Santiago 3:2 - Tachi Ak'õre Pedea

² Jõma tachia minachia piawẽa oopatama. Abaɨpa pedearude waapẽarã sõp'uapik'apɨra, ne ãareaɨne jĩp'a bɨma mãɨnepa ichi k'ak'ua jõma jĩp'a uru bɨma.

Santiago 3:2 ပူးပေါင်းရင်းမြစ်များ

Mateo 12:34

¡Taama ẽpẽrarã! ¿Mãra chi k'achiarãpa sãmaasã́ nepia pedeadaima? Ẽpẽrapa ichi sõne k'ɨ̃risia bɨ jĩra pedeaparima.

Romano 3:10

Mãɨ k'orea Tachi Ak'õre pedeade nãɨya bɨ bɨma: «Ẽpẽra jĩp'a bɨ aba pida newẽma.

Romano 7:21

Mãɨpuru nãɨ k'awa bɨma: mɨa nepia oo k'ɨ̃ria bɨmina nemietá mɨ sõne bɨpa nemietá oopiparima.

1 Corintio 9:27

Mãɨpari mɨ k'ak'ua chaarea oopi bɨ jĩra mãɨnepa mɨ k'ak'uapa ooemaa bɨt'a mɨa oopi bɨ jĩra, mãɨya jõma oopi bɨma Tachi Ak'õrepa teai jarada jitai k'orea. Mãɨya ooepɨra, mɨa ẽpẽrarã́ jaratea badamina Tachi Ak'õrepa teai jarada p'ue jitaiwẽma.

Gálata 3:22

Maamina Tachi Ak'õre pedeade bɨ bɨma nemietaapa jõmãɨrã eda serra uru bɨt'a. Mãɨya Jesucristopa ichi Ak'õrepa jarada oosi pẽra, chi ichide ĩjãautapa mãɨ Tachi Ak'õrepa teai jarada jitadaima.

Gálata 5:17

Nãɨ k'ak'uapa nemietá oo k'ɨ̃ria bɨt'a Tachi Ak'õre Jaorepa k'ɨ̃riak'ama. Mãɨnepa Tachi Ak'õre Jaorepa oopi k'ɨ̃ria bɨ nãɨ k'ak'uapa k'ɨ̃riak'ama. Ãchi ará pia p'ananak'a pẽra mãrapa oo k'ɨ̃ria p'anɨ p'ue oodaiwẽma.

Colosense 1:28

Jõma k'ɨ̃risia k'awaadepa taipa Cristo k'orea jõmãɨrã́ jaratea p'anɨma jĩp'a nipadamẽrá. Mãɨya taipa ẽpẽrarã ãarea Cristo k'orea ne ãareaɨne jĩp'a p'anɨt'a Tachi Ak'õrea unupidaipɨ.

Colosense 4:12

Chi mãra p'uurudepema Epap'rapa pia bapade a jara peeruma mãrá. Ichi Jesucristo pae pari mimiaparipɨ. Ichia ewaricha Tachi Ak'õrea ɨt'aa chiidi baparima mãra ne ãareaɨne choa p'ananamẽrá, minachia ĩjãa p'ananamẽrá mãɨnepa jõma Tachi Ak'õrepa oopi k'ɨ̃ria bɨ k'awadak'ari oodamẽrá.

Hebreo 13:21

Mɨa k'ɨ̃ria bɨma chi ara mãɨ Tachi Ak'õrepa ne ãarea pia mãrá oo k'awapiit'a, ichia k'ɨ̃ria bɨ jĩra p'ue oodamẽrá. Mãɨnepa k'ɨ̃ria bɨma Jesucristodepa ichia tachi sõne ne ãarea ooit'a ichia k'ɨ̃ria bɨ jĩra p'ananamẽrá. Tachia ewaricha Jesucristoa pia pedeadai p'anɨma. Mãɨya beese.

Santiago 1:26

Abaɨpa Tachi Ak'õrene ĩjãa bɨ k'ɨ̃risia bɨpɨra, maamina ichi k'ĩrame pia ak'ɨwẽpɨra, ara ichi tuaba sea bɨma. Piarã pari ĩjãa bɨma.

Santiago 1:4

Mãɨ piarã choa p'ananaipɨra, ne ãareaɨne pia, jĩp'a p'ananaipɨ. Mi ãpia pida ne newẽa p'ananaiwẽma.

Santiago 2:10

Abaɨpa Moisepa bɨda jĩra ãarea ooipɨra, maamina mãɨnepema aba oowẽpɨra, mãɨ jõma oowẽa bɨ k'orea nepɨra pará beeipɨ.

1 Pedro 3:10

«Tachi Ak'õre pedeade nãɨya bɨ bɨma: Paritua arapá ba k'ɨ̃ria bɨpɨra, k'achia pedea amaak'ari ichi k'ĩrame ak'ɨi bɨma. Tãaraa pia ba k'ɨ̃ria bɨpɨra, sea amaak'ari ichi it'ae ak'ɨi bɨma.

1 Pedro 5:10

Mãra tãaraa mĩanak'ari Tachi Ak'õrepa ne ãareaɨne pia bɨipɨ. Ichia mãra k'aripaipɨ pia ĩjãanamẽrá, jõma choadamẽrá mãɨnepa chaarea p'ananamẽrá. Tachi Ak'õrepa ichi sõpiadepa ne ãareaɨne k'aripaparima. Ichia mãra Jesucristodepa t'ɨ̃sima ichi ome ewaricha chi atepe p'ananamẽrá.