Romano 9:20 - Tachi Ak'õre Pedea

²⁰ Maamina ¿chi mãɨya pedea bɨpa Tachi Ak'õrea mãɨya pedeai bɨk'ãra? Chok'opa chi chok'o k'aparia jarai bɨk'ãra: «Pɨa ¿k'ãre k'orea mɨ jãɨya k'asima?»

Romano 9:20 ပူးပေါင်းရင်းမြစ်များ

Mateo 20:15

¿Pɨmá, mɨ errearadepa mɨchia k'ɨ̃ria bɨ ooiwẽa bɨk'ãra? ¿Pɨ sõk'achia bɨk'ãra mãɨ mɨ sõpia baparideepuru?”

Luca 12:14

Maamina Jesupa ichiá jarasima: —K'õp'ãero, ¿k'aipa mɨ bɨsima mãra nepɨra ak'ɨmẽrá?

Romano 14:4

¿Pɨ k'aima mãɨya abaɨ pae pari mimiaparí k'orea k'achia pedeait'a? Ichi chiparia puru jaraipɨ pia oo bɨ wa piawẽa oo bɨt'a. Maamina Tachi Chiparipa jaraipɨ jõma ichi pae pari mimiapataɨrãpa pia oo p'anɨ, ichi jua chaareadepa k'aripa bɨ pẽra pia oo p'ananamẽrá.

Romano 2:1

Mãɨya bɨde abaɨ pida k'ɨ̃risiaiwẽa bɨma Tachi Ak'õre k'ĩrari nepɨra pará bɨwẽt'a. Chi atepe jĩp'a oo bɨade a bɨpa mãɨya k'ɨ̃risiaiwẽa bɨma. Abaɨpa nemietá oo bɨade a jararude ara ichi k'orea jara bɨma, ichia pida abarik'a mãɨ jĩra oopari pẽra.

Romano 2:3

Mãɨya pɨa waapẽarãpa nemietá oo p'anɨane aipɨra, maamina abarik'a oo bɨpɨra, k'ɨ̃risiaiwẽa bɨma Tachi Ak'õrepa mãɨ nepɨra ak'ɨiwẽt'a.

Romano 9:21

¿Chi chok'o k'aparipa oo k'ɨ̃ria bɨ jĩra ooiwẽa bɨk'ãra? ¿Chok'o arapaapataɨ ewari k'oreapema mãɨnepa paritua ewari k'oreapema chi abarik'a yooropa k'ai bɨwẽk'ãra?

Romano 9:22

Ara mãɨ jĩra Tachi Ak'õrepa oo k'ɨ̃rianat'a nãɨya oosima. Ẽpẽrarãpa nemietá oo p'anɨ k'orea Tachi Ak'õrepa ichi k'ĩruupidepa mãɨnepa ichi chaareadepa ãchi ɨtɨak'ari t'ɨpɨ uruadea jira peei pasima. Maamina ãchia nemietá oo p'anɨt'a ãarea choasima.

1 Corintio 1:20

Piarã Tachi Ak'õrepa nãɨ ĩjũanepema k'ɨ̃risia piawẽa bɨ k'awapisima. Mãɨpuru ¿chi minachia k'awa berã k'ãasãasidama? ¿Chi Moisepa bɨda jarateapataɨrã k'ãasãasidama? ¿Chi nãɨ ewaride k'ɨ̃risiadepa pedeapataɨrã k'ãasãasidama?

1 Corintio 7:16

Ũpẽawẽra, pɨa atua bɨma Tachi Ak'õrepa pɨ k'ima pɨ k'orea nemietaadepema k'aripait'a. Ũpẽa, pɨa pida atua bɨma Tachi Ak'õrepa pɨ k'ima pɨ k'orea nemietaadepema k'aripait'a.

1 Timoteo 6:5

Mãɨ ẽpẽrarã k'ɨ̃risia mietá p'anɨ mãɨnepa chi piarã pedea atua p'anɨ paritua k'ĩruu pedeapatama. Ãchia k'ɨ̃risiapatama Tachi Ak'õrene ĩjãa bɨdepa erreara ununait'a.

2 Timoteo 2:20

Te waibɨa bɨde p'arat'u wawaria nee ooda mãɨnepa p'arat'a ooda p'anɨma. Ichiaba pak'uru ooda mãɨnepa yooro k'ada p'anɨma. Waapẽarã pia be pẽra paritua ewari ne oopataɨ k'orea p'anɨwẽma, mãɨt'u waapẽarã paritua ewari ne oopataɨ k'orea p'anɨma.

Tito 2:9

Chipari pae pari mimiapataɨrã́ jaratease ãchi chiparipa jara bɨ jõma oodamẽrá. Nejõma pia oodai p'anɨma ãchi chiparipa pia unumẽrá. Ãchi chiparipa jararu k'achia p'anoonai pia bɨwẽma.

Santiago 2:20

¡Pɨ k'ɨ̃risia nea bɨma! Chi Jesucristode ĩjãa bɨade a bɨpa nepia oowẽpɨra piarã ĩjãawẽa bɨma ¿Mɨa mãɨ pɨá k'awapii bɨk'ãra?