Romano 8:6 - Tachi Ak'õre Pedea

⁶ Chi abaɨpa nãɨ k'ak'uapa oo k'ɨ̃ria bɨt'a k'ɨ̃risia baipɨra piuipɨ. Maamina chi Tachi Ak'õre Jaorepa k'ɨ̃ria bɨt'a k'ɨ̃risia baipɨra ne k'ɨ̃risiawẽa baipɨ mãɨnepa Tachi Ak'õre ome chok'ae baipɨ.

Romano 8:6 ပူးပေါင်းရင်းမြစ်များ

Juan 14:27

»Mɨa mãra ne k'ɨ̃risiadawẽa p'anapi k'ɨ̃ria bɨma. Mɨa mãɨya ooiwẽma, chi nãɨ ĩjũanepemarãpa mãɨya oopatama. Mãɨpuru minachia k'ĩra piawẽa p'anarãt'ɨ. Ne wap'earãt'ɨ.

Juan 14:6

Mãɨne Jesupa jarasima: —Mãɨ o mɨpɨ. Mɨnepa Tachi Ak'õre piarã k'awa p'anɨma mãɨnepa chok'ae bai uru p'anɨma. Mɨnepa wãnaepɨra aba pida mɨ Ak'õremá p'ue chedaiwẽma.

Juan 17:5

Mãɨpuru Ak'õre, mɨ pɨ k'ĩrari chi choma bɨse pɨ ome nãɨ ĩjũa ooi naena chi choma bada jĩra.

Romano 13:14

Mãɨpari Tachi Chipari Jesucristo nipada jĩra nipat'ɨ. Nãɨ k'ak'uapa nemietá oo k'ɨ̃ria bɨt'a oodai k'ɨ̃risiarãt'ɨ.

Romano 14:17

Tachi Ak'õrepa ichi juade p'anɨrã́ jarak'ama k'ãre k'odai p'anɨt'a mãɨnepa k'ãre todai p'anɨt'a. Mãɨpari k'ɨ̃ria bɨma ãchia ichi Jaoredepa jĩp'a oo p'ananait'a, ne k'ɨ̃risiawẽa p'ananait'a mãɨnepa arapá p'ananait'a.

Romano 5:1

Tachi Chipari Jesucristode ĩjãa p'anɨ pẽra Tachi Ak'õrepa tachi chi ichidirã jĩp'a berã paara bɨsima. Mãɨpuru Cristodepa Tachi Ak'õre ome sõpia p'anɨma.

Romano 5:10

Tachi wapida Tachi Ak'õre ome chi nek'ĩramá p'anasidaɨde ichi Warra piudadepa tachi ichi ome sõpia bɨsima. Mãɨya tachi piarã k'aripaipɨ Cristo chok'ae bɨ pẽra.

Romano 6:21

Maamina nemietá oo p'anɨnepa ¿k'ãre pia jitasidama? ¿Mãɨya oo p'anana k'orea, k'ĩra p'era p'anɨwẽk'ãra? Nemietá oo p'anɨ k'orea ẽpẽrarã piudaipɨ.

Romano 6:23

Piarã nemietá oo p'anɨ k'orea ẽpẽrarã piudaipɨ. Maamina Tachi Chipari Jesucristodepa Tachi Ak'õrepa ewaricha chok'ae bapiipɨ, ne pari tea bɨ jĩra.

Romano 7:11

Mãɨ Moisepa bɨdade oopi bɨ pedea k'orea mɨa nemietá atepe oo k'ɨ̃riasima. Maapae nemietaapa mɨ seasima k'ɨ̃risiamẽrá mãɨ Moisepa bɨdadepa jĩp'a bait'a. Maamina mãɨ ũrik'a pẽra piui basima.

Romano 7:5

Tachi nãɨ k'ak'uapa oo k'ɨ̃ria bɨdepa nipasidaɨde Moisepa bɨdade jara bɨ k'orea nemietá atepe ooi k'ɨ̃riasidama. Mãɨne nemietá oo p'anɨ k'orea piudai p'anasidama.

Romano 8:13

Mãra nãɨ k'ak'uapa oo k'ɨ̃ria bɨdepa nipadaipɨra piudaipɨ. Maamina chi nãɨ k'ak'uapa nemietá oo k'ɨ̃ria bɨt'a Tachi Ak'õre Jaoredepa itu bɨdaipɨra, Tachi Ak'õre ome chok'ae p'ananaipɨ.

Romano 8:27

Mãɨne Tachi Ak'õre tachi sõ ak'ɨparipa ichi Jaorepa ɨt'aa chiidi bɨt'a k'awa bɨma, ichia k'ɨ̃ria bɨ jĩra ichidirã k'orea ɨt'aa chiidipari pẽra.

Romano 8:7

Nãɨ k'ak'uapa oo k'ɨ̃ria bɨt'a k'ɨ̃risia baipɨra, Tachi Ak'õre ome chi nek'ĩramaapɨ. Moisepa bɨda jĩra ooi k'ɨ̃riak'ama; mi ãpia pida p'ue ook'ama.

Gálata 5:22

Maamina Tachi Ak'õre Jaorepa nakɨɨ teaparima: waapẽarã k'ɨ̃ria p'anapataɨ, arapá p'anapataɨ, ne k'ɨ̃risiawẽa p'anapataɨ, jõma choa p'anapataɨ, ẽpẽrarã ome sõpia p'anapataɨ, ẽpẽra pia p'anapataɨ, ãchia jara p'anɨ jĩra oopataɨ,

Gálata 6:8

Mãɨ k'orea nãɨ k'ak'uapa nemietá oo k'ɨ̃ria bɨ abaɨpa oo bɨpɨra, Tachi Ak'õrepa mãɨ ẽpẽra ɨtɨaipɨ. Maamina Tachi Ak'õre Jaorepa k'ɨ̃ria bɨ abaɨpa oo bɨpɨra, Tachi Ak'õrepa mãɨ ẽpẽra ewaricha ichi ome chok'ae bɨipɨ.