Romano 8:16 - Tachi Ak'õre Pedea

¹⁶ Tachi sõne Tachi Ak'õre Jaorepa k'awapi bɨma piarã Tachi Ak'õre warrarãt'a.

Romano 8:16 ပူးပေါင်းရင်းမြစ်များ

Mateo 5:9

Pia p'anɨma chi mãɨ ẽpẽrapa nepɨra tachi ũpẽa ome uru p'anɨ mãɨ k'aripa p'anɨrã, Tachi Ak'õre warrarãane adai pẽra.

Luca 20:36

Mãɨya waa piudaiwẽma. Chok'ae p'irabaridai pẽra Tachi Ak'õre warrarãpɨ.

Juan 1:12

Maamina chi ichi jitadaadarãpa ichide ĩjãasidama. Mãɨpuru ichia ãchi bɨsima Tachi Ak'õre warrarã p'ananamẽrá.

Hecho 5:32

Mãɨ taipa ara jarapatama. Tachi Ak'õre Jaore pida abarik'a jaraparima. Tachi Ak'õrepa ichi Jaore chi ichide ĩjãapataɨrã́ teaparima.

Romano 8:14

Jõma Tachi Ak'õre Jaoredepa nipapataɨrã Tachi Ak'õre warrarãpɨ.

Romano 8:19

Nejõma Tachi Ak'õrepa ook'oada ãarea nɨ p'anɨma ichi warrarã pia p'aneeuta k'orea isapea unupimẽrá,

Romano 8:23

Mãɨnepa tachia pida p'ua bɨdepa isapea chepii nɨ p'anɨma, Tachi Ak'õrepa tachi k'ak'ua pia bɨmẽrá. Ichi warrarã atarude mãɨya ooipɨ. Ichi Jaore tachiá naa teasima ichi warrarã piarã k'awadamẽrá.

Romano 8:26

Mãɨ awara ara tachi tuaba chaareawẽa p'anɨ pẽra Tachi Ak'õre Jaorepa k'aripa bɨma. Piarã atua p'anɨma sãmaasã́ Tachi Ak'õrea ará ɨt'aa chiididait'a. Maamina Tachi Ak'õre Jaorepa tachia p'ue jaradak'a pedeadepa tachi k'orea Tachi Ak'õrea ɨt'aa chiidiparima.

Romano 9:26

«Mãɨnepa nãɨya bɨ bɨma: Mɨa jarasima mãra mɨ ẽpẽrarãwẽpɨ. Mãɨya jaradamá, mɨa mãra mɨ warrarãane aipɨ».

Romano 9:8

Mãɨ pedeapa tachiá k'awapi bɨma jõma Abrahanepa nãɨ k'ak'uade t'õnana Tachi Ak'õre warrarãwẽma. Tachi Ak'õrepa teai jarada warrarãt'a mãɨt'u Abrahán warrarã piarãrãpɨ.

2 Corintio 1:12

Nãɨ k'orea arapá p'anɨma: taipa k'awa p'anɨma sõ jĩp'a p'anɨnepa, k'ɨ̃risia piadepa nãɨ ĩjũanepemarã t'ãena mãɨnepa mãra t'ãena pia nipadada. Mãɨ sõ jĩp'a bai mãɨnepa k'ɨ̃risia pia Tachi Ak'õrenepemapɨ. Tai nãɨ ĩjũanepema k'ɨ̃risiadepa mãɨya nipadak'ama, mãɨpari Tachi Ak'õrepa ichi sõpiadepa k'aripa bɨ pẽra mãɨya nipapatama.

2 Corintio 1:22

Ichi Jaorepa tachicha tauchaapisima ichidirã k'awadamẽrá. Mãɨnepa tachi sõne bɨsima k'awadamẽrá jõma ichia teai jarada piarã atadaipɨ.

2 Corintio 5:5

Piarã Tachi Ak'õrepa tachi mãɨ k'orea oosima. Ichi Jaore tachiá teasima k'awadamẽrá jõma ichia teai jarada piarã atadait'a.

2 Corintio 6:18

Mɨ mãra Ak'õre paipɨ. Mãra mɨ warrarã padaipɨ mãɨnepa mɨ k'aurã padaipɨ. Tachi Chipari chi Ne Ãarea P'ue Bɨpa mãɨya jara bɨma».

Gálata 3:26

Jesucristode ĩjãa p'anɨ pẽra jõma mãra Tachi Ak'õre warrarãpɨ.

Gálata 4:6

Mãra Tachi Ak'õre warrarã pẽra ichi Warra Jaore peesima mãra sõne bamẽrá. Ichi Jaore tachi sõne bɨpa «¡Mɨ Ak'õre!» aparima, tachi Ichi warrarã k'awadamẽrá.

Ep'esio 1:13

Mãɨ awara mãra judiorãwẽ pida chi piarã pedea ũrinak'ari Cristode ĩjãanak'ari, mãɨ tachi k'aripai pedea pia ĩjãasidama. Mãɨya Cristode ĩjãasidaɨde Tachi Ak'õrepa ichi Jaore mãrá teasima ichia jarada jĩra. Ne naa teapari jĩra, mãɨpa k'awapi bɨma mãra ichidirãt'a.

Ep'esio 4:30

Nemietá oo p'anɨpa Tachi Ak'õre Jaore sõp'uapirãt'ɨ. Tachi Ak'õrepa ichi mãrá teasima ichidirã k'awadamẽrá. Ichi Jaore mãra ome baipɨ aba Tachi Ak'õrepa ichi ẽpẽrarã jõma pia bɨi ewaridea.

1 Juan 3:1

K'ɨ̃risiat'ɨ sãmaasã́ Tachi Pajãnepema Ak'õrepa tachi minachia k'ɨ̃ria bɨt'a. Minachia k'ɨ̃ria bɨ pẽra tachi ichi warrarãane aparima. Piarã tachi ichi warrarãpɨ. Nãɨ ĩjũanepemarãpa mãɨ atua p'anɨma, ichi atua p'anɨ pẽra.

1 Juan 3:10

Nãɨnepa tachia k'awa p'anɨma k'airã Tachi Ak'õre warrarã mãɨnepa k'airã tiore warrarã. Chi jĩp'a oowẽa bɨ Tachi Ak'õre warrawẽma. Mãɨnepa chi ichi ũpẽa k'ɨ̃riawẽa bɨ Tachi Ak'õre warrawẽma.

1 Juan 3:2

Ũpẽarã, tachi Tachi Ak'õre warrarãpɨ. Tachi Ak'õrepa wapida k'awapiwẽa bɨma tachi sãmaasã́ p'ananait'a. Maamina k'awa p'anɨma Cristo cherude ichi jĩra p'ananait'a, mãɨ ewaride ichi sãmaasã́ bɨ ununai pẽra.

1 Juan 4:13

Tachi Ak'õrepa ichi Jaore tachiá teada pẽra k'awa p'anɨma tachi Tachi Ak'õre ome p'anɨt'a mãɨnepa ichi tachi ome bɨt'a.

1 Juan 5:10

Chi Tachi Ak'õre Warrade ĩjãa bɨpa ichi sõne k'awa bɨma Tachi Ak'õrepa jara bɨ piarãt'a. Maamina chi Tachi Ak'õrepa jara bɨt'a ĩjãawẽa bɨpa Tachi Ak'õrepa sea jara bɨade a k'ɨ̃risia bɨma, ichi Warra k'orea jara bɨt'a ĩjãawẽa bɨ pẽra.

Apocalipsi 21:7

Nemietá p'uedaadarãpa jõma mãɨ atadaipɨ warrapa chi ak'õrené atapari jĩra. Mɨ ãchi Tachi Ak'õre paipɨ mãɨnepa mɨ warrarã p'ananaipɨ.