Romano 8:37 - Tachi Ak'õre Pedea

³⁷ Maamina Cristopa tachi k'ɨ̃ria bɨma. Ichidepa jõma mãɨ tachia p'uepatama.

Romano 8:37 ပူးပေါင်းရင်းမြစ်များ

Juan 16:33

Mãɨ ãarea mɨa mãrá jarasima mɨnepa ne k'ɨ̃risiadawẽa p'ananamẽrá. Nãɨ ĩjũane nepɨra pará p'ananaipɨ, maamina ne wap'earãt'ɨ: nãɨ ĩjũanepema mɨa p'uesima.

Romano 8:35

¿K'aipa tachi Cristopa k'ɨ̃ria bɨdepema p'ue ãyá bɨima? Ewari chaarea cherude, minachia mĩa p'anɨne, ẽpẽrarãpa tachi ẽp'ẽ p'anɨne, jarra cherude, neet'á nea p'anɨne, k'achiade p'anɨne, ẽpẽrarãpa pea k'ɨ̃ria p'anɨne mi ãpia pida tachi Cristopa k'ɨ̃ria bɨdepema p'ue ãyá bɨiwẽma.

1 Corintio 15:54

Mãɨya tachi k'ak'ua beraaparí, k'ak'ua beraak'apɨ́ beerude mãɨnepa k'ak'ua piui pada, k'ak'ua piuk'apɨ́ beerude, Tachi Ak'õre pedeade bɨ bɨ jĩra piarã mãɨya baipɨ. Nãɨya bɨ bɨma: «Tachi Ak'õrepa tachi piui pada jõpisima».

1 Corintio 15:57

Maamina Tachi Ak'õrea sõpia bɨade adai p'anɨma Tachi Chipari Jesucristodepa piudai k'orea k'aripada pẽra.

2 Corintio 12:19

¿Mãramá taipa mãɨya jara p'anɨk'ãra tai k'orea piawẽa k'ɨ̃risiapidaemaapa? Mãɨyawẽma. Ũpẽarã, tai Cristoderã pẽra Tachi Ak'õre k'ĩrari jõma mãɨ jara p'anɨma mãrapa pia ĩjãanamẽrá.

2 Corintio 12:9

Maamina ichia jarasima: «Mɨ sõpiadepa pɨ k'aripaipɨ jõma choa bamẽrá. Pɨ ɨbɨwẽa bɨde, mɨ jua chaarea atepe ɨbɨa baparima». Mɨ ɨbɨwẽa bɨde Cristo chaarea bapari pẽra mɨ ɨbɨwẽa bɨ k'orea arapaadepa pia pedeaipɨ.

2 Corintio 2:14

Tachi Ak'õrea sõpia bɨade adai p'anɨma. Jesucristopa jõma p'uek'ari tai jõmãɨrã k'ĩrari p'uurujãnea ateewãruma mãɨnepa taidepa tuacha ichi k'orea k'awapi bɨma. Cristo k'orea jaratea p'anɨne Tachi Ak'õre k'ĩrari tai k'era jĩra p'iumá p'anɨma. Mãɨnepa tachia ichi k'orea k'awadait'a k'era jĩra bɨma. Mãɨ k'era chi k'aripai p'anɨ ẽpẽrarãpa mãɨnepa chi atuadai p'anɨ ẽpẽrarãpa ɨ̃patama.

Gálata 2:20

Mɨ Cristo ome ará k'urusude barijira bɨsidama. Mãɨpuru ara mɨnepa bɨwẽma, mãɨpari Cristot'a mɨ sõne bɨma. Nãɨ k'ak'uade chok'ae bɨmisa, mɨ Tachi Ak'õre Warra Jesudepa baipɨ. Ara mãɨ Jesupa ichi Ak'õrepa oopi bɨt'a oopachi pẽra, mɨ k'ɨ̃riasima mãɨnepa mɨ k'orea ara ichi itu peapisima.

Ep'esio 5:2

Jõmãɨrã k'ɨ̃riat'ɨ Cristopa tachi k'ɨ̃ria bɨ unupida jĩra. K'ɨ̃rianepa tachi k'orea ara ichi itu peapisima Tachi Ak'õrea ãnimara paatearu jĩra. Tachi Ak'õrepa mãɨ pia unusima.

2 Tesalonicense 2:16

Tachi Ak'õrepa tachi k'ɨ̃riasima. Ichi sõpiadepa sõpiapisima ewaricha mãɨya p'ananamẽrá. Mãɨnepa k'awapisima piarã ichidepa nepia atadait'a. Taipa k'ɨ̃ria p'anɨma Tachi Chipari Jesucristopa mãɨnepa Tachi Pajãnepema Ak'õrepa mãra sõpiapidait'a mãɨnepa chaarea bɨdait'a. Mãɨya mãrapa pedea p'anɨ mãɨnepa oo p'anɨ ãarea pia baipɨ.

1 Juan 4:10

Mãɨ k'ɨ̃ria bɨt'a nãɨya bɨma: k'ɨ̃rianepa Tachi Ak'õrepa ichi Warra peesima piumẽrá tachi nemietá k'ɨ̃risia atuai k'orea. Tachi Ak'õrepa mãɨya ooé pasima tachia ichi k'ɨ̃ria p'anana pẽra, mãɨpari mãɨya oosima ichia tachi k'ɨ̃riana pẽra.

1 Juan 4:19

Tachia Tachi Ak'õre k'ɨ̃ria p'anɨma ichia tachi naa k'ɨ̃riana pẽra.

1 Juan 4:4

Mɨ warrarã, mãra Tachi Ak'õrenepɨ. Mãrapa mãɨrã́ itu seapidaé pasima, chi mãra sõne bɨ chi nãɨ ĩjũane be k'aepẽra jua chaarea bɨ pẽra.

Juda 1:24

Tachi Ak'õrepa mãra p'ue pia ak'ɨipɨ nemietaade baepidaemaapa. Ichi k'ĩrawãrea bɨ k'ĩrari nemietaawẽa p'ue pia bɨipɨ. Mãma minachia arapá p'ananaipɨ.

Apocalipsi 1:5

Mãɨnepa k'ɨ̃ria bɨma Jesucristo pida mãɨya oo bait'a. Ichia Tachi Ak'õre k'orea piarã jaraparima. Piu bada naa chok'ae p'irabarisima, ãarea nãɨ ĩjũanepema chi poro jũra jɨ̃parí jɨ̃ p'anɨrã k'aepẽra chi atepe bai k'orea. Mãɨpa tachi k'ɨ̃ria bɨma mãɨnepa ichi oadepa nemietaadepema k'aripasima.

Apocalipsi 12:11

Tachi ũpẽarãpa p'uesidama chi Oveja Chak'e oa ãrinanepa mãɨnepa ichia pedeade piarã ĩjãa bɨade a bɨdepa. Ãchi piudai p'anɨne wap'eadaé pasima, maawẽapuru chi Cristo pari piudayá p'anasima.

Apocalipsi 17:14

Mãɨne ãchi Oveja Chak'e ome k'ĩruunaipɨ. Maamina chi Oveja Chak'epa ãchi p'ueipɨ ichi jõmãɨrã poro jũra jɨ̃parí jɨ̃ p'anɨrã k'aepẽra chi Atepe Bɨ pẽra, mãɨnepa jõmãɨrã chiparirã k'aepẽra chi Atepe Bɨ pẽra. P'uerude chi ichide minachia ĩjãa p'anɨ ichi ome p'ananaipɨ. Ãchi t'ɨ̃k'ari maapae jɨrɨ atasima».

Apocalipsi 21:7

Nemietá p'uedaadarãpa jõma mãɨ atadaipɨ warrapa chi ak'õrené atapari jĩra. Mɨ ãchi Tachi Ak'õre paipɨ mãɨnepa mɨ warrarã p'ananaipɨ.

Apocalipsi 3:9

¡Ũrit'ɨ! Mãra jĩru k'ait'a mɨa tioredé ẽpẽerã sĩraporode k'op'aneepiipɨ. Ãchi Tachi Ak'õrené ẽpẽerãane apatamina mãɨyawẽma. Ãchi chi sea p'anɨma. K'awadaipɨ mɨa mãra k'ɨ̃ria bɨt'a.