Romano 8:28 - Tachi Ak'õre Pedea

²⁸ Mãɨ awara Tachi Ak'õrepa k'ɨ̃risia bada jĩra chi ichi k'ɨ̃ria berã t'ɨ̃sima. Tachia k'awa p'anɨma mãɨrã pae Tachi Ak'õrepa ne ãareaɨne pia ooparit'a.

Romano 8:28 ပူးပေါင်းရင်းမြစ်များ

Marco 12:30

Ãarea pɨ sõnepa, ãarea pɨ jaoredepa, ãarea pɨ k'ɨ̃risiadepa mãɨnepa ãarea pɨ jua chaareadepa pɨa pɨchi Chipari, Tachi Ak'õre k'ɨ̃riase”. Tachi Ak'õrepa oopi bɨ pedeadepema mãɨt'a chi atepe piipará bɨma.

Hecho 13:48

Judiorãwẽpa mãɨ ũrisidaɨde arapaasidama. Ara mãɨne Tachi Chipari k'orea pedea pia pedeasidama. Chi Tachi Ak'õrepa ewaricha ichi ome chok'ae beadai k'orea bɨdarãpa ichide ĩjãasidama.

Romano 11:29

Piarã Tachi Ak'õrepa teada ẽemarik'ama. Ichia t'ɨ̃na itu bɨk'ama.

Romano 8:30

Tachi Ak'õrepa chi ichia naenaena bɨdarã t'ɨ̃k'oasima ichi Warra Jesú jĩra p'ananamẽrá. Chi ichia t'ɨ̃k'oada mãɨ chi ichidirã jĩp'a berã paara bɨsima. Chi ichia ichidirã jĩp'a berã paara bɨdá, ichi pia bɨdepema teaipɨ.

1 Corintio 1:2

Mɨa nãɨ k'art'a bɨruma chi ẽpẽrarã Tachi Ak'õrenepemarã Corinto p'uurudepema pae. Jesucristodepa Tachi Ak'õrepa mãra awara bɨsima ichi pae pia p'ananamẽrá. Ara mãɨ jĩra ichia tuacha jõma Tachi Chipari Jesucristoa ɨt'aa chiidipataɨrã awara bɨsima. Ichi ãchi Chiparipɨ mãɨnepa Tachi Chiparipɨ.

1 Corintio 1:24

Maamina Tachi Ak'õrepa judiorã mãɨnepa judiorãwẽ t'ɨ̃sima Cristodepa k'aripai k'orea. Mãɨrãpa k'awa p'anɨma Tachi Ak'õrepa Cristodepa ichi jua chaarea mãɨnepa k'ɨ̃risiat'a unupisit'a.

1 Corintio 1:9

Tachi Ak'õrepa ara ichia jara bɨ jĩra ooipɨ. Ichia mãra t'ɨ̃sima ichi Warra Tachi Chipari Jesucristo ome ará p'ananamẽrá.

1 Corintio 2:9

Maamina k'awadaé pasima Tachi Ak'õre pedeade nãɨya bɨ bɨ jĩra: «Chi Tachi Ak'õrepa ichi k'ɨ̃ria berã pae pia ooda uru bɨ, mi ãpia pida wapida ununak'ama, k'ɨɨrɨpa ũrinak'ama mãɨnepa mi ãpia pida k'awa k'ɨ̃risiadak'ama».

2 Corintio 5:1

Nãɨ ĩjũane tachi k'ak'ua tãaraa choak'a pẽra, te mẽa p'ãemari k'obɨ jĩra bɨma. Tachia k'awa p'anɨma nãɨ k'ak'ua piuk'ari Tachi Ak'õrepa tachiá tachi pajãnepema piuk'apɨ́ k'ak'ua teait'a. Mãɨ k'ak'ua ẽpẽrarãpa juapa p'ue oodaiwẽma.

Gálata 1:15

Maamina mɨ t'õi naena Tachi Ak'õrepa mɨ jɨrɨ atasima, mãɨnepa ichi piadepa mɨ t'ɨ̃sima ichi pae pari mimiaparí bamẽrá. Ichia k'ɨ̃risiada jĩra,

Gálata 1:6

Mɨa k'awa k'ɨ̃risiawẽma sãmaasã́ mãrapa ɨ̃apachia Tachi Ak'õre jãɨya itu bɨsidat'a. Ichia mãra t'ɨ̃sima Cristo sõpiadepa k'aripai k'orea, maamina mãrapa chi eda waapẽarãpa pedea pia jĩra jara p'anɨt'a minachia ũri p'anɨma.

Gálata 5:8

Ãchia jaratea p'anɨt'a Mãra T'ɨ̃nanepa chewẽa bɨma.

Ep'esio 3:11

Mãɨya oosima ichia naenaena Tachi Chipari Jesucristodepa ooi k'ɨ̃risia bada pẽra.

Ep'esio 4:1

Mɨ Tachi Chipari k'orea eda serra bɨma. Mɨa mãrá chichupuria idiruma jĩp'a nipadamẽrá. Tachi Ak'õrepa mãra t'ɨ̃sima mãɨya nipadamẽrá.

P'ilipense 3:14

P'ira wãruma mãɨ chi tauchaa bɨmá pai k'orea, Jesucristodepa nepia pajãnepema atai k'orea, Tachi Ak'õrepa t'ɨ̃na pẽra.

1 Tesalonicense 5:9

Tachi Ak'õrepa tachi t'ɨ̃é pasima ɨtɨai k'orea, mãɨpari t'ɨ̃sima Tachi Chipari Jesucristodepa k'aripamẽrá.

2 Timoteo 1:9

Tachi Ak'õrepa tachi k'aripasima mãɨnepa t'ɨ̃sima ichi pae pia p'ananamẽrá. Tachia pia oo p'anɨnepa mãɨya ooé pasima, mãɨpari ichi sõpiadepa ooi k'ɨ̃risia bada pẽra mãɨya oosima. Piarã nãɨ ĩjũa bai naena Tachi Ak'õrepa ichi sõpiadepa k'ɨ̃risiasima Jesucristodepa tachi k'aripait'a.

2 Timoteo 2:19

Mãɨya p'anɨmina, Tachi Ak'õre ẽpẽrarãpa Cristode minachia ĩjãa p'anɨma, te jĩrupa te chaarea bapipari jĩra. Tĩitaude ne bɨpata jĩra Tachi Ak'õrepa nãɨya jarasima: «Tachi Chiparipa jõma ichidirã k'awa bɨma». Mãɨnepa jarasima: «Ãarea Tachi Chiparide ĩjãa p'anɨane a berãpa k'achia itu bɨdai p'anɨma».

Hebreo 9:15

Mãɨyara, Cristodepa Tachi Ak'õrepa pedea chiwidi ausima. Ẽpẽerã chi naenapema pedea audade p'anapachidaɨde nemietá oopachidama. Maamina Cristo piusima mãɨnepema k'aripai k'orea. Ichiaba, Cristodepa chi ichia t'ɨ̃naɨrãpa ichia ne ãarea pia jõk'apɨ́ teai jaradat'a p'ue jitadaipɨ.

Santiago 1:12

Abaɨpa nemietá ooi k'ɨ̃risiadepema choa bɨpɨra, Tachi Ak'õremá minachia pia bɨma. Jõma choak'ari Tachi Ak'õrepa poro jũra jɨ̃parí tearu jĩra, ichi ewaricha chok'ae bɨipɨ. Tachi Ak'õrepa jõma ichi k'ɨ̃ria berã́ piarãnepa mãɨya chok'ae bɨyade asima.

Santiago 2:5

Ũpẽarã mɨa k'ɨ̃ria berã, ¡ũrit'ɨ! ¿Tachi Ak'õrepa nãɨ ĩjũane nenea k'ede k'aripawẽk'ãra Jesucristode ĩjãanamẽrá? Mãɨya ãchi ẽpẽra ɨbɨa p'anɨ jĩra p'anɨma. Tachi Ak'õrepa ãchi ichi juade ua baipɨ. Mãɨya piarã jarasima, chi ichi k'ɨ̃ria berã́.

1 Pedro 2:9

Maamina mãra Tachi Ak'õrepa jɨrɨ atadaɨrãpɨ, Tachi Chipari p'aarerãpɨ, ichi pae bɨda ẽpẽrarãpɨ mãɨnepa ichi p'uurupɨ. Mãɨya Tachi Ak'õrepa ne minachia pia ooda k'orea mãrapa pedeapatama. Tachi Ak'õrepa mãra p'ãrionepema t'ɨ̃sima ichi ɨnaa minachia pia bɨde p'ananamẽrá.

1 Pedro 3:9

Abaɨ pida mãra piawẽa oosira ara mãɨya oorãt'ɨ. K'achia pedeasira ara mãɨya k'achia pedearãt'ɨ. Mãɨpari ɨt'aa chiidit'ɨ Tachi Ak'õrepa ichi k'aripamẽrá. K'awa p'anɨma Tachi Ak'õrepa mãra atasit'a, mãɨya p'ananamẽrá. Mãɨya p'ananaipɨra, Tachi Ak'õrepa mãra sida k'aripaipɨ.

1 Pedro 5:10

Mãra tãaraa mĩanak'ari Tachi Ak'õrepa ne ãareaɨne pia bɨipɨ. Ichia mãra k'aripaipɨ pia ĩjãanamẽrá, jõma choadamẽrá mãɨnepa chaarea p'ananamẽrá. Tachi Ak'õrepa ichi sõpiadepa ne ãareaɨne k'aripaparima. Ichia mãra Jesucristodepa t'ɨ̃sima ichi ome ewaricha chi atepe p'ananamẽrá.

1 Juan 4:10

Mãɨ k'ɨ̃ria bɨt'a nãɨya bɨma: k'ɨ̃rianepa Tachi Ak'õrepa ichi Warra peesima piumẽrá tachi nemietá k'ɨ̃risia atuai k'orea. Tachi Ak'õrepa mãɨya ooé pasima tachia ichi k'ɨ̃ria p'anana pẽra, mãɨpari mãɨya oosima ichia tachi k'ɨ̃riana pẽra.

1 Juan 4:19

Tachia Tachi Ak'õre k'ɨ̃ria p'anɨma ichia tachi naa k'ɨ̃riana pẽra.

Apocalipsi 3:19

Chi mɨa k'ɨ̃ria bɨ ẽpẽerã ɨtɨak'ari ũraaparima, mɨ pedea oodamẽrá. Mãɨpuru ya mɨmá chedak'ari machi sõnepa piarã mɨ ome nipat'ɨ.