Romano 8:19 - Tachi Ak'õre Pedea

¹⁹ Nejõma Tachi Ak'õrepa ook'oada ãarea nɨ p'anɨma ichi warrarã pia p'aneeuta k'orea isapea unupimẽrá,

Romano 8:19 ပူးပေါင်းရင်းမြစ်များ

Mateo 5:9

Pia p'anɨma chi mãɨ ẽpẽrapa nepɨra tachi ũpẽa ome uru p'anɨ mãɨ k'aripa p'anɨrã, Tachi Ak'õre warrarãane adai pẽra.

Juan 1:12

Maamina chi ichi jitadaadarãpa ichide ĩjãasidama. Mãɨpuru ichia ãchi bɨsima Tachi Ak'õre warrarã p'ananamẽrá.

Hecho 3:21

Nãɨena Jesucristo pajãne bɨma aba Tachi Ak'õrepa ne ãarea mãicha pia oorudea. Tachi Ak'õrepa chõarãenapema ewaride chi ichi pari pedeapataɨrãnepa piarã mãɨya ooyade a basima.

Romano 8:14

Jõma Tachi Ak'õre Jaoredepa nipapataɨrã Tachi Ak'õre warrarãpɨ.

Romano 8:16

Tachi sõne Tachi Ak'õre Jaorepa k'awapi bɨma piarã Tachi Ak'õre warrarãt'a.

Romano 8:18

Mɨmá, chi nãɨ ewaride tachi minachia mĩa p'anɨt'a mãɨ ãpia bɨ jĩra bɨma, chi k'aadeapema ewaride Tachi Ak'õrepa tachi pia bɨi k'aepẽra.

Romano 8:23

Mãɨnepa tachia pida p'ua bɨdepa isapea chepii nɨ p'anɨma, Tachi Ak'õrepa tachi k'ak'ua pia bɨmẽrá. Ichi warrarã atarude mãɨya ooipɨ. Ichi Jaore tachiá naa teasima ichi warrarã piarã k'awadamẽrá.

Romano 9:26

«Mãɨnepa nãɨya bɨ bɨma: Mɨa jarasima mãra mɨ ẽpẽrarãwẽpɨ. Mãɨya jaradamá, mɨa mãra mɨ warrarãane aipɨ».

1 Corintio 1:7

Mãrapa Tachi Chipari Jesucristo ununai k'orea nɨ p'anɨmisa, Tachi Ak'õrepa ichi Jaoredepa tea bɨt'a jõma uru p'anɨma.

1 Corintio 1:8

Mãɨpa Tachi Ak'õrepa mãra chaarea uru baipɨ aba nãɨ ewari jõrunea. Mãɨya Tachi Chipari Jesucristo cherude mãra k'orea k'achia pedeadaiwẽa p'ananaipɨ.

2 Corintio 6:18

Mɨ mãra Ak'õre paipɨ. Mãra mɨ warrarã padaipɨ mãɨnepa mɨ k'aurã padaipɨ. Tachi Chipari chi Ne Ãarea P'ue Bɨpa mãɨya jara bɨma».

Gálata 3:26

Jesucristode ĩjãa p'anɨ pẽra jõma mãra Tachi Ak'õre warrarãpɨ.

P'ilipense 1:20

Cristo k'orea mɨ mi ãpia pida p'eraiwẽa bɨma, mãɨpari ichi k'orea pedeai k'orea p'eraiwẽa bɨma. Mãɨya mɨa jõmãɨrã́ Cristo chi atepe bɨt'a k'awapiipɨ, ewaricha oo bapari jĩra. Chok'ae beeipɨra wa piuipɨra, mɨa k'ɨ̃ria bɨma jõmãɨrãpa mɨnepa k'awadait'a Cristo chi atepe bɨt'a.

Colosense 3:4

Mãra Cristo k'orea chok'ae p'anɨ pẽra ara ichi mãicha unupirude mãra ichi ome p'ananaipɨ. Mãɨne ichi jĩra k'ĩrawãrea p'ananaipɨ.

Hebreo 12:27

Mãicha orepiyade aside Tachi Ak'õrepa k'awapisima ne ãarea ichia ook'oadat'a orek'ari jõpiit'a. Mãɨne abapuru chi ne jõk'apɨɨt'a beeipɨ.

1 Pedro 1:13

Mãɨpuru k'ɨ̃risia k'awaa p'anɨnepa p'anat'ɨ, pia oodai k'orea. K'ĩra jĩp'a p'anat'ɨ. Sẽnawẽa nɨ p'anat'ɨ Jesucristo unuuta ewaride Tachi Ak'õrepa ichi sõpiadepa mãrá nepia teamẽrá.

1 Pedro 1:7

mãɨ choa p'anɨnepa unupidaipɨ Jesucristode piarã ĩjãa p'anɨt'a. Mãrapa ĩjãa p'anɨt'a nee jĩra bɨma. Nee t'ɨpɨ taude tort'iiparima mãɨ wariara piipará beemẽrá. Ara mãɨ jĩra mãra minachia mĩautade, choa p'anɨnepa unupii p'anɨma Jesucristode piarã ĩjãa p'anɨt'a. Mãɨ nee k'aepẽra piipará bɨma, nee jõpari pẽra. Mãrapa Jesucristode piarã ĩjãa p'anɨt'a unupi p'anɨ pẽra, ichi unuutade Tachi Ak'õrepa mãra pia unuipɨ, mãra k'orea pia jaraipɨ mãɨnepa chi atepe k'awa p'anɨrã bɨipɨ.

1 Juan 3:1

K'ɨ̃risiat'ɨ sãmaasã́ Tachi Pajãnepema Ak'õrepa tachi minachia k'ɨ̃ria bɨt'a. Minachia k'ɨ̃ria bɨ pẽra tachi ichi warrarãane aparima. Piarã tachi ichi warrarãpɨ. Nãɨ ĩjũanepemarãpa mãɨ atua p'anɨma, ichi atua p'anɨ pẽra.

1 Juan 3:2

Ũpẽarã, tachi Tachi Ak'õre warrarãpɨ. Tachi Ak'õrepa wapida k'awapiwẽa bɨma tachi sãmaasã́ p'ananait'a. Maamina k'awa p'anɨma Cristo cherude ichi jĩra p'ananait'a, mãɨ ewaride ichi sãmaasã́ bɨ ununai pẽra.

Apocalipsi 21:7

Nemietá p'uedaadarãpa jõma mãɨ atadaipɨ warrapa chi ak'õrené atapari jĩra. Mɨ ãchi Tachi Ak'õre paipɨ mãɨnepa mɨ warrarã p'ananaipɨ.