Romano 8:29 - Tachi Ak'õre Pedea

²⁹ Mãɨ mãɨya bɨma, ichia naenaena k'awa basi pẽra k'airã ichidirã pait'a. Ãchi bɨsima ichi Warra Jesú jĩra p'ananamẽrá. Mãɨya ichi Warra Jesú ũpẽarã chok'ará p'anɨnepema chi naapemapɨ.

Romano 8:29 ပူးပေါင်းရင်းမြစ်များ

Mateo 12:50

Mɨ Ak'õre pajãne bɨpa k'ɨ̃ria bɨ oo p'ananarãpa mãɨrãt'a mɨ ũpẽarãpɨ, mɨ ũpẽawẽrapɨ mãɨnepa mɨ naepɨ.

Mateo 25:40

Mãɨne mɨa p'anooipɨ: “Mɨa piarã jararuma: mãrapa mɨ ũpẽarã chi k'aepe k'ede k'aripasidaɨde ichiaba mɨ k'aripasidama”.

Mateo 28:10

Mãɨya p'anɨne Jesupa jarasima: —Ne wap'earãt'ɨ. Ũpẽarã́ jarade wãt'ɨ Galilea tuadea wãnamẽrá. Jãma ãchia mɨ ununaipɨ.

Mateo 7:23

Mãɨne mɨa piarã jararuma: “Mietá oopataɨrã, ãyá wãt'ɨ. Mɨa mãra unuk'ama”.

Juan 17:16

Ãchi nãɨ ĩjũanepemarãwẽma ara mãɨ mɨ nãɨ ĩjũanepemawẽ jĩra.

Juan 17:19

Ãchi k'orea ara mɨ pɨ pae awara beeruma, ãchi sida pɨ pae awara p'ananamẽrá pɨ piarãt'a k'awa p'anɨnepa.

Juan 17:26

Mɨa ãchiá pɨ k'awapisima. Mãɨ awara wapida atepe k'awapi baipɨ pɨa mɨ k'ɨ̃ria bɨ jĩra ãchi sida chi k'ɨ̃ria p'ananamẽrá mãɨnepa mɨ ãchi sõne uru p'ananamẽrá».

Juan 20:17

Jesupa jarasima: —Mɨ jitarãse mɨ Ak'õremá waidi wãwẽa bɨ pẽra. Mɨ ũpẽarãmá wãk'ari jarase mɨ Ak'õremá wãrut'a. Ichi mãra Ak'õrepɨ. Mãɨ mɨ Tachi Ak'õrepɨ mãɨnepa mãra Tachi Ak'õrepɨ.

Romano 11:2

Tachi Ak'õrepa naena israel ĩjũanepemarã jɨrɨ atasima ichi p'uuru bamẽrá. Mãɨpuru ãchi itu bɨwẽa bɨma. Mãrapa Tachi Ak'õre pedeade Elía k'orea bɨda k'awa p'anɨma. Eliapa Tachi Ak'õrea israel ĩjũanepemarã k'orea nãɨya piawẽa pedeasima.

Romano 13:14

Mãɨpari Tachi Chipari Jesucristo nipada jĩra nipat'ɨ. Nãɨ k'ak'uapa nemietá oo k'ɨ̃ria bɨt'a oodai k'ɨ̃risiarãt'ɨ.

Romano 9:23

Mãɨya choasima ichi pia bɨ waibɨa bɨdepema ichia k'ĩra chupuria bɨ ẽpẽrarã́ k'awapii k'orea. Ãchi ichia naena jɨrɨ atasima ichi pia bɨdepema uru p'ananamẽrá.

1 Corintio 15:49

Tachi chi naapema ẽpẽra yooro k'ak'ua ooda jĩra p'anɨma mãɨnepa pajãnepa cheda ẽpẽra Cristo jĩra p'ananaipɨ.

1 Corintio 2:7

Taipa chi Tachi Ak'õre k'ɨ̃risia naena k'awapiwẽa bada jaratea p'anɨma. Nãɨ ĩjũa ooi naena Tachi Ak'õrepa mãɨ k'ɨ̃risiadepa ne ooi bɨsima tachi ichi ome ará pia p'ananamẽrá.

1 Corintio 8:3

Maamina abaɨpa Tachi Ak'õre k'ɨ̃ria bɨpɨra, Tachi Ak'õrepa ichi k'awa bɨma.

2 Corintio 3:18

Tachia Cristode ĩjãa p'anɨ pẽra tachi k'ĩra neet'apa mẽra pɨra uru p'anɨ jĩra p'anɨwẽma. Mãɨpuru tachidepa waapẽarãpa Tachi Chipari k'ĩrawãrea unu p'anɨma k'ĩra ak'ɨpataɨde ak'ɨ p'anɨ jĩra. Mãɨne Tachi Chipari Jaorepa tachi ewaricha pia oopodo bɨma Tachi Chipari jĩra p'ananamẽrá.

Ep'esio 1:11

Tachi Ak'õrepa nejõma ichia oo k'ɨ̃ria bɨt'a oopari jĩra, Cristodepa tachi jɨrɨ atasima, naenaena k'ɨ̃risia bada jĩra.

Ep'esio 4:24

Mãɨ k'ɨ̃risia chiwidi Tachi Ak'õrepa oosima mãra ichi jĩra p'ananamẽrá. Mãɨpuru p'aru chiwidi jɨ̃ p'anɨ jĩra k'ɨ̃risia chiwididepa nipat'ɨ. Mãɨya mãra Tachi Ak'õre k'ĩrari jĩp'a, pia nipadaipɨ chi piarã pedeapa jara bɨ jĩra.

P'ilipense 3:21

Ichi cherude tachi k'ak'ua piui bɨ k'ĩra awara ook'ari, mãɨne ichi k'ak'ua jĩra minachia pia beeipɨ. Ichi jua chaareadepa mãɨya ooipɨ. Mãɨ jua chaareadepa ichia nejõma p'ueipɨ.

Colosense 3:10

Neet'á chiwidi jɨ̃uta jĩra mãra chiwidi p'aneesidama ara Tachi Ak'õre jĩra p'ananamẽrá. Mãɨ awara mãra pia oopodoutama ichi jĩra p'aneenamẽrá mãɨnepa ichi pia k'awadamẽrá.

2 Timoteo 1:9

Tachi Ak'õrepa tachi k'aripasima mãɨnepa t'ɨ̃sima ichi pae pia p'ananamẽrá. Tachia pia oo p'anɨnepa mãɨya ooé pasima, mãɨpari ichi sõpiadepa ooi k'ɨ̃risia bada pẽra mãɨya oosima. Piarã nãɨ ĩjũa bai naena Tachi Ak'õrepa ichi sõpiadepa k'ɨ̃risiasima Jesucristodepa tachi k'aripait'a.

2 Timoteo 2:19

Mãɨya p'anɨmina, Tachi Ak'õre ẽpẽrarãpa Cristode minachia ĩjãa p'anɨma, te jĩrupa te chaarea bapipari jĩra. Tĩitaude ne bɨpata jĩra Tachi Ak'õrepa nãɨya jarasima: «Tachi Chiparipa jõma ichidirã k'awa bɨma». Mãɨnepa jarasima: «Ãarea Tachi Chiparide ĩjãa p'anɨane a berãpa k'achia itu bɨdai p'anɨma».

1 Pedro 1:2

Tachi Pajãnepema Ak'õrepa mãra jɨrɨ atasima ichia naenaena k'ɨ̃risia bada jĩra. Tachi Ak'õre Jaorepa mãra ichi pae bɨsima Jesucristode ĩjãanamẽrá mãɨnepa ichi oadepa Tachi Ak'õre k'ĩrari nemietá newẽa p'ananamẽrá. Mɨa k'ɨ̃ria bɨma Tachi Ak'õrepa ichi sõpiadepa mãra k'aripa bait'a mãɨnepa ne k'ɨ̃risiawẽa bapiit'a.

1 Pedro 1:20

Nãɨ ĩjũa ooi naena Tachi Ak'õrepa Cristo jɨrɨ atak'ari nãɨ k'aadeapema ewaride peesima mãra pia p'ananamẽrá.

1 Juan 3:2

Ũpẽarã, tachi Tachi Ak'õre warrarãpɨ. Tachi Ak'õrepa wapida k'awapiwẽa bɨma tachi sãmaasã́ p'ananait'a. Maamina k'awa p'anɨma Cristo cherude ichi jĩra p'ananait'a, mãɨ ewaride ichi sãmaasã́ bɨ ununai pẽra.

Apocalipsi 13:8

Mãɨne chi nãɨ ĩjũane ãareaɨrãpa mãɨ ãnimara minachia k'ɨ̃riasidama. Nãɨ ĩjũa ooi naena ãchi t'ɨ̃ chi Oveja Chak'e k'art'ade eda bɨ baé pasima. Mãɨ chi ewaricha chok'ae p'ananai k'art'ade ãchi t'ɨ̃ ãarea eda bɨ bɨma.