Romano 8:2 - Tachi Ak'õre Pedea

² Ichidepa Tachi Ak'õre Jaorepa tachi chok'ae bapida pẽra, tachi nemietaadepema, piudai pada pari ãjã́ bɨsima.

Romano 8:2 ပူးပေါင်းရင်းမြစ်များ

Juan 4:10

Jesupa p'anoosima: —Tachi Ak'õrepa teai bɨt'a pɨa k'awarupara mãɨnepa k'aipa jãɨ pania idi bɨt'a k'awarupara, pɨa mɨá pania idii pasima. Maapae mɨa chi chok'ae bapiparí pania teai pasima.

Juan 4:14

Maamina chi mɨa tea bɨ pania torut'a waa opisia baiwẽma. Chi mɨa tea bɨ pania ichide ewaricha wea baipɨ mãɨnepa Tachi Ak'õre ome ewaricha ichi chok'ae baipɨ.

Juan 6:63

Tachi Ak'õre Jaorepuru tachi chok'ae bapiparima. Nãɨ k'ak'uapa mãɨya p'ue ook'ama. Mɨa mãrá Tachi Ak'õre Jaoredepa jaratea bɨma mãra piarã chok'ae p'ananamẽrá.

Juan 8:32

Mɨnepa mãrapa Tachi Ak'õre piarã k'awadaipɨ. Mãɨpa mãra chipari pae pari mimiaparí beada pari ãjã́ p'ananaipɨ.

Juan 8:36

Mãɨpuru Tachi Ak'õre Warrapa mãra ãjã́ pari bɨipɨra, piarã pari ãjã́ p'aneenaipɨ.

Romano 16:3

Ũpẽawẽra Priscilá mãɨnepa ũpẽa Aquilá pia p'anapade a jara peet'ɨ. Ãchia mɨ jĩra abarik'a Jesucristopa oo bɨ oo p'anɨma.

Romano 3:27

Mãɨpuru ¿k'ãre ara tachi k'orea pia pedeadaima? P'ue pia pedeadaiwẽma. ¿K'ãre k'orea? P'ue pia pedeadaiwẽma, Moisepa bɨda oo p'anɨnepa Tachi Ak'õrepa tachi chi ichidirã jĩp'a berã paara bɨiwẽ pẽra, mãɨpari Jesude ĩjãa p'anɨnepa mãɨya bɨipɨ.

Romano 5:21

Piarã ẽpẽrarãpa nemietá oopata pẽra piupatama. Maamina Tachi Ak'õrepa ichi sõpiadepa ẽpẽrarã chi ichidirã jĩp'a berã paara bɨparima Tachi Chipari Jesucristodepa ewaricha ichi ome chok'ae p'ananamẽrá.

Romano 6:14

Tachi Ak'õrepa ichi sõpiadepa mãra k'aripada pẽra mãɨnepa Moisepa bɨdadepa p'anɨwẽ pẽra, nemietá waa mãra chipari paiwẽma.

Romano 6:18

Mãra nemietá oodaadadepema pari ãjã́ p'aneenak'ari Tachi Ak'õre pae pari mimiapataɨrã p'aneesidama jĩp'a oodai k'orea.

Romano 6:22

Naapae mãra nemietá oodaadadepema pari ãjã́ p'aneenana pẽra Tachi Ak'õre pae pari mimiapataɨrã p'aneesidama. Mãɨya Tachi Ak'õre pae pia p'aneesidama. Mãɨpuru ichi ome ewaricha chok'ae p'ananaipɨ.

Romano 7:21

Mãɨpuru nãɨ k'awa bɨma: mɨa nepia oo k'ɨ̃ria bɨmina nemietá mɨ sõne bɨpa nemietá oopiparima.

Romano 7:23

Maamina k'ɨ̃risia awara pida mɨ sõne bɨma. Mãɨpa mɨ eda jɨ̃a nɨbɨ uru bɨ jĩra, mɨá nemietá oopiparima. Chi mɨa pia oo k'ɨ̃ria bɨt'a mãɨ k'ɨ̃risiapa itu oopii k'ɨ̃riak'ama, nepia ooi k'ɨ̃risia ome chõo bɨ jĩra.

Romano 7:4

Ũpẽarã, ara mãɨ jĩra mãra Cristo ome p'anɨ pẽra, ichi piuk'ari Moisepa bɨdadepema pari ãjã́ p'aneesidama. Naapae mãra Cristoderã pẽra Tachi Ak'õre pae p'ue nepia oodaipɨ.

Romano 8:1

Naapae tachi Cristo Jesú ome p'anɨ pẽra nepɨra mi ãpia pida pará p'anɨane a bɨwẽma.

1 Corintio 15:45

Tachi Ak'õre pedeade bɨ bɨma: «Chi naapema ẽpẽra Adán apataɨ Tachi Ak'õrepa chok'ae bapisima». Maamina Cristo chi k'aadeapema Adán apataɨ bɨsima ichi jaoredepa chok'ae bapimẽrá.

2 Corintio 3:17

«Tachi Chipariade» arude «Tachi Ak'õre Jaore» jara bɨma. Tachi Chipari Jaoredepa nipautade, ichia nemietaade mãɨnepa Moisepa bɨdade jɨ̃ uru p'anana jĩra bɨdepema k'ẽet'aapiparima.

2 Corintio 3:6

Tachi Ak'õrepa tai bɨsima ichia ẽpẽrarã ome pedea chiwidi bɨda p'ue jarateadamẽrá. Mãɨ pedea chiwidi bɨda chi Moisepa bɨda jĩra juapa bɨdawẽma, mãɨpari Tachi Ak'õre Jaorepa k'awapi bɨma. Chi Moisepa bɨdapa k'awapi bɨma nemietá oo p'anɨ k'orea ẽpẽrarã piudai p'anɨt'a, maamina Tachi Ak'õre Jaorepa tachiá chok'ae p'anapiparima.

Gálata 2:19

Naena mɨ Moisepa bɨdadepa basima. Maamina mãɨ Moisepa bɨdadepema mɨ piusima. Mãɨya mɨ Tachi Ak'õre pae chok'ae beesima.

Gálata 5:1

Cristopa tachi k'aripasima mãɨ pari ãjã́ p'ananamẽrá. Mãɨ minachia ĩjãa p'anat'ɨ. Chi chipari pae pari mimiapataɨrã jĩra mãicha p'anarãt'ɨ.

Gálata 6:2

Nepɨrade p'anɨne chi k'aripat'ɨ. Mãɨya Cristopa oopi bɨt'a mãrapa jõma oodaipɨ.

Santiago 1:25

Maamina abaɨpa Tachi Ak'õre pedea ũrik'ari k'ɨ̃risia atuawẽpɨra, minachia pia baipɨ. Ẽpẽrapa mãɨ pedea jĩp'a bɨ mãɨnepa tachi k'aripa bɨ ewaricha pia k'ɨ̃risiak'ari maapae oo baipɨra, ichia oo bɨdepa minachia pia baipɨ.

Apocalipsi 11:11

Maamina ewari k'ak'o ũpea ya estarik'a pak'ari Tachi Ak'õrepa ãchi k'ĩrapapisima. Chi k'ĩrapamaa p'anɨ ununaanapa minachia p'erasidama.

Apocalipsi 22:1

Mãɨya nak'ari Tachi Ak'õrepa ɨt'aripa peedapa to p'ap'ãrá bɨt'a mɨá unupisima. Tot'á basima vidrio jĩra. Mãɨ paniapa tachi chok'ae p'anapiparima. Tachi Ak'õre mãɨnepa chi Oveja Chak'e suak'a beeparí auk'ará bɨdepa mãɨ to p'uurudepema o jet'ea bɨ esa wea bɨma. To ik'idacha pak'uru nejõ tachi chok'ae p'anapiparí basima. Mãɨ pak'uru jedek'ocha chaupari pẽra, ãyone bari k'ak'o doce teaparima. Chi k'irú nẽará jĩra bɨma, tuachadepemarã k'ak'ua pia p'ananamẽrá.