Santiago 3:1 - Tachi Ak'õre Pedea

¹ Ũpẽarã, mãrapa k'awa p'anɨma Tachi Ak'õrepa chi Ichi pedea tachi jarateapataɨrã atepe ak'ɨk'ari, ɨtɨaipɨ. Mãɨpuru chok'ará mãranepemarãpa jɨrɨdaiwẽa p'anɨma jarateapataɨrã padai k'orea.

Santiago 3:1 ပူးပေါင်းရင်းမြစ်များ

Mateo 10:24

»Chi jarateaparí ome baparí, chi jarateaparí k'aepẽra atepe k'awa bɨwẽma. Maamina chi jarateaparí jĩra baipɨra, pia bɨma. Chi chipari pae pari mimiaparí sida ichi chipari k'aepẽra atepe bɨwẽma. Maamina ichi chipari jĩra baipɨra, pia bɨma. Mɨ jaore mietaarã minachia k'awa bɨ Beelzebú a p'anɨpɨra, mãra ara mãɨ jĩra jaradaipɨ.

Mateo 23:13

»¡Mãra p'ariseorã, Moisepa bɨda jarateapataɨrã, chi pia jĩra berã, chupuri p'anɨma Tachi Ak'õrepa ɨtɨai pẽra! Mãrapa ẽpẽrarã́ Pajãne Bɨpa ichidirã ichi juade ua bɨ k'orea itu k'awapidak'ama. Machia k'ɨ̃riawẽa p'anɨma ichia mãra p'e uru bait'a mãɨnepa waapẽarãpa mãɨya k'ɨ̃ria p'anɨrã mãrapa itu oopidak'ama.

Mateo 23:14

»¡Mãra p'ariseorã, Moisepa bɨda jarateapataɨrã, chi pia jĩra berã, chupuri p'anɨma Tachi Ak'õrepa ɨtɨai pẽra! Mãrapa p'ẽtãarã neet'á ẽemaripatama mãɨnepa minachia tãaraa ɨt'aa chiidipatama ẽpẽrarãpa mãra pia ununamẽrá. ¡Mãɨpuru Tachi Ak'õrepa mãra mãɨ atepe ɨtɨaipɨ waapẽarã k'aepẽra!

Mateo 9:11

Waapẽarã p'ariseorãpa mãɨ unusidama. Mãɨ k'orea Jesú ome p'ɨrrɨapataɨrã́ idisidama: —Mãra jarateaparí ¿k'ãre k'orea Romanepema pae erreara jɨrɨp'epataɨrã ome mãɨnepa waapẽarã nemietá oopataɨrã ome ará nek'oparima?

Luca 16:2

Mãɨ k'orea chi chiparipa ichi t'ɨ̃k'ari nãɨya ɨtɨasima: “Pɨa mɨ erreara jõpiyá bɨt'a mɨa ũrisima. Pɨa ooda mɨ erreara ome k'art'ade ak'ɨpise, pɨ waa mɨ neet'á ak'ɨparí baiwẽ pẽra”.

Luca 6:37

»Waapẽarãpa nemietá oodada k'orea pedearãt'ɨ abaɨa mãrapa nemietá oodada ak'ɨpiemaapa. Waapẽarã́ nepɨra pará bɨade arãt'ɨ, Tachi Ak'õrepa mãra nepɨra pará p'anɨane apiemaapa. Mãɨya mãrapa piawẽa oodada Tachi Ak'õrepa k'ɨ̃risia atuaipɨ.

Juan 3:10

Jesupa p'anoosima: —Pɨ Israeldepemarã́ Tachi Ak'õre pedea jarateaparí chi minachia k'awa bɨmina ¿mãɨ atua bɨk'ãra?

Hecho 13:1

Ũpẽarã Antioquía p'uurudepema t'ãena Tachi Ak'õre pari pedeapataɨrã mãɨnepa jarateapataɨrã p'anasima. Bernabé, Saulo, Lucio Cirenenepema mãɨnepa Simón basima. Simón ɨ̃ana t'ɨ̃ «Chi P'aimá» apachidama. Manaén sida basima. Ichi Galilea tuadepema chi poro jũra jɨ̃parí jɨ̃ bɨ Herode ome tausia warisima.

1 Corintio 12:28

Tachi Ak'õrepa ũpẽarã t'ãena chi Jesucristopa peedarã naa bɨsima. Mãɨ ɨ̃ari chi ichi pari pedeapataɨrã bɨsima. Mãɨ ɨ̃ari ichi pedea jarateapataɨrã bɨsima. Mãɨ ɨ̃ari ãchidiidepemarã chi bee bɨsima ẽpẽerãpa ne p'ue oodak'apɨ́ p'ue oodamẽrá, ãchidiidepemarã chi bee bɨsima k'ɨdade berã p'ue jɨpa beepidamẽrá, ãchidiidepemarã chi bee bɨsima ũpẽarã k'aripadamẽrá, ãchidiidepemarã chi bee bɨsima chi ũpẽarã t'ãena k'ãre oodai p'anɨt'a k'awadamẽrá, mãɨnepa ãchidiidepemarã chi bee bɨsima wawaria tachia ũrinak'apɨ́ pedeade pedeadamẽrá.

2 Corintio 5:10

Piarã Cristopa jõma tachia oodada ak'ɨipɨ. Ichia tachicha teaipɨ tachia nãɨ k'ak'uade oo bada jĩra. Pia oo badapɨra, ara mãɨ jĩra teaipɨ. Piawẽa oo badapɨra, ara mãɨ jĩra teaipɨ.

Ep'esio 4:11

Ichiapuru chi eda waapẽarã bɨsima ichia peedaɨrã p'ananamẽrá, waapẽarã bɨsima Tachi Ak'õre pari pedeapataɨrã p'ananamẽrá, waapẽarã bɨsima chi pedea pia Cristo k'orea jaratea nipadamẽrá, mãɨnepa waapẽarã bɨsima ũpẽarã ak'ɨpataɨrã mãɨnepa jarateapataɨrã p'ananamẽrá.

1 Timoteo 1:7

Ãchia Moisepa bɨda jarateapataɨrã pa k'ɨ̃ria p'anɨma, maamina minachia k'awa p'anɨ jĩra jarateapatamina atua p'anɨma k'ãre jaratea p'anɨt'a.

1 Timoteo 2:7

Mãɨ k'orea mɨ ichi pedea jaraparí bɨsima. Mɨ ichia peeda bɨsima piarã pedea ichide ĩjãanai p'anɨ k'orea judiorãwẽmá jarateade wãmẽrá. Mɨa piarã jara bɨma. Seawẽma.

2 Timoteo 1:11

Tachi Ak'õrepa mɨ bɨsima mãɨ pedea pia jaraparí bamẽrá, Jesucristopa peeda bamẽrá, mãɨnepa judiorãwẽmá jarateaparí bamẽrá.

Hebreo 13:17

Ũpẽarã, mãra minachia k'awa p'anɨrãpa jara p'anɨt'a oot'ɨ. Mãra ak'ɨ p'anɨ pẽra ãchi juade p'anat'ɨ. Ãchia k'awa p'anɨma Tachi Ak'õrepa ak'ɨrude ãarea ãchia oodada ichiá ará jaradait'a. Mãɨpuru ãchia jara p'anɨt'a oot'ɨ. Mãɨya ãchia arapá mãɨnepa sõk'achiawẽa ãarea oodaipɨ. Mãrapa mãɨya oodawẽa p'anɨnepa ãchi sõk'achiapidaipɨra, mãɨ mãra p'ue pia k'aripapidaiwẽma.

Santiago 1:16

Ũpẽarã mɨa k'ɨ̃ria berã, ara mãra tuaba nãɨ k'orea searãt'ɨ:

Santiago 1:19

Ũpẽarã mɨa k'ɨ̃ria berã, nãɨ k'ɨ̃risia p'anat'ɨ: Jõmãɨrãpa pia ũrinai k'orea p'ananai p'anɨma, pia pedeadai p'anɨma, mãɨnepa paritua k'orea isapea k'ĩruunaiwẽa p'anɨma.

Santiago 3:10

Ara mãɨ it'aepa pedea pia mãɨnepa pedea k'achia sida pedeaparima. Ũpẽarã, mãɨya baiwẽa bɨma.

1 Pedro 5:3

Chi mãrapa ak'ɨ p'anɨrã, machi pae pari mimiapataɨrã jĩra uru p'anarãt'ɨ, mãɨpari machi nipautadepa unupit'ɨ sãmaasã́ nipadai p'anɨ.