Romano 8:35 - Tachi Ak'õre Pedea

³⁵ ¿K'aipa tachi Cristopa k'ɨ̃ria bɨdepema p'ue ãyá bɨima? Ewari chaarea cherude, minachia mĩa p'anɨne, ẽpẽrarãpa tachi ẽp'ẽ p'anɨne, jarra cherude, neet'á nea p'anɨne, k'achiade p'anɨne, ẽpẽrarãpa pea k'ɨ̃ria p'anɨne mi ãpia pida tachi Cristopa k'ɨ̃ria bɨdepema p'ue ãyá bɨiwẽma.

Romano 8:35 ပူးပေါင်းရင်းမြစ်များ

Juan 10:28

Mɨa ãchi Tachi Ak'õre ome ewaricha chok'ae bapiparima. Ãchi atuadaiwẽma mãɨnepa mi ãpia pida mɨ juadepema p'ue ẽemarinaiwẽma.

Juan 13:1

Egitodepa wãnana k'ɨ̃risiapataɨ ewari pai naena Jesupa k'awa basima ichi ewari pasit'a, nãɨ ĩjũa ameek'ari ichi Ak'õremá wãi k'orea. Jesupa jõma ichidirã nãɨ ĩjũane be minachia k'ɨ̃ria bada pẽra ichia mãɨrã k'ɨ̃ria basima ichi piui ewaridea.

Juan 16:33

Mãɨ ãarea mɨa mãrá jarasima mɨnepa ne k'ɨ̃risiadawẽa p'ananamẽrá. Nãɨ ĩjũane nepɨra pará p'ananaipɨ, maamina ne wap'earãt'ɨ: nãɨ ĩjũanepema mɨa p'uesima.

Hecho 14:22

P'uurucha ũpẽarã k'aripapachidama Jesude minachia ĩjãanamẽrá. Chi ãchia Jesude ĩjãa p'anɨt'a itu bɨpidaemaapa nãɨya jarapachidama: «Tachi Ak'õre juade p'ananai k'orea ichidirã paara, nãɨ ĩjũane minachia mĩanaipɨ».

Romano 2:9

Ichia ɨtɨarude jõma nemietá oo berã minachia mĩa p'ananaipɨ mãɨnepa sõp'ua p'ananaipɨ. Naa judiorã mãɨnepa judiorãwẽ sida mãɨya p'ananaipɨ.

Romano 8:17

Ichi warrarã pẽra Cristo ome ichia uru bɨdepema jitadaipɨ. Tachi piarã Cristo minachia mĩana jĩra minachia mĩa p'ananaipɨra, Tachi Ak'õrepa Cristo ome ará minachia pia bɨipɨ.

Romano 8:37

Maamina Cristopa tachi k'ɨ̃ria bɨma. Ichidepa jõma mãɨ tachia p'uepatama.

1 Corintio 4:11

Wapida ara nãɨ ewaride taipa jarra choa p'anɨma, opisia choa p'anɨma, mãɨnepa neet'á sore k'edet'a uru p'anɨma. Tai te nea p'anɨma mãɨnepa ẽpẽrarãpa tai piawẽa oopatama.

1 Corintio 4:12

Tai ɨ̃apaadawẽa mimia p'anɨma ne uru p'ananai k'orea. Ẽpẽrarãpa taiyá piawẽa pedeautade taipa ãchiá pia pedeapatama. Tai piawẽa ooutade choapatama.

2 Corintio 12:10

Cristo k'orea minachia mĩa bɨde, ɨbɨwẽa bɨde, nenea bɨde, ẽpẽrarãpa k'achia pedea p'anɨne mãɨnepa piawẽa oodai k'orea ẽp'ẽ p'anɨne mɨ arapá bɨma. Piarã mɨ ɨbɨwẽa bɨde Cristodepa chaarea bɨma.

2 Corintio 4:17

Tai ara nãɨena minachia mĩapatamina, mãɨ naa tai k'aripa bɨma chi Tachi Ak'õre k'ĩrawãrea pia bɨde ewaricha p'ananai k'orea. Mãɨ k'ĩrawãrea atepe pia baipɨ chi idiapae ãpia mĩapataɨ k'aepẽra.

2 Corintio 4:8

Tai ne ãareaɨne minachia mĩa p'anɨmina mãɨne p'ue ãyá wãnaiwẽ k'ɨ̃risiadak'ama. Sãmaasã́ oodai k'awadawẽa p'anɨne p'ue oodaiwẽ k'ɨ̃risiadak'ama.

2 Corintio 4:9

Ẽpẽrarãpa tai piawẽa oo p'anɨmina Tachi Ak'õrepa itu bɨwẽa bɨma. Tai minachia jeeda baepiutamina p'ue peadaiwẽma.

Ep'esio 3:19

Ara tachi k'ɨ̃risiadepa p'ue k'awadak'amina mɨa ɨt'aa chiidi bɨma mãrapa mãɨ k'awadamẽrá. K'awasidara ne ãareaɨne Tachi Ak'õre jĩra p'ananaipɨ.

2 Tesalonicense 2:16

Tachi Ak'õrepa tachi k'ɨ̃riasima. Ichi sõpiadepa sõpiapisima ewaricha mãɨya p'ananamẽrá. Mãɨnepa k'awapisima piarã ichidepa nepia atadait'a. Taipa k'ɨ̃ria p'anɨma Tachi Chipari Jesucristopa mãɨnepa Tachi Pajãnepema Ak'õrepa mãra sõpiapidait'a mãɨnepa chaarea bɨdait'a. Mãɨya mãrapa pedea p'anɨ mãɨnepa oo p'anɨ ãarea pia baipɨ.

2 Timoteo 1:12

Mãɨ k'orea mɨ mãɨya mĩa bɨma. Maamina p'erawẽa bɨma. Mɨa k'awa bɨma k'aide ĩjãa bɨt'a. Mãɨnepa k'awa bɨma mɨa ichi juade ne bɨda ak'ɨmẽrá, mãɨ ichia p'ue ak'ɨi bɨt'a, aba ichia ɨtɨai ewaridea.

Apocalipsi 1:5

Mãɨnepa k'ɨ̃ria bɨma Jesucristo pida mãɨya oo bait'a. Ichia Tachi Ak'õre k'orea piarã jaraparima. Piu bada naa chok'ae p'irabarisima, ãarea nãɨ ĩjũanepema chi poro jũra jɨ̃parí jɨ̃ p'anɨrã k'aepẽra chi atepe bai k'orea. Mãɨpa tachi k'ɨ̃ria bɨma mãɨnepa ichi oadepa nemietaadepema k'aripasima.