Romano 8:30 - Tachi Ak'õre Pedea

³⁰ Tachi Ak'õrepa chi ichia naenaena bɨdarã t'ɨ̃k'oasima ichi Warra Jesú jĩra p'ananamẽrá. Chi ichia t'ɨ̃k'oada mãɨ chi ichidirã jĩp'a berã paara bɨsima. Chi ichia ichidirã jĩp'a berã paara bɨdá, ichi pia bɨdepema teaipɨ.

Romano 8:30 ပူးပေါင်းရင်းမြစ်များ

Juan 17:22

Pɨa mɨ ateewãsima tachi ará p'ananamẽrá. Mãɨya mɨ chi choma bɨsima. Ara mãɨ jĩra mɨa ãchi chi choma bɨsima tachi ome k'ak'ua aba bɨ jĩra p'ananamẽrá.

Juan 17:24

»Ak'õre, pɨa nãɨ ĩjũa ooi naena mɨ k'ɨ̃ria basima. Mãɨpuru pajãne mɨ chi choma bɨsima. Mɨa k'ɨ̃ria bɨma ãarea pɨa mɨá teadaɨrã mãma mɨ ome ará p'ananait'a, pɨa mɨ chi choma bɨda ununamẽrá.

Juan 5:24

»Mɨa piarã jararuma: abaɨpa mɨ pedea ũrik'ari mɨ Peeda ĩjãaipɨra, mãɨ ẽpẽra ichi ome ewaricha chok'ae baipɨ. Tachi Ak'õrepa ichi ɨtɨaiwẽma. Piarã mãɨ ẽpẽra piu bada chok'ae bɨma.

Romano 1:6

Mãra sida Tachi Ak'õrepa t'ɨ̃sima Jesucristo pae p'ananamẽrá.

Romano 11:29

Piarã Tachi Ak'õrepa teada ẽemarik'ama. Ichia t'ɨ̃na itu bɨk'ama.

Romano 8:1

Naapae tachi Cristo Jesú ome p'anɨ pẽra nepɨra mi ãpia pida pará p'anɨane a bɨwẽma.

Romano 8:21

Tachi Ak'õrepa mãɨ pia bɨmẽrá ara ichi warrarã pia bɨi jĩra. Chi chipari pae pari mimiaparí pari ãjã́ bɨ jĩra, ara chi Tachi Ak'õrepa ook'oada waa atuaiwẽma.

Romano 8:28

Mãɨ awara Tachi Ak'õrepa k'ɨ̃risia bada jĩra chi ichi k'ɨ̃ria berã t'ɨ̃sima. Tachia k'awa p'anɨma mãɨrã pae Tachi Ak'õrepa ne ãareaɨne pia ooparit'a.

1 Corintio 1:2

Mɨa nãɨ k'art'a bɨruma chi ẽpẽrarã Tachi Ak'õrenepemarã Corinto p'uurudepema pae. Jesucristodepa Tachi Ak'õrepa mãra awara bɨsima ichi pae pia p'ananamẽrá. Ara mãɨ jĩra ichia tuacha jõma Tachi Chipari Jesucristoa ɨt'aa chiidipataɨrã awara bɨsima. Ichi ãchi Chiparipɨ mãɨnepa Tachi Chiparipɨ.

1 Corintio 1:9

Tachi Ak'õrepa ara ichia jara bɨ jĩra ooipɨ. Ichia mãra t'ɨ̃sima ichi Warra Tachi Chipari Jesucristo ome ará p'ananamẽrá.

1 Corintio 2:7

Taipa chi Tachi Ak'õre k'ɨ̃risia naena k'awapiwẽa bada jaratea p'anɨma. Nãɨ ĩjũa ooi naena Tachi Ak'õrepa mãɨ k'ɨ̃risiadepa ne ooi bɨsima tachi ichi ome ará pia p'ananamẽrá.

1 Corintio 6:11

Naena, mãranepema chi está mãɨya p'anapachidama. Maamina mãrapa nemietá oodada Tachi Ak'õrepa sɨɨsima, ichi pae pia bɨsima mãɨnepa nepɨra newẽa bɨade asima Tachi Chipari Jesucristodepa mãɨnepa ichi Jaoredepa.

2 Corintio 4:17

Tai ara nãɨena minachia mĩapatamina, mãɨ naa tai k'aripa bɨma chi Tachi Ak'õre k'ĩrawãrea pia bɨde ewaricha p'ananai k'orea. Mãɨ k'ĩrawãrea atepe pia baipɨ chi idiapae ãpia mĩapataɨ k'aepẽra.

Gálata 1:15

Maamina mɨ t'õi naena Tachi Ak'õrepa mɨ jɨrɨ atasima, mãɨnepa ichi piadepa mɨ t'ɨ̃sima ichi pae pari mimiaparí bamẽrá. Ichia k'ɨ̃risiada jĩra,

Gálata 1:6

Mɨa k'awa k'ɨ̃risiawẽma sãmaasã́ mãrapa ɨ̃apachia Tachi Ak'õre jãɨya itu bɨsidat'a. Ichia mãra t'ɨ̃sima Cristo sõpiadepa k'aripai k'orea, maamina mãrapa chi eda waapẽarãpa pedea pia jĩra jara p'anɨt'a minachia ũri p'anɨma.

Gálata 5:8

Ãchia jaratea p'anɨt'a Mãra T'ɨ̃nanepa chewẽa bɨma.

Ep'esio 1:11

Tachi Ak'õrepa nejõma ichia oo k'ɨ̃ria bɨt'a oopari jĩra, Cristodepa tachi jɨrɨ atasima, naenaena k'ɨ̃risia bada jĩra.

Ep'esio 2:6

Jesucristo ome ará p'anɨ pẽra Tachi Ak'õrepa tachi chok'ae p'irabaripisima mãɨnepa mãɨ ome ará pajãne suak'abari beepisima.

Ep'esio 3:11

Mãɨya oosima ichia naenaena Tachi Chipari Jesucristodepa ooi k'ɨ̃risia bada pẽra.

Ep'esio 4:4

Tachi k'ak'ua abapuru bɨma. Tachi Ak'õre Jaore abapuru bɨt'a uru p'anɨma. Tachi Ak'õrepa mãra t'ɨ̃sima abarik'a nɨ p'ananamẽrá.

Colosense 3:4

Mãra Cristo k'orea chok'ae p'anɨ pẽra ara ichi mãicha unupirude mãra ichi ome p'ananaipɨ. Mãɨne ichi jĩra k'ĩrawãrea p'ananaipɨ.

1 Tesalonicense 2:12

Taipa minachia ũraasidama mãra Tachi Ak'õrepa k'ɨ̃ria bɨ jĩra nipadamẽrá. Ichia mãra t'ɨ̃sima ichi juade ua bai k'orea mãɨnepa ichi pia bɨdepema uru p'ananamẽrá.

2 Timoteo 2:11

Nãɨ pedea piarã arí bɨ pẽra, mãɨne ĩjãanai p'anɨma: Tachi Cristo ome piudaipɨra, ichi ome chok'ae p'ananaipɨ.

Hebreo 9:15

Mãɨyara, Cristodepa Tachi Ak'õrepa pedea chiwidi ausima. Ẽpẽerã chi naenapema pedea audade p'anapachidaɨde nemietá oopachidama. Maamina Cristo piusima mãɨnepema k'aripai k'orea. Ichiaba, Cristodepa chi ichia t'ɨ̃naɨrãpa ichia ne ãarea pia jõk'apɨ́ teai jaradat'a p'ue jitadaipɨ.

1 Pedro 2:9

Maamina mãra Tachi Ak'õrepa jɨrɨ atadaɨrãpɨ, Tachi Chipari p'aarerãpɨ, ichi pae bɨda ẽpẽrarãpɨ mãɨnepa ichi p'uurupɨ. Mãɨya Tachi Ak'õrepa ne minachia pia ooda k'orea mãrapa pedeapatama. Tachi Ak'õrepa mãra p'ãrionepema t'ɨ̃sima ichi ɨnaa minachia pia bɨde p'ananamẽrá.

1 Pedro 3:9

Abaɨ pida mãra piawẽa oosira ara mãɨya oorãt'ɨ. K'achia pedeasira ara mãɨya k'achia pedearãt'ɨ. Mãɨpari ɨt'aa chiidit'ɨ Tachi Ak'õrepa ichi k'aripamẽrá. K'awa p'anɨma Tachi Ak'õrepa mãra atasit'a, mãɨya p'ananamẽrá. Mãɨya p'ananaipɨra, Tachi Ak'õrepa mãra sida k'aripaipɨ.

1 Pedro 5:10

Mãra tãaraa mĩanak'ari Tachi Ak'õrepa ne ãareaɨne pia bɨipɨ. Ichia mãra k'aripaipɨ pia ĩjãanamẽrá, jõma choadamẽrá mãɨnepa chaarea p'ananamẽrá. Tachi Ak'õrepa ichi sõpiadepa ne ãareaɨne k'aripaparima. Ichia mãra Jesucristodepa t'ɨ̃sima ichi ome ewaricha chi atepe p'ananamẽrá.

2 Pedro 1:10

Ũpẽarã, Tachi Ak'õrepa mãra t'ɨ̃k'ari jɨrɨ atasima. Piarã mãɨya be unupidai k'orea chok'ea p'anat'ɨ. Mãɨya oodaipɨra baedaiwẽma.

Apocalipsi 17:14

Mãɨne ãchi Oveja Chak'e ome k'ĩruunaipɨ. Maamina chi Oveja Chak'epa ãchi p'ueipɨ ichi jõmãɨrã poro jũra jɨ̃parí jɨ̃ p'anɨrã k'aepẽra chi Atepe Bɨ pẽra, mãɨnepa jõmãɨrã chiparirã k'aepẽra chi Atepe Bɨ pẽra. P'uerude chi ichide minachia ĩjãa p'anɨ ichi ome p'ananaipɨ. Ãchi t'ɨ̃k'ari maapae jɨrɨ atasima».

Apocalipsi 19:9

Tachi Ak'õrepa ɨt'aripa peedapa mɨá jarasima: «K'art'ade nãɨya bɨse: “¡Oveja Chak'e miak'ãipataɨ ewari nek'opataɨmá chi t'ɨ̃naanãɨrã minachia pia p'anɨma!”» Mãɨnepa jarasima: «Mãɨ piarã pedea Tachi Ak'õrepa jaradapɨ».