Romano 8:26 - Tachi Ak'õre Pedea

²⁶ Mãɨ awara ara tachi tuaba chaareawẽa p'anɨ pẽra Tachi Ak'õre Jaorepa k'aripa bɨma. Piarã atua p'anɨma sãmaasã́ Tachi Ak'õrea ará ɨt'aa chiididait'a. Maamina Tachi Ak'õre Jaorepa tachia p'ue jaradak'a pedeadepa tachi k'orea Tachi Ak'õrea ɨt'aa chiidiparima.

Romano 8:26 ပူးပေါင်းရင်းမြစ်များ

Mateo 10:20

Mãɨ pedeautade mãra k'ɨ̃risiadepa pedeadaiwẽma, mãɨpari Tachi Ak'õre Jaorepa mãra k'ak'uadepa pedeaipɨ.

Mateo 20:22

Mãɨne Jesupa jarasima: —Mãrapa atua p'anɨma k'ãre idi p'anɨt'a. Mɨ minachia mĩaipɨ. ¿Mãra sida piarã mãɨ jĩra mĩanai k'orea p'anɨk'ãra? Ãchia p'anoosidama: —Ãjã, p'uedaipɨ.

Luca 22:44

Jesú minachia sõp'ua nɨbada pẽra, Tachi Ak'õrea mãicha ɨt'aa chiidi basima. Mãɨne ichi jɨa oa jĩra ĩjũanea baesima.]

Juan 14:16

Mãɨpuru mɨ Ak'õrea ɨt'aa chiidiipɨ mãra K'aripaparí peemẽrá. Mãɨ mãra ome ewaricha baipɨ.

Romano 15:1

Tachia ĩjãa p'anɨ k'orea minachia k'awa berãpa tachia k'ɨ̃ria p'anɨ k'aepẽra, chi pia atua k'ede k'aripadai p'anɨma.

Romano 7:24

¡Mɨ chupuri bɨma! ¿K'aipa mɨ nãɨ k'ak'ua chi piui bɨdepema pari ãjã́ bɨima?

Romano 8:15

Mãrapa Tachi Ak'õre Jaore jitasidaɨde, mãrá wap'eapié pasima, chi chipari pae pari mimiaparí jĩra. Mãɨpari mãra bɨsima Tachi Ak'õre warrarã padamẽrá mãɨnepa ichiá «¡Mɨ ak'õre!» adamẽrá.

2 Corintio 5:2

Mãɨ k'orea nãɨ k'ak'uade p'anɨne tachia chi pajãnepema k'ak'ua minachia jita k'ɨ̃ria p'anɨma.

2 Corintio 5:4

Piarã tachi nãɨ k'ak'uade p'anɨne minachia mĩapatama mãɨnepa sõp'ua bɨdepa pedeapatama. Maamina mɨa jarawẽa bɨma tachi piu k'ɨ̃ria p'anɨ, nãɨ k'ak'ua uru p'aneenaemaapa. Mãɨpari pajãnepema k'ak'ua jita k'ɨ̃ria p'anɨma. Mãɨya tachi k'ak'ua piui bɨt'a jõk'ari tachi k'ak'ua piuk'apɨɨt'u beeipɨ.

Gálata 4:6

Mãra Tachi Ak'õre warrarã pẽra ichi Warra Jaore peesima mãra sõne bamẽrá. Ichi Jaore tachi sõne bɨpa «¡Mɨ Ak'õre!» aparima, tachi Ichi warrarã k'awadamẽrá.

Ep'esio 2:18

Cristodepa tachi umeepa abarik'a tachi Pajãnepema Ak'õremá naa p'ue chedaipɨ, ichi Jaore aba bɨdepa.

Ep'esio 6:18

Ewaricha ne ãarea k'orea Tachi Ak'õre Jaoredepa ɨt'aa chiidi p'anat'ɨ. Jõma ichi ẽpẽrarã k'orea tau pará, sẽnawẽa ɨt'aa chiidi p'anat'ɨ.

Hebreo 4:15

Jesú tachi P'aare minachia k'awa bɨpa k'awa bɨma tachi jua ɨbɨwẽa p'anɨt'a. Tiorepa ichiá waa mĩesa jarasima ara mãɨya tachiá waa mĩesa jarapari jĩra. Maamina Jesupa nemietá ooé pasima.

Hebreo 5:2

Ẽpẽrarãpa atua p'anɨnepa ãchia piawẽa oodada k'orea chi p'aare minachia k'awa bɨpa p'ue k'awa k'ĩra chupuriai bɨma, ichia pida abarik'a oopari pẽra.

Santiago 4:3

Mãɨnepa mãrapa Tachi Ak'õrea ɨt'aa chiidiutade jitadak'ama k'ɨ̃risia mietaadepa ɨt'aa chiidipata pẽra. Mãrapa ɨt'aa chiidipatama, machia k'ɨ̃ria p'anɨ jĩra oodai k'orea.