Santiago 2:1 - Tachi Ak'õre Pedea

¹ Ũpẽarã, mãrapa tachi pia bɨ Chipari Jesucristode ĩjãa p'anɨ pẽra abaɨ pia k'ɨ̃riarãt'ɨ waapẽarã k'aepẽra.

Santiago 2:1 ပူးပေါင်းရင်းမြစ်များ

Mateo 22:16

Mãɨ k'orea p'ariseorãpa ãchi ome p'ɨrrɨapataɨrã mãɨnepa Herode lawari p'anɨrã Jesumá peesidama. Mãɨrãpa Jesua jarasidama: —Jarateaparí, taipa k'awa p'anɨma pɨ ẽpẽra jĩp'a bɨt'a. Abaɨ pida pɨá awara k'ɨ̃risiapik'ama, pɨa ẽpẽrarã ãarea abarik'a unupariideepuru. Mãɨpari Tachi Ak'õre o k'orea piarã jarateaparima.

Hecho 10:34

Mãɨne Pedropa jarasima: —Naapae mɨa k'awa bɨma chi Tachi Ak'õrepa abaɨ chi waapẽarã k'aepẽra atepe k'ɨ̃riak'at'a.

Hecho 20:21

Judiorã́ mãɨnepa judiorãwẽa mɨa jarasima nemietá oopataɨ itu bɨdak'ari Tachi Ak'õremá chedamẽrá mãɨnepa tachi Chipari Jesucristode ĩjãanamẽrá.

Hecho 24:24

Mãɨya nak'ari P'eli chi k'ima Drusila ome mãicha chesima. Mãɨ wẽra judio pasima. Mãɨne P'elipa Pablo t'ɨ̃sima ichia Jesucristo ĩjãanai k'orea pedea bɨ ũrii k'orea.

Hecho 7:2

Estebanpa nãɨya p'anoosima: —Mɨ ũpẽarã judiorã mãɨnepa ak'õrerã, mɨ chichupuria mɨ pedea ũrit'ɨ. Tachi chõarãenapema Abrahán mãɨ wapida Mesopotamia tuade baside Harán p'uurude bade wãi naena Tachi Ak'õre chi Pia bɨ ichimá unupisima.

Romano 1:11

Piarã mɨa mãra unu k'ɨ̃ria bɨma Tachi Ak'õre Jaoredepa k'aripai k'orea. Mãɨya mãra chaarea p'ananaipɨ.

1 Corintio 2:8

Chi nãɨ ĩjũanepema minachia k'awapataɨrã mi ãpia pida mãɨ k'ɨ̃risia k'awadaé pasima. K'awa p'ananapara, Tachi Chipari pia k'ɨrɨt'a k'urusude peadaiwẽ pasima.

Colosense 1:4

Taipa ũri p'anɨma mãrapa Jesucristode ĩjãa p'anɨt'a mãɨnepa jõma Tachi Ak'õre ẽpẽrarã minachia k'ɨ̃ria p'anɨt'a.

1 Timoteo 5:21

Tachi Ak'õre k'ĩrari, Cristo k'ĩrari mãɨnepa Tachi Ak'õrepa ɨt'aripa peedarã k'ĩrari mɨa pɨá jararuma: jõma mɨa jarada oose. Mãɨya oorude, ẽpẽra aba bɨ lawari barãse, mãɨpari jõmãɨrã ome abarik'a k'ĩra jĩp'a oo base.

Tito 1:1

Mɨ Pablopɨ, Tachi Ak'õre pae pari mimiaparí mãɨnepa Jesucristopa peedapɨ. Mɨ peesima Tachi Ak'õrepa jɨrɨ atadaɨrãpa ichide ĩjãanamẽrá mãɨnepa chi piarã pedea k'awadak'ari Tachi Ak'õrepa k'ɨ̃ria bɨ jĩra p'ananamẽrá.

Tito 2:13

Tachi pia p'ananai ewari nɨ p'anɨmisa mãɨya p'ananai p'anɨma. Mãɨ ewaride Tachi K'aripaparí Jesucristo cherude, ichi k'ĩrawãrea ununaipɨ, ichi Tachi Ak'õre chi atepe bɨdeepuru.

Hebreo 1:3

Ichi Warrapa Tachi Ak'õre k'ĩrawãrea achiterrea unupiparima. Ichiapuru Tachi Ak'õre sãmaasã́ bɨt'a k'awapiparima. Ichi pedea jua chaarea bɨdepa ne ãarea ooda ichi juade ara mãɨya uru bɨma. Ichia tachi nemietá oodada sɨɨk'ari Tachi Ak'õre chi auk'ará bɨ juaraari pajãne suak'abari beesima.

Hebreo 12:2

Jesude pia k'ɨ̃risiadai p'anɨma. Ichia k'aripasima tachia naa ĩjãanamẽrá mãɨnepa k'aripaparima ewaricha ĩjãa p'ananamẽrá. K'ɨ̃risiat'ɨ sãmaasã́ ichi k'urusude minachia mĩasit'a. Mãɨ k'orea p'erai badamina p'eraé pasima. Ichia k'awasima mãɨya nak'ari minachia arapá bait'a. Idiapae Tachi Ak'õre suak'a beeparí pia bɨ juaraari suak'abari bɨma.

Santiago 1:16

Ũpẽarã mɨa k'ɨ̃ria berã, ara mãra tuaba nãɨ k'orea searãt'ɨ:

Santiago 1:19

Ũpẽarã mɨa k'ɨ̃ria berã, nãɨ k'ɨ̃risia p'anat'ɨ: Jõmãɨrãpa pia ũrinai k'orea p'ananai p'anɨma, pia pedeadai p'anɨma, mãɨnepa paritua k'orea isapea k'ĩruunaiwẽa p'anɨma.

Santiago 2:3

Mãrapa chi minachia k'ak'apia jɨ̃ bɨ pia ununak'ari ichiá nãma pia bɨmá suak'abari beepade adaipɨra, mãɨne chi nenea k'ɨrɨa jãma bai nɨbeepade adaipɨra, wa nãma mɨ jĩru k'ait'a jeeda suak'abari beepade adaipɨra, ¿ara mãra t'ãena aba chi abaɨ k'aepẽra atepe pia k'ɨ̃ria p'anɨwẽk'ãra? ¿K'ɨ̃risia mietaadepa mãɨya ak'ɨ p'anɨwẽk'ãra?

Santiago 2:9

Maamina mãrapa abaɨ waapẽarã k'aepẽra atepe k'ɨ̃ria p'anɨpɨra, nemietá oo p'anɨma. Moisepa bɨdade jara bɨma mãra mãɨ k'orea nepɨra pará p'ananayane a bɨma.

Santiago 3:17

Maamina chi Tachi Ak'õrepa tea bɨ k'ɨ̃risia uru bepa ne ãareaɨne jĩp'a oopatama, jõmãɨrã ome ne k'ɨ̃risiawẽa p'ananamẽrá jɨrɨpatama, jõmãɨrã ome pia p'anapatama, waapẽarãpa jara bɨ ũrinai k'orea p'anapatama, chĩara k'ĩra chupuriapatama mãɨnepa nejõma pia oopatama. Abaɨ waapẽarã k'aepẽra pia atepe k'ɨ̃rianak'ama. Ichia jara bɨ jĩra ara mãɨya ooparima.

2 Pedro 1:1

Mɨ Simón Pedropɨ, Jesucristo pae pari mimiaparipɨ mãɨnepa ichia peedapɨ. Mɨa nãɨ k'art'a bɨruma chi Tachi Ak'õrene mãɨnepa Tachi K'aripaparí Jesucristode ĩjãapataɨrã pae. Ichi jĩp'a bɨ pẽra, mãra tai ome abarik'a pia ĩjãa p'anɨma.

Juda 1:16

Mãɨ ẽpẽerã ne wariwẽa bɨ k'orea k'ĩroopatama, mãɨnepa waapẽarã k'orea ara ne wariwẽa bɨ k'orea pedeapatama. Abapuru ãchia k'ɨ̃ria p'anɨt'a jɨrɨpatama. Minachia be jĩra pedeapatama. Chi waapẽarã seapatama, chi ara ãchia k'ɨ̃ria p'anɨ jɨrɨdai k'orea.

Apocalipsi 14:12

Mãɨpuru Tachi Ak'õre ẽpẽerãpa minachia ĩjãa p'anɨnepa chi ichia oopi bɨ pedea ũri p'ananai p'anɨma mãɨnepa minachia choadai p'anɨma.