Santiago 4:1 - Tachi Ak'õre Pedea

¹ ¿Mãra k'ãre k'orea chõopatama mãɨnepa k'ĩruu pedeapatama? Mãrapa nemietá oo k'ɨ̃ria p'anɨt'a mãra k'ak'uade chõo p'anɨ jĩra p'anɨma mãɨya oodamẽrá.

Santiago 4:1 ပူးပေါင်းရင်းမြစ်များ

Mateo 15:19

Ẽpẽra sõnepa nãɨ k'ɨ̃risia mietá cheparima: mĩa peai; k'ima awaraɨ ome k'ãii; nemietá awaraɨ ome oo bai; nechɨai; sea jarai; waapẽarã k'orea k'achia pedeai; jãkɨɨ ãarea k'ɨ̃risiai.

Juan 8:44

Mãra ak'õre tiorepɨ. Mãɨpuru ichia k'ɨ̃ria bɨt'a mãrapa oo k'ɨ̃ria p'anɨma. Ichi jua chiwidiedadepema mĩa peaparima. Piarãnepa bak'ama chi piarãt'a ichide newẽ pẽra. Sea jararude ichidiidepema jaraparima, seajarapari pẽra mãɨnepa sea ak'õre pẽra.

Romano 7:23

Maamina k'ɨ̃risia awara pida mɨ sõne bɨma. Mãɨpa mɨ eda jɨ̃a nɨbɨ uru bɨ jĩra, mɨá nemietá oopiparima. Chi mɨa pia oo k'ɨ̃ria bɨt'a mãɨ k'ɨ̃risiapa itu oopii k'ɨ̃riak'ama, nepia ooi k'ɨ̃risia ome chõo bɨ jĩra.

Romano 7:5

Tachi nãɨ k'ak'uapa oo k'ɨ̃ria bɨdepa nipasidaɨde Moisepa bɨdade jara bɨ k'orea nemietá atepe ooi k'ɨ̃riasidama. Mãɨne nemietá oo p'anɨ k'orea piudai p'anasidama.

Romano 8:7

Nãɨ k'ak'uapa oo k'ɨ̃ria bɨt'a k'ɨ̃risia baipɨra, Tachi Ak'õre ome chi nek'ĩramaapɨ. Moisepa bɨda jĩra ooi k'ɨ̃riak'ama; mi ãpia pida p'ue ook'ama.

Gálata 5:17

Nãɨ k'ak'uapa nemietá oo k'ɨ̃ria bɨt'a Tachi Ak'õre Jaorepa k'ɨ̃riak'ama. Mãɨnepa Tachi Ak'õre Jaorepa oopi k'ɨ̃ria bɨ nãɨ k'ak'uapa k'ɨ̃riak'ama. Ãchi ará pia p'ananak'a pẽra mãrapa oo k'ɨ̃ria p'anɨ p'ue oodaiwẽma.

Colosense 3:5

Mãɨpuru jõma nãɨ ĩjũanepema k'ɨ̃risia mãra sõne bɨ itu bɨt'ɨ. Awaraɨ ome k'ãirãt'ɨ, ne k'ĩra p'era oorãt'ɨ, mãra k'ak'uapa nemietá ooyá bɨ oorãt'ɨ, k'ɨ̃risia k'achia k'ɨ̃risiarãt'ɨ, mãɨnepa ne minachia uru p'ananai k'ɨ̃ria p'anarãt'ɨ. Chi ne minachia k'ɨ̃ria uru bɨt'a juapa oodada sãdo ĩjãa bɨ jĩra bɨma.

2 Timoteo 2:23

K'ĩruu pedearãse chi arí k'ɨ̃risiadak'á berã ome, k'awa bɨẽra mãɨpa tachi k'ĩruupiparit'a.

Tito 3:3

Piarã naena tachi sida k'ɨ̃risia piawẽa p'anasidama, Tachi Ak'õrene ĩjãanawẽa p'anasidama mãɨnepa piawẽa k'ɨ̃risia p'anasidama. Tachia nemietá oo k'ɨ̃ria berã mãɨnepa arapá oo k'ɨ̃ria berã, chipari pae pari mimiaparí jĩra jõma oopachidama. Paritua k'achiade nipapachidama, chĩarapa uru bɨ k'orea sõpiawẽa p'anapachidama, chĩarapa tachi unuemaapachidama, mãɨnepa tachia chĩara unuemaapachidama.

Tito 3:9

Maamina paritua pedea piawẽa bɨ k'orea k'ĩruu pedearãse. Ichiaba Moisepa bɨda k'orea k'ĩruu pedearãse. Mãɨnepa tachi chõarãenapemarã t'ɨ̃ jarateapataɨ itu bɨse. Jõma mãɨ piawẽa bɨ mãɨnepa mi ãpia pida k'aripak'ama.

Santiago 1:14

Mãɨpari nemietá ooi k'ɨ̃risia beeparima ara tachia mãɨya oo k'ɨ̃ria bɨ pẽra.

Santiago 4:3

Mãɨnepa mãrapa Tachi Ak'õrea ɨt'aa chiidiutade jitadak'ama k'ɨ̃risia mietaadepa ɨt'aa chiidipata pẽra. Mãrapa ɨt'aa chiidipatama, machia k'ɨ̃ria p'anɨ jĩra oodai k'orea.

1 Pedro 1:14

Warra chok'ea bɨ jĩra p'anat'ɨ. Nãɨ k'ak'uapa nemietá oo k'ɨ̃ria bɨt'a waa oorãt'ɨ, Tachi Ak'õre atua p'anasidaeda oopachidaɨ jĩra.

1 Pedro 2:11

Mɨ ũpẽarã, nãɨ ĩjũane mãra tua awaraɨdepemarãpɨ. Mãɨpuru mɨa mãrá chichupuria idiruma nãɨ k'ak'uapa nemietá oo k'ɨ̃ria bɨt'a itu bɨdamẽrá. Mãɨ ara tachi ome chõo bɨma.

2 Pedro 2:18

Ãchia pedea auk'ará jarateapatamina, mãɨpa tachi k'aripak'ama. Ãchia jarateapatama nãɨ k'ak'uapa nemietá oo k'ɨ̃ria bɨ oodai p'anɨ. Mãɨya chi tãaraawẽa nemietaadepema wãnana berã ãchia seapatama mãicha nemietá oodamẽrá.

2 Pedro 3:3

Nãɨ minachia k'awat'ɨ: k'aadeapema ewaride Tachi Ak'õre oo p'aneenak'ari ee p'anapataɨrã paraɨpɨ. Ãchi k'ak'uapa nemietá oo k'ɨ̃ria bɨ oo p'ananaipɨ.