Romano 8:32 - Tachi Ak'õre Pedea

³² Piarã Tachi Ak'õrepa ichi Warra wãak'aé pasima mãɨpari jõma tachi k'orea itu peapisima. Mãɨpuru ¿ichia tachiá nejõma pia Cristo ome ará teaiwẽk'ãra?

Romano 8:32 ပူးပေါင်းရင်းမြစ်များ

Mateo 3:17

Mãɨ awara Tachi Ak'õre pajãnepa edá pedearu ũrisidama. Nãɨya jarasima: «Nãɨt'a mɨ Warra chi k'ɨ̃ria bɨpɨ. Mɨ ichi k'orea minachia sõ arapá bɨma».

Mateo 7:11

Mãra chi k'achia berãpa mãra warrarã́ nepia tea k'awa p'anɨpɨra, ¿mãra Ak'õre pajãne bɨpa chi idi p'anɨa nepia teaiwẽk'ãra?

Juan 3:16

»Tachi Ak'õrepa ẽpẽerã minachia k'ɨ̃ria bɨ pẽra ichi Warra aba bɨt'a nãɨ ĩjũanea peesima jõma ichide ĩjãauta atuapidaemaapa, mãɨpari ichi ome ewaricha chok'ae p'ananamẽrá.

Romano 11:21

Judiorãpa ĩjãanawẽa p'anɨ k'orea Tachi Ak'õrepa ãchi itu bɨsima pak'uru jua t'ɨat'uru jĩra. Ara mãɨ jĩra mãra judiorãwẽpa ĩjãanaepɨra, Tachi Ak'õrepa mãra sida itu bɨipɨ.

Romano 4:25

Ichia Jesú bɨsima tachi nemietá k'orea piumẽrá. Maapae piu badadepa chok'ae p'irabaripisima tachi chi ichidirã jĩp'a berã paara bɨi k'orea.

Romano 6:23

Piarã nemietá oo p'anɨ k'orea ẽpẽrarã piudaipɨ. Maamina Tachi Chipari Jesucristodepa Tachi Ak'õrepa ewaricha chok'ae bapiipɨ, ne pari tea bɨ jĩra.

Romano 8:28

Mãɨ awara Tachi Ak'õrepa k'ɨ̃risia bada jĩra chi ichi k'ɨ̃ria berã t'ɨ̃sima. Tachia k'awa p'anɨma mãɨrã pae Tachi Ak'õrepa ne ãareaɨne pia ooparit'a.

1 Corintio 2:12

Tachia nãɨ ĩjũanepema k'ɨ̃risiat'a atadaé pasima, mãɨpari Tachi Ak'õre Jaoret'u jitasidama jõma Tachi Ak'õrepa ichi sõpiadepa teada k'awadamẽrá.

2 Corintio 4:15

Tai mãɨ ãarea minachia mĩa p'anɨma mãra pia p'ananamẽrá. Mãɨne Tachi Ak'õrepa ichi sõpiadepa ẽpẽrarã chok'ará k'ariparuma. Mãɨya chok'araɨrãpa ichiá pia bɨade adaipɨ mãɨnepa ichi k'orea pia jaradaipɨ.

2 Corintio 5:21

Cristopa nemietá ook'a pasima. Maamina tachi k'orea Tachi Ak'õrepa ichi nemietá ooparí jĩra unusima. Mãɨya Cristodepa Tachi Ak'õre jĩp'a bɨt'a waapẽarã́ p'ue unupipatama.

2 Corintio 6:10

Tai sõp'uapatamina ewaricha arapá p'anɨma. Tai nenea k'edema. Maamina taipa chok'ará ẽpẽrarã́ Tachi Ak'õre k'orea k'awapipatama ãchi erreara uru be jĩra p'ananamẽrá. Tai nenea p'anɨmina Tachi Ak'õrenepa nejõma uru p'anɨma.

1 Juan 4:10

Mãɨ k'ɨ̃ria bɨt'a nãɨya bɨma: k'ɨ̃rianepa Tachi Ak'õrepa ichi Warra peesima piumẽrá tachi nemietá k'ɨ̃risia atuai k'orea. Tachi Ak'õrepa mãɨya ooé pasima tachia ichi k'ɨ̃ria p'anana pẽra, mãɨpari mãɨya oosima ichia tachi k'ɨ̃riana pẽra.

Apocalipsi 21:7

Nemietá p'uedaadarãpa jõma mãɨ atadaipɨ warrapa chi ak'õrené atapari jĩra. Mɨ ãchi Tachi Ak'õre paipɨ mãɨnepa mɨ warrarã p'ananaipɨ.