Romano 8:7 - Tachi Ak'õre Pedea

⁷ Nãɨ k'ak'uapa oo k'ɨ̃ria bɨt'a k'ɨ̃risia baipɨra, Tachi Ak'õre ome chi nek'ĩramaapɨ. Moisepa bɨda jĩra ooi k'ɨ̃riak'ama; mi ãpia pida p'ue ook'ama.

Romano 8:7 ပူးပေါင်းရင်းမြစ်များ

Mateo 12:34

¡Taama ẽpẽrarã! ¿Mãra chi k'achiarãpa sãmaasã́ nepia pedeadaima? Ẽpẽrapa ichi sõne k'ɨ̃risia bɨ jĩra pedeaparima.

Mateo 5:19

Mãɨneepuru ẽpẽrapa Moisepa bɨdade ne oopi bɨ pedea ooepɨra, mãɨ ãpia pida ooepɨra; mãɨyawẽpɨra waapẽarã́ jarateaipɨra ara mãɨya oopiemaapa, mãɨ waapẽarã k'aepẽra ãpia baipɨ Pajãne Bɨpa ichi juade ua bɨ t'ãena.

Juan 7:7

Nãɨ ĩjũanepemarãpa mãra k'ĩramá p'anɨwẽma. Maamina mɨt'a k'ĩramaa p'anɨma, ãchia nemietá oopataɨ mɨa mietaade a jara bɨ pẽra.

Romano 1:28

Ãchia Tachi Ak'õre itu bɨdada pẽra ichia itu bɨsima nemietá k'ɨ̃risiadak'ari, chi tachia oodaiwẽa p'anɨt'a mãɨya oo p'ananamẽrá.

Romano 1:30

Waapẽarã k'orea k'achia pedeapatama, Tachi Ak'õre unuemaapatama mãɨnepa waapẽarã k'ĩrari piawẽa pedeapatama. Waapẽarã k'aepẽra atepe p'anɨane a k'ɨ̃risiapatama mãɨnepa mãɨya jarapatama. Waapẽarã piawẽa oodai k'orea jɨrɨpatama. Ãchi ak'õre mãɨnepa nae pedea ũrinak'ama.

Romano 3:31

Jesude ĩjãa p'anɨ pẽra ¿Moisepa bɨda itu bɨdai p'anɨk'ãra? Mãɨyawẽma, mãɨpari mãɨ Moisepa bɨda pia unupatama.

Romano 5:10

Tachi wapida Tachi Ak'õre ome chi nek'ĩramá p'anasidaɨde ichi Warra piudadepa tachi ichi ome sõpia bɨsima. Mãɨya tachi piarã k'aripaipɨ Cristo chok'ae bɨ pẽra.

Romano 7:22

Piarã mɨa sõnepa Moisepa bɨda minachia pia unu bɨma.

Romano 8:4

Ichia mãɨya oosima tachia p'ue jĩp'a oodamẽrá Moisepa bɨdade jara bɨ jĩra. Naapae tachi jĩp'a nipadaipɨ nãɨ k'ak'uapa oo k'ɨ̃ria bɨdepa nipadawẽ pẽra, mãɨpari Tachi Ak'õre Jaoredepa nipapata pẽra.

1 Corintio 2:14

Maamina Tachi Ak'õre Jaorepa k'awapi bɨt'a, chi Tachi Ak'õre Jaore nea bɨpa k'awai k'ɨ̃riak'ama, ichimá piawẽa bɨ pẽra. Mãɨnepa p'ue k'awak'ama, Tachi Ak'õre Jaoredepa mãɨ k'awapi bɨ pẽra.

1 Corintio 9:21

Mãɨnepa Tachi Ak'õrepa chi Moisepa bɨda atua berã t'ãena bɨde mɨ ãchi jĩra baparima mɨnepa Jesucristode ĩjãanamẽrá. Maamina mɨa Moisepa bɨda itu bɨk'ama. Jõma Cristopa oopi k'ɨ̃ria bɨ jĩra ooparima.

Colosense 1:21

K'achia oo p'anɨnepa mãra naena Tachi Ak'õrenepema awara p'anasidama mãɨnepa piawẽa k'ɨ̃risia p'anɨnepa Tachi Ak'õre nek'ĩramá p'anasidama.

Colosense 2:18

Mãɨ k'orea abaɨ pida mãrapa nepia pajãne atadaiwẽane adaipɨra, ĩjãarãt'ɨ. Chi mãɨya pedeapataɨrã sea nipapatama waapẽarã k'aepẽra k'aepe be jĩra. Ãchia Tachi Ak'õrepa ɨt'aripa peedaɨrã minachia k'ɨ̃riapatama. K'ãmok'araa jĩra ununana minachia jarateapatama. Tachi k'ak'uapa ne piawẽa ooyá bɨdepa ẽpẽra minachia k'awa bɨ jĩra paritua k'ɨ̃risiapatama.

2 Timoteo 3:4

Ãchi k'õp'ãero ichi nek'ĩramá juade bɨdaipɨ nemietá oomẽrá. Ne k'ɨ̃risiadawẽa ne paritua oo p'ananaipɨ. Jõmãɨrã k'aepẽra chi ne k'awa atepe beadayade adaipɨ. Ãchit'u arapá chi k'ɨ̃ria p'ananaipɨ Tachi Ak'õre k'ɨ̃ria p'anɨ k'aepẽra.

Hebreo 8:10

Mãɨnepa Tachi Chiparipa nãɨya jara bɨma: K'aadeapema ewaride mɨa nãɨ pedea chiwidi auipɨ israel ĩjũanepemarã ome: Mɨa Moisepa bɨda ãchi k'ɨ̃risiade mãɨnepa ãchi sõne bɨipɨ. Mɨ ãchi Tachi Ak'õre paipɨ, mãɨnepa ãchi mɨ p'uuru padaipɨ.

Santiago 4:4

K'ima awaraɨ ome k'ãiuta jĩra, mãrapa Tachi Ak'õre itu bɨ p'anɨma nãɨ ĩjũanepemarãpa oopata jĩra oodai k'orea. ¿Mãrapa waidi atua p'anɨk'ãra chi nãɨ ĩjũanepema k'ɨ̃ria bɨt'a Tachi Ak'õre ome chi k'ĩramá jĩra beeima? Piarã parituapa nãɨ ĩjũanepema k'ɨ̃ria bɨpɨra, Tachi Ak'õre ome chi k'ĩramá paipɨ.

2 Pedro 2:14

K'ima awaraɨ ome k'ãii k'orea p'anapatama. Nejõma nemietá oo p'anɨpa k'ĩra sẽnak'ama. Chi minachia ĩjãawẽa berã seapatama. Nejõma k'ɨ̃riapatama. Mãɨ k'orea Tachi Ak'õrepa ãchi ɨtɨaipɨ.