Romano 8:1 - Tachi Ak'õre Pedea

¹ Naapae tachi Cristo Jesú ome p'anɨ pẽra nepɨra mi ãpia pida pará p'anɨane a bɨwẽma.

Romano 8:1 ပူးပေါင်းရင်းမြစ်များ

Juan 14:20

Mɨ chek'ari mãrapa k'awadaipɨ mɨ, mɨ Ak'õre ome bɨt'a, mãra mɨ ome p'anɨt'a, mãɨnepa mɨ mãra ome bɨt'a.

Juan 15:4

Mɨ ome ará p'anat'ɨ mɨ mãra ome ará bɨ jĩra. Pak'uru jua chi bɨɨrɨ ome ará baepɨra, ara ichit'u p'ue chauk'ama. Ara mãɨ jĩra mãra ara mɨ ome p'ananaepɨra p'ue chaudaiwẽma.

Juan 5:24

»Mɨa piarã jararuma: abaɨpa mɨ pedea ũrik'ari mɨ Peeda ĩjãaipɨra, mãɨ ẽpẽra ichi ome ewaricha chok'ae baipɨ. Tachi Ak'õrepa ichi ɨtɨaiwẽma. Piarã mãɨ ẽpẽra piu bada chok'ae bɨma.

Romano 16:3

Ũpẽawẽra Priscilá mãɨnepa ũpẽa Aquilá pia p'anapade a jara peet'ɨ. Ãchia mɨ jĩra abarik'a Jesucristopa oo bɨ oo p'anɨma.

Romano 16:7

Mɨ ũpẽarã judiorã Andronicoa mãɨnepa Juniá ara mãɨ jĩra jarat'ɨ. Waapẽarãpa pia k'awa p'anɨma ãchi Cristopa peedaɨrãt'a. Mɨ ome ará eda serra p'anasidama. Mɨa Cristode ĩjãai naena ãchia ĩjãa p'anasima.

Romano 5:1

Tachi Chipari Jesucristode ĩjãa p'anɨ pẽra Tachi Ak'õrepa tachi chi ichidirã jĩp'a berã paara bɨsima. Mãɨpuru Cristodepa Tachi Ak'õre ome sõpia p'anɨma.

Romano 5:16

Mãɨ awara Adanpa nemietá ooda k'orea Tachi Ak'õrepa ẽpẽerã ak'ɨk'ari jõmãɨrã nepɨra pará p'anɨane asima. Maamina ẽpẽrarãpa nemietá minachia oodaadamina, Tachi Ak'õre ichi sõpiadepa, ãchi chi ichidirã jĩp'a berã paara bɨparima.

Romano 7:17

Mãɨpuru ara mɨchia k'ɨ̃ria bɨdepa nemietá oo bɨwẽma, mãɨpari nemietá mɨ sõne bɨpa mãɨya oopiparima.

Romano 7:20

Mɨa nemietá oo k'ɨ̃riawẽa bɨt'a oo bɨmina, ara mɨchia k'ɨ̃ria bɨdepa mãɨya oo bɨwẽma. Mãɨpari nemietá mɨ sõne bɨpa mãɨya oopi bɨma.

Romano 8:11

Maamina ichi Jaore mãra sõne bɨ pẽra, ichidepa mãra k'ak'ua piui bɨt'a chok'ae p'irabaripiipɨ Cristo Jesú chok'ae p'irabaripida jĩra.

Romano 8:14

Jõma Tachi Ak'õre Jaoredepa nipapataɨrã Tachi Ak'õre warrarãpɨ.

Romano 8:2

Ichidepa Tachi Ak'õre Jaorepa tachi chok'ae bapida pẽra, tachi nemietaadepema, piudai pada pari ãjã́ bɨsima.

Romano 8:34

¿K'aipa tachi nepɨra pará p'anɨane aima? Abaɨ pida mãɨya jaraiwẽma Jesucristo tachi k'orea piuda pẽra. Ichi piu bada chok'ae p'irabarisima. Naapae Tachi Ak'õre juaraari bɨma. Mãma tachi k'orea Tachi Ak'õrea chichupuria idi bɨma.

Romano 8:4

Ichia mãɨya oosima tachia p'ue jĩp'a oodamẽrá Moisepa bɨdade jara bɨ jĩra. Naapae tachi jĩp'a nipadaipɨ nãɨ k'ak'uapa oo k'ɨ̃ria bɨdepa nipadawẽ pẽra, mãɨpari Tachi Ak'õre Jaoredepa nipapata pẽra.

Romano 8:9

Maamina Tachi Ak'õre Jaore piarã mãra sõne bɨ pẽra, ichidepa nipapatama. Nãɨ k'ak'uapa oo k'ɨ̃ria bɨdepa nipadak'ama. Piarã chi Cristo Jaore nea bɨt'a Cristodewẽma.

1 Corintio 1:30

Mãawẽa Tachi Ak'õrepa mãra Jesucristo ome ará bɨsima. Mãɨya Cristodepa Tachi Ak'õrepa ichi k'ɨ̃risia tachiá k'awapisima. Ichia tachi jĩp'a bɨsima, ara ichi pae pia bɨsima, mãɨnepa nemietaadepema k'aripasima.

1 Corintio 15:22

Jõmãɨrã Adannepa chedada pẽra piupatama. Ara mãɨ jĩra Cristo k'orea jõma ichidirã chok'ae p'ananaipɨ.

2 Corintio 12:2

Mɨa Cristode ĩjãaparí ẽpẽra aba k'awa bɨma. Catorce ãyo pa baside Tachi Ak'õrepa mãɨ ũpẽa pajãnea ichi bɨmá ateewãsima. Mɨa atua bɨma Tachi Ak'õrepa ichi k'ak'uat'u ateewã basit'a wa abapuru ichi jaoret'a ateewã basit'a. Tachi Ak'õrepuru mãɨ k'awa bɨma.

2 Corintio 5:17

Piarã abaɨ Cristo ome bɨpɨra, ichi naena bada jĩra bɨwẽma mãɨpari ichi ẽpẽra chiwidi jĩra bɨma.

Gálata 3:13

Moisepa bɨ bada jĩra oo p'anɨwẽ pẽra, nepɨra pará p'anɨane aima. Mãɨnepema Jesucristopa tachi k'aripasima. Ichit'a Tachi Ak'õrepa tachi k'ak'ua k'orea nepɨra paraapisima. Moisepa bɨdade nãɨya bɨ bɨma: «Chi pak'urude jira bɨdada, Tachi Ak'õrepa mãɨ nepɨra pará bɨade aipɨ».

Gálata 3:26

Jesucristode ĩjãa p'anɨ pẽra jõma mãra Tachi Ak'õre warrarãpɨ.

Gálata 3:28

Mãɨ jara bɨma judio griego ome abarik'a p'anɨma, chi chipari pae pari mimiaparí mãɨnepa chi chipari pae pari mimiak'apɨ́ ome abarik'a p'anɨma, mãɨnepa ɨmɨk'ĩra wẽra ome abarik'a p'anɨma. Jõma mãra ẽpẽra aba bɨ jĩra p'anɨma, Jesucristo ome ará p'anɨ pẽra.

Gálata 5:16

Mãɨ k'orea mɨa jararuma: Tachi Ak'õre Jaoredepa nipat'ɨ. Mãɨyaipɨra mãra k'ak'uapa nemietá oo k'ɨ̃ria bɨt'a oodaiwẽma.

Gálata 5:25

Tachi Ak'õre Jaoredepa chok'ae p'anɨ pẽra, tachi ichidepa nipadai p'anɨma.

Ep'esio 1:1

Mɨ Pablopɨ. Tachi Ak'õrepa k'ɨ̃riana pẽra mɨ Jesucristopa peedapɨ. Mɨa nãɨ k'art'a bɨruma jõma ẽpẽrarã Tachi Ak'õrenepemarã Jesucristode ĩjãa be Ép'eso p'uurudepemarã pae.

P'ilipense 3:9

mãɨnepa ichi ome bai k'orea. Mɨ ichi ome bɨwẽma chi Moisepa bɨdadepa, mãɨpari mãɨya bɨma Cristopa ichi Ak'õre pedea ook'ari, tachi k'orea piuda pẽra. Mɨa Cristode ĩjãa bɨ pẽra, Tachi Ak'õrepa mɨ ichi ome uru bɨma.