Santiago 4:2 - Tachi Ak'õre Pedea

² Mãrapa ne minachia jita k'ɨ̃riapatamina p'ue jitadak'ama. Mãɨpuru mĩa peapatama. Waapẽarãné jita k'ɨ̃riapatama. Maamina p'ue jitadak'a pẽra k'ĩruu pedeapatama mãɨnepa chõopatama. Mãrapa k'ɨ̃ria p'anɨt'a atadak'ama Tachi Ak'õrea ɨt'aa chiididak'a pẽra.

Santiago 4:2 ပူးပေါင်းရင်းမြစ်များ

Juan 16:24

Mãrapa waidi Tachi Ak'õrea mi ãpia pida mɨ t'ɨ̃nepa ne ididawẽa p'anɨma. Maamina mãɨya ne ididaipɨra mãɨ jitadaipɨ. Mãɨya mãra minachia arapá p'ananaipɨ.

Juan 4:10

Jesupa p'anoosima: —Tachi Ak'õrepa teai bɨt'a pɨa k'awarupara mãɨnepa k'aipa jãɨ pania idi bɨt'a k'awarupara, pɨa mɨá pania idii pasima. Maapae mɨa chi chok'ae bapiparí pania teai pasima.

Santiago 1:5

Mãranepemapa k'ɨ̃risia newẽa bɨpɨra, Tachi Ak'õrea ɨt'aa chiidii bɨma. Mãɨne Tachi Ak'õrepa teaipɨ. Ichiá ɨt'aa chiidisidara ɨtɨawẽa jõmãɨrã́ sõpia, wãak'awẽa teaparima.

Santiago 5:6

Mãrapa ẽpẽra jĩp'a bɨt'a nepɨra pará bɨade adak'ari, peasidama. Mãɨne ichia mi ãpia pida ooé pasima peapidaemaapa.

1 Juan 3:15

Chi ichi ũpẽa unuemaa bɨ Tachi Ak'õre k'ĩrari mĩa peaparipɨ. Mãrapa k'awa p'anɨma chi mĩa peaparí ewaricha Tachi Ak'õre ome chok'ae baiwẽt'a.