Romano 8:10 - Tachi Ak'õre Pedea

¹⁰ Maamina Cristo mãra sõne bɨpɨra, mãra jaore chok'ae bɨma Tachi Ak'õrepa mãra nepɨra newẽa p'anɨane a bɨ pẽra. Mãrapa nãɨ k'ak'uade nemietá oo p'anana k'orea piudaipɨ.

Romano 8:10 ပူးပေါင်းရင်းမြစ်များ

Juan 14:23

Jesupa p'anoosima: —Chi mɨ k'ɨ̃ria bɨpa mɨ pedea oo baipɨ. Mɨ Ak'õrepa ichi k'ɨ̃ria baipɨ. Maapae mɨ, mɨ Ak'õre ome ichimá chedaipɨ ichi ome ará p'ananai k'orea.

Juan 15:5

»Mɨ chi uva bɨɨrɨ chi piarãpẽapɨ. Mãra chi pak'uru juapɨ. Chi mɨ ome ará be minachia chaupatama, mɨ mãra ome ará bɨ pẽra. Mãrapa mɨwẽa mi ãpia pida Tachi Ak'õre pae p'ue oodaiwẽma.

Juan 17:23

Mɨ ãchi ome bɨ pẽra mãɨnepa pɨ mɨ ome bɨ pẽra tachi ãarea ará k'ak'ua aba bɨ jĩra p'ananaipɨ. Mãɨya nãɨ ĩjũanepemarãpa k'awadaipɨ pɨa mɨ peesit'a mãɨnepa k'awadaipɨ pɨa ãchi k'ɨ̃ria bɨt'a ara mɨ k'ɨ̃ria bɨ jĩra.

Juan 4:14

Maamina chi mɨa tea bɨ pania torut'a waa opisia baiwẽma. Chi mɨa tea bɨ pania ichide ewaricha wea baipɨ mãɨnepa Tachi Ak'õre ome ewaricha ichi chok'ae baipɨ.

Juan 6:54

Mɨ k'ak'ua mãɨ piarãpɨ mãɨnepa mɨ oa mãɨ piarãpɨ. Mãɨpuru chi mɨ k'ak'ua k'o bɨt'a mãɨnepa chi mɨ oa to bɨt'a, mãɨ Tachi Ak'õre ome ewaricha chok'ae baipɨ. Nãɨ jõru ewaride mɨa mãɨ ẽpẽra chok'ae p'irabaripiipɨ.

Juan 6:56

Chi mɨ k'ak'ua k'o bɨ mãɨnepa mɨ oa to bɨ, mɨ ome bɨma mãɨnepa mɨ ichi ome bɨma.

Romano 5:12

Ẽpẽra abadepa nemietá nãɨ ĩjũane chesima. Mãɨnepa mãɨ nemietaadepa tachi piudai p'anɨma. Jõmãɨrãpa nemietá oopata pẽra piupatama.

Romano 5:21

Piarã ẽpẽrarãpa nemietá oopata pẽra piupatama. Maamina Tachi Ak'õrepa ichi sõpiadepa ẽpẽrarã chi ichidirã jĩp'a berã paara bɨparima Tachi Chipari Jesucristodepa ewaricha ichi ome chok'ae p'ananamẽrá.

Romano 8:11

Maamina ichi Jaore mãra sõne bɨ pẽra, ichidepa mãra k'ak'ua piui bɨt'a chok'ae p'irabaripiipɨ Cristo Jesú chok'ae p'irabaripida jĩra.

1 Corintio 15:45

Tachi Ak'õre pedeade bɨ bɨma: «Chi naapema ẽpẽra Adán apataɨ Tachi Ak'õrepa chok'ae bapisima». Maamina Cristo chi k'aadeapema Adán apataɨ bɨsima ichi jaoredepa chok'ae bapimẽrá.

2 Corintio 13:5

Ara machicha minachia k'ɨ̃risiat'ɨ piarã Jesude ĩjãa p'anɨt'a k'awadai k'orea. Ara machicha minachia ak'ɨt'ɨ jĩp'a nipapata k'awadai k'orea. ¿Mãrapa atua p'anɨk'ãra Jesucristo mãra sõne bɨ? Mãra sõne bɨwẽpɨra ichidirãwẽma.

2 Corintio 4:11

Piarã tai wapida chok'ae p'anɨne Jesú k'orea ẽpẽrarãpa tai pea k'ɨ̃ria p'ananaipɨ. Mãɨya tai k'ak'ua piui bɨdepa jõmãɨrãpa Jesú chok'ae bɨt'a ununaipɨ.

2 Corintio 5:21

Cristopa nemietá ook'a pasima. Maamina tachi k'orea Tachi Ak'õrepa ichi nemietá ooparí jĩra unusima. Mãɨya Cristodepa Tachi Ak'õre jĩp'a bɨt'a waapẽarã́ p'ue unupipatama.

Gálata 2:20

Mɨ Cristo ome ará k'urusude barijira bɨsidama. Mãɨpuru ara mɨnepa bɨwẽma, mãɨpari Cristot'a mɨ sõne bɨma. Nãɨ k'ak'uade chok'ae bɨmisa, mɨ Tachi Ak'õre Warra Jesudepa baipɨ. Ara mãɨ Jesupa ichi Ak'õrepa oopi bɨt'a oopachi pẽra, mɨ k'ɨ̃riasima mãɨnepa mɨ k'orea ara ichi itu peapisima.

Ep'esio 3:17

Mãɨnepa ɨt'aa chiidi bɨma ĩjãa p'anɨ pẽra Cristo mãra sõne bamẽrá. Ɨt'aa chiidi bɨma mãra ne ãareaɨne k'ɨ̃rianepa p'ananamẽrá. Mãɨya chaarea p'ananaipɨ minachia k'arra jãa p'anɨ jĩra.

P'ilipense 1:23

Mãɨ jarait'a chaarea bɨma, umenepemarã chi sãɨ atepe pia bɨt'a. Mɨmá pia bɨma piuit'a, Cristo ome bai k'orea.

P'ilipense 3:9

mãɨnepa ichi ome bai k'orea. Mɨ ichi ome bɨwẽma chi Moisepa bɨdadepa, mãɨpari mãɨya bɨma Cristopa ichi Ak'õre pedea ook'ari, tachi k'orea piuda pẽra. Mɨa Cristode ĩjãa bɨ pẽra, Tachi Ak'õrepa mɨ ichi ome uru bɨma.

Colosense 1:27

Mãɨ pedea pia bɨt'a k'awapiwẽa bada ichidirã́ k'awapisima. Mãɨ pedea pia chi judiorãwẽ pae pida bɨma. Ichia k'awapiwẽa bada nãɨ: Cristo mãra sõne bɨma. Ichidepa k'awa p'anɨma ichi pia bɨdepema jitadaipɨ.

1 Tesalonicense 4:16

Mãɨ k'aepẽra Tachi Chipari pajãnepa cheipɨ. Tachi Chipari pedearu jĩk'ua ũrinaipɨ mãɨnepa chi Tachi Ak'õrepa ɨt'aripa peeda chi minachia k'awa bɨ pedearu ũrinaipɨ. Ichiaba chi Tachi Ak'õre ãnimara k'achu chaaru jĩk'ua ũrinaipɨ. Mãɨne chi Cristode ĩjãapataɨrã piudaadarã naa chok'ae p'irabaridaipɨ.

Hebreo 12:23

Mãra Tachi Ak'õre warrarã ãarea ará nɨbɨmá chesidama. Tachi Ak'õremá, ãareaɨrã warrarã naapemarãpɨ. Pajãnepemarã pẽra ãchi t'ɨ̃ bɨ bɨma. Mãra chi ãarea tachi nepɨra ak'ɨparimá chesidama. Chi ẽpẽerã jaore jĩp'a ɨt'ari be Tachi Ak'õrepa pia bɨdamá chesidama.

Hebreo 9:27

Ãareaɨrã bari k'ak'o aba piudaipɨ. Mãɨya nak'ari Tachi Ak'õrepa tachi ɨtɨaipɨ.

Apocalipsi 14:13

Mãɨya nak'ari mɨa ũrisima pajãne abaɨpa nãɨya jarasit'a: «K'art'ade nãɨya bɨse: “Nãɨ idiipa naa pia p'anɨma chi Tachi Chiparide ĩjãa p'anɨne piudait'a”». Mãɨne ũrisima Tachi Ak'õre Jaorepa nãɨya jarasit'a: «Piarã ãchi pia p'ananaipɨ. Ãchi ɨ̃apaade wãnaipɨ chi minachia mĩanana pada, chi ãchia nepia oodada padadepa minachia unupodoi pẽra».