Santiago 2:8 - Tachi Ak'õre Pedea

⁸ Mãrapa Moisepa bɨdadepema chi atepe bɨ piarã oo p'anɨpɨra, pia oo p'anɨma. Tachi Ak'õre pedeade mãɨ Moisepa bɨdade nãɨya jara bɨma: «Abaɨ k'ɨ̃riase ara pɨchi k'ɨ̃ria bɨ jĩra».

Santiago 2:8 ပူးပေါင်းရင်းမြစ်များ

Gálata 5:14

Moisepa bɨda nãɨ pedea aba ãarea jara bɨma: «Abaɨ k'ɨ̃riase ara pɨchi k'ɨ̃ria bɨ jĩra».

Santiago 2:12

Jĩrak'aua pedeat'ɨ mãɨnepa jĩp'a oot'ɨ, Tachi Ak'õrepa tachi nepɨra ak'ɨi pẽra, Moisepa bɨdadepa. Mãɨpa tachi jɨ̃ uru p'anana jĩra bɨdepema k'ẽet'aapiparima.

Mateo 22:39

Mãɨnepa ara mãɨ ɨ̃aripema nãɨ jĩra bɨma. Nãɨya jara bɨma: “Abaɨ k'ɨ̃riase ara pɨchi k'ɨ̃ria bɨ jĩra”.

Gálata 6:2

Nepɨrade p'anɨne chi k'aripat'ɨ. Mãɨya Cristopa oopi bɨt'a mãrapa jõma oodaipɨ.

1 Pedro 2:9

Maamina mãra Tachi Ak'õrepa jɨrɨ atadaɨrãpɨ, Tachi Chipari p'aarerãpɨ, ichi pae bɨda ẽpẽrarãpɨ mãɨnepa ichi p'uurupɨ. Mãɨya Tachi Ak'õrepa ne minachia pia ooda k'orea mãrapa pedeapatama. Tachi Ak'õrepa mãra p'ãrionepema t'ɨ̃sima ichi ɨnaa minachia pia bɨde p'ananamẽrá.

Santiago 1:25

Maamina abaɨpa Tachi Ak'õre pedea ũrik'ari k'ɨ̃risia atuawẽpɨra, minachia pia baipɨ. Ẽpẽrapa mãɨ pedea jĩp'a bɨ mãɨnepa tachi k'aripa bɨ ewaricha pia k'ɨ̃risiak'ari maapae oo baipɨra, ichia oo bɨdepa minachia pia baipɨ.

1 Tesalonicense 4:9

Mãɨ awara mãra sãmaasã́ ũpẽarã ome chi k'ɨ̃ria p'ananai p'anɨ k'orea, mɨa nãɨ k'art'ade ¿k'ãre bɨima? Ara Tachi Ak'õrepa mãrá mãɨ jarateasima.

P'ilipense 4:14

Maamina mɨa mãrá pia bɨade aruma, mɨ minachia mĩa bɨde k'aripadada pẽra. Piarã mãrapa pia oosidama.

Mateo 25:23

Chi chiparipa jarasima: “Mɨ pae pari mimiaparí, piapɨ. Pɨa jĩp'a ooparima. Mɨa ãpia teadadepa pɨa pia ooda pẽra mɨa ne minachia pɨ juade bɨipɨ. Eda chese mɨ ome sõ arapaade”.

Santiago 2:19

Pɨa ĩjãa bɨma Tachi Ak'õre abapuru bɨt'a. ¡Minachia pia bɨma! Jaore mietaarã pida mãɨya ĩjãa p'anɨma, maamina Tachi Ak'õre wap'eapa k'ak'ua orepatama.

Mateo 25:21

Chi chiparipa jarasima: “Mɨ pae pari mimiaparí, piapɨ. Pɨa jĩp'a ooparima. Mɨa ãpia teadadepa pɨa arí ooda pẽra, mɨa ne minachia pɨ juade bɨipɨ. Eda chese mɨ ome sõ arapaade”.

Mateo 7:12

Mãrapa k'ɨ̃ria p'anɨma waapẽarãpa mãra pia oodait'a. Mãɨpuru, ara mãɨ jĩra mãrapa waapẽarã pia oot'ɨ, chi Moisepa bɨdade mãɨnepa Tachi Ak'õre pari pedeapataɨrãpa bɨdade jãɨya jara bɨẽra.

Romano 13:10

Chi k'ɨ̃ria uru bɨpa waapẽarã piawẽa ook'ama. Chi waapẽarã k'ɨ̃ria bɨde jõma Moisepa bɨda oo bɨma.

Santiago 4:11

Ũpẽarã, waapẽarã k'orea k'achia pedearãt'ɨ. Abaɨpa ichi ũpẽa k'orea k'achia pedeaipɨra wa nepɨra pará bɨade aipɨra, Moisepa bɨda k'orea k'achia pedea bɨma, mãɨnepa mãɨ Moisepa bɨdat'u nepɨra pará bɨade a k'ɨ̃risia bɨma. Abaɨpa Moisepa bɨda nepɨra pará bɨade a k'ɨ̃risia bɨpɨra, mãɨ bɨdade jara bɨ jĩra oowẽa bɨma. Moisepa bɨdade jara bɨ jĩra ooi k'aepẽra ichit'a waapẽarã chi nepɨra ak'ɨparí beesima.