ɨ̃ría mãɨya bɨpisit'a?

Santiago 4:5 ပူးပေါင်းရင်းမြစ်များ

Juan 10:35

Tachia k'awa p'anɨma Tachi Ak'õre pedea ewaricha piarãt'a. Tachi Ak'õrepa mãɨ ẽpẽerã́ “Mãra tachi ak'õrerãane” asira,

Juan 19:37

Ichiaba Tachi Ak'õre pedeade nãɨya bɨ bɨma: «Chi ãchia sudada pada ẽpẽerãpa ununaipɨ».

Juan 7:42

¿Tachi Ak'õre pedeade jara bɨwẽk'ãra ichi Davidepa cheit'a? ¿Daví p'uuru Belenepa chei bɨwẽk'ãra?»

Hecho 7:9

»Mãɨya nak'ari Jacobo warrarãpa ãchi ũpẽa José sõk'achia p'anɨnepa ichi netosidama Egito tuade chi chipari pae pari mimiaparí bamẽrá. Maamina mãma Tachi Ak'õre ichi ome basima.

Romano 1:29

Nejõma k'achia oopatama. K'ĩra p'erai bɨ oopatama, ne minachia uru p'ananai k'ɨ̃riapatama, waapẽarã piawẽa oopatama, waapẽarãpa uru bɨ k'orea piawẽa k'ɨ̃risiapatama, mĩa peapatama, k'ĩruu pedeapatama, waapẽarã seapatama, waapẽarã k'orea k'achia k'ɨ̃risiapatama mãɨnepa waapẽarã k'orea seajarapatama.

Romano 9:17

Ichi pedeade ichia p'araoná jarada nãɨya bɨ bɨma: «Mɨa pɨ chi atepe k'awa bɨ bɨsima mɨ chaarea bɨ unupii k'orea. Mãɨya mɨt'u jõma nãɨ ĩjũane t'ɨ̃ p'oa baipɨ».

1 Corintio 6:19

¿Mãrapa atua p'anɨk'ãra mãra k'ak'ua Tachi Ak'õre Jaore tet'a? Tachi Ak'õrepa ichi Jaore mãrá teasima. Ichi mãra sõne bɨma. Mãra k'ak'ua ara mãranewẽma mãɨpari Tachi Ak'õrenepɨ.

2 Corintio 6:16

¿Juapa oodada sãdo Tachi Ak'õre te minachia bɨde bai bɨk'ãra? Piarã tachi chi Tachi Ak'õre minachia chok'ae bɨ tepɨ. Mãɨ k'orea Tachi Ak'õrepa ichi pedeade nãɨya jarasima: «Mɨ ãchi ome baipɨ. Ãchi t'ãena nipaipɨ. Mɨ Tachi Ak'õre ichidirã paipɨ mãɨnepa ãchi mɨ ẽpẽrarã p'uuru padaipɨ».

Gálata 3:8

Chõarãena Tachi Ak'õre pedeade bɨ bɨma judiorãwẽpa Tachi Ak'õrene ĩjãasidara ichia ãchi ichidí jĩp'a berã paara bɨi pasit'a. Mãɨ k'orea chõarãena Tachi Ak'õrepa Abrahaná chi pedea pia pedeasima. Ichia nãɨya jarasima: «Pɨdepa mɨa nãɨ ĩjũane be p'uuru jõma k'aripaipɨ».

Tito 3:3

Piarã naena tachi sida k'ɨ̃risia piawẽa p'anasidama, Tachi Ak'õrene ĩjãanawẽa p'anasidama mãɨnepa piawẽa k'ɨ̃risia p'anasidama. Tachia nemietá oo k'ɨ̃ria berã mãɨnepa arapá oo k'ɨ̃ria berã, chipari pae pari mimiaparí jĩra jõma oopachidama. Paritua k'achiade nipapachidama, chĩarapa uru bɨ k'orea sõpiawẽa p'anapachidama, chĩarapa tachi unuemaapachidama, mãɨnepa tachia chĩara unuemaapachidama.