Romano 8:4 - Tachi Ak'õre Pedea

⁴ Ichia mãɨya oosima tachia p'ue jĩp'a oodamẽrá Moisepa bɨdade jara bɨ jĩra. Naapae tachi jĩp'a nipadaipɨ nãɨ k'ak'uapa oo k'ɨ̃ria bɨdepa nipadawẽ pẽra, mãɨpari Tachi Ak'õre Jaoredepa nipapata pẽra.

Romano 8:4 ပူးပေါင်းရင်းမြစ်များ

Luca 1:6

Ãchi umea Tachi Ak'õre k'ĩrari jĩp'a p'anasidama. Tachi Chiparipa oopi bɨ pedea jõma ĩjãapachida pẽra, waapẽarãpa k'achia pedeadaiwẽa p'anasidama.

Romano 2:26

Mãɨne judiorãwẽpa mãɨ Moisepa bɨda oo p'anɨpɨra, k'ak'ua tauchaawẽa p'anɨmina Tachi Ak'õre k'ĩrari k'ak'ua tauchaa bɨ jĩra p'anɨma.

Romano 3:31

Jesude ĩjãa p'anɨ pẽra ¿Moisepa bɨda itu bɨdai p'anɨk'ãra? Mãɨyawẽma, mãɨpari mãɨ Moisepa bɨda pia unupatama.

2 Corintio 10:2

Mãɨya jara p'anɨmina mãramá cherude tai k'orea k'achia pedea p'anɨrã mɨa piarã ɨtɨaipɨ. Ãchia jara p'anɨma tai nãɨ k'ak'uapa k'ɨ̃ria bɨ jĩra nipada. Mãɨpuru mãra sida ɨtɨaemaapa mɨa chichupuria idiruma jĩp'a oodamẽrá.

2 Corintio 10:3

Tai nãɨ k'ak'uade p'anɨma maamina nemietá p'uedai k'orea nãɨ k'ak'uadepa chõo p'anɨwẽma.

Gálata 5:16

Mãɨ k'orea mɨa jararuma: Tachi Ak'õre Jaoredepa nipat'ɨ. Mãɨyaipɨra mãra k'ak'uapa nemietá oo k'ɨ̃ria bɨt'a oodaiwẽma.

Colosense 1:22

Maamina Cristo piudadepa Tachi Ak'õrepa mãra ichi ome pia bɨsima ichi k'ĩrari k'achiawẽa p'ananamẽrá mãɨnepa waapẽarãpa mãra k'orea k'achia pedeadawẽa p'ananamẽrá.

Hebreo 12:23

Mãra Tachi Ak'õre warrarã ãarea ará nɨbɨmá chesidama. Tachi Ak'õremá, ãareaɨrã warrarã naapemarãpɨ. Pajãnepemarã pẽra ãchi t'ɨ̃ bɨ bɨma. Mãra chi ãarea tachi nepɨra ak'ɨparimá chesidama. Chi ẽpẽerã jaore jĩp'a ɨt'ari be Tachi Ak'õrepa pia bɨdamá chesidama.

1 Juan 3:2

Ũpẽarã, tachi Tachi Ak'õre warrarãpɨ. Tachi Ak'õrepa wapida k'awapiwẽa bɨma tachi sãmaasã́ p'ananait'a. Maamina k'awa p'anɨma Cristo cherude ichi jĩra p'ananait'a, mãɨ ewaride ichi sãmaasã́ bɨ ununai pẽra.

Juda 1:24

Tachi Ak'õrepa mãra p'ue pia ak'ɨipɨ nemietaade baepidaemaapa. Ichi k'ĩrawãrea bɨ k'ĩrari nemietaawẽa p'ue pia bɨipɨ. Mãma minachia arapá p'ananaipɨ.

Apocalipsi 14:5

Ãchia mi aba pida sea jaradak'ama. Jaraideepara nemietá aba pida newẽma.