Romano 7:7 - Tachi Ak'õre Pedea

⁷ ¿Mãɨ k'orea sãmaasã́ k'ɨ̃risiadai p'anɨma? ¿Moisepa bɨda mietá bɨk'ãra? ¡Mãɨyawẽma! Mãɨ Moisepa bɨda newẽpara mɨa atua bai pasima k'ãre nemietá. Mãɨ Moisepa bɨdade «abaɨpa uru bɨt'a k'ɨ̃riarãapade» awẽpara, mɨa k'awaiwẽ pasima mãɨ nemietaat'a.

Romano 7:7 ပူးပေါင်းရင်းမြစ်များ

Mateo 5:28

Maamina mɨa mãrá jararuma: abaɨpa wẽra ak'ɨk'ari k'ɨ̃riasira abaeda mãɨ wẽra ome ichi sõnepa nemietá oosima.

Luca 12:15

Mãɨne ichia jõmãɨrã́ jarasima: —¡Jĩrak'aua p'anat'ɨ! Erreara chi awaa p'anarãt'ɨ. Neet'á minachia uru bɨdepa tachi chok'ae bak'ama.

Luca 20:16

Ará wãk'ari ãchi ãarea k'enak'ari ichi uva k'ãena awaraɨrã́ ak'ɨpiipɨ». Chi arí berãpa mãɨ ũrisidaɨde jarasidama: —Mãɨyawẽane asidama.

Hecho 20:33

»Mɨa chĩara p'arat'a, nee wa chi neet'á ara mɨ pae k'ɨ̃riaé pasima.

Romano 13:9

Mãɨ Moisepa bɨdade jara bɨma: «K'ima awaraɨ ome k'ãirãse, mĩa pearãse, nechɨarãse, abaɨpa uru bɨt'a k'ɨ̃riarãse». Mãɨ pedea mãɨnepa jõma mãɨ Moisepa bɨdade jara bɨ sida nãɨ k'ɨ̃risia aba bɨde jõma jara bɨma: «Abaɨ k'ɨ̃riase ara pɨchi k'ɨ̃ria bɨ jĩra».

Romano 3:20

Piarã Moisepa bɨda oo bɨdepa mi ãpia pida Tachi Ak'õrepa chi ichidirã jĩp'a berã paara bɨiwẽma. Mãɨ Moisepa bɨdadepa k'awapi bɨma tachia nemietá oopataɨ.

Romano 3:5

Mɨ pedearuma ẽpẽrarã pedeapata jĩra. Chi eda waapẽarãpa jarapatama nemietá oo p'anɨnepa, chi Tachi Ak'õre jĩp'a bɨt'a unupipataade apatama. Mãɨne Tachi Ak'õrepa ɨtɨaipɨra, ichi jĩp'a bɨwẽane apatama. ¿Chi mãɨya jara p'anɨa k'ãre jaradaima? ¿Jaradaik'ãra Tachi Ak'õre jĩp'a bɨwẽt'a, tai ɨtɨai pẽra?

Romano 4:1

¿K'ãre jaradaima Abrahán, chi tai judiorã chõarãenapema k'ak'uade bada k'orea?

Romano 4:15

Mãɨ Moisepa bɨda jara bɨ jĩra oowẽa p'anɨnepa, Tachi Ak'õrepa tachi ɨtɨaipɨ. Piarã Moisepa bɨda nea badapara, nepɨra pará p'ananaiwẽ pasima.

Romano 5:20

Tachi Ak'õrepa Moisea ichi pedea bɨpisima ẽpẽrarãpa k'awadamẽrá nemietá minachia oo p'anɨt'a. Maamina ẽpẽrarãpa nemietá minachia oosidaɨde Tachi Ak'õrepa ichi sõpiadepa pia k'ĩra chupuriasima.

Romano 6:15

¿Mãɨnepema sãmaasã́ k'ɨ̃risia p'anɨma? Tachi Ak'õrepa ichi sõpiadepa tachi k'aripada pẽra mãɨnepa tachi Moisepa bɨdadepa p'anɨwẽ pẽra ¿nemietá oodai p'anɨk'ãra? ¡Mãɨyawẽma!

Romano 7:11

Mãɨ Moisepa bɨdade oopi bɨ pedea k'orea mɨa nemietá atepe oo k'ɨ̃riasima. Maapae nemietaapa mɨ seasima k'ɨ̃risiamẽrá mãɨ Moisepa bɨdadepa jĩp'a bait'a. Maamina mãɨ ũrik'a pẽra piui basima.

Romano 7:13

Mãɨyara ¿Moisepa bɨda pia bɨpa mɨ piupisik'ãra? ¡Mãɨyawẽma! Mãɨpari nemietá oo bɨ k'orea mɨ mãɨya piui basima. Mɨa nemietá oo bɨ k'orea mãɨ Moisepa bɨda pia bɨpa jara bɨma mɨ piui bɨt'a. Mãɨya pia unupi bɨma chi nemietá sãmaasã́ bɨt'a. Mɨa nemietá oo bɨt'a piarã minachia mietá bɨma.

Romano 7:5

Tachi nãɨ k'ak'uapa oo k'ɨ̃ria bɨdepa nipasidaɨde Moisepa bɨdade jara bɨ k'orea nemietá atepe ooi k'ɨ̃riasidama. Mãɨne nemietá oo p'anɨ k'orea piudai p'anasidama.

Romano 7:8

Maamina «k'ɨ̃riarãapade» ada pẽra nemietá oo k'ɨ̃ria bɨdepa mɨa nejõma atepe k'ɨ̃riasima. Piarã Moisepa bɨda newẽpara nemietá atepe oo k'ɨ̃ria baiwẽ pasima.

1 Corintio 15:56

Moisepa bɨdapa k'awapi bɨma tachia nemietá oopataɨ. Nemietá oopata pẽra piudaipɨ.

Ep'esio 5:3

Mãra ẽpẽrarã Tachi Ak'õrenepemarã pẽra wẽra awaraɨ ome k'ãinaiwẽa p'anɨma, k'ĩra p'erapiparide nipadaiwẽa p'anɨma, mãɨnepa ne waapẽarãné k'ɨ̃rianaiwẽa p'anɨma. Mãɨ k'orea mi ãpia pida pedeadaiwẽa p'anɨma.

Colosense 3:5

Mãɨpuru jõma nãɨ ĩjũanepema k'ɨ̃risia mãra sõne bɨ itu bɨt'ɨ. Awaraɨ ome k'ãirãt'ɨ, ne k'ĩra p'era oorãt'ɨ, mãra k'ak'uapa nemietá ooyá bɨ oorãt'ɨ, k'ɨ̃risia k'achia k'ɨ̃risiarãt'ɨ, mãɨnepa ne minachia uru p'ananai k'ɨ̃ria p'anarãt'ɨ. Chi ne minachia k'ɨ̃ria uru bɨt'a juapa oodada sãdo ĩjãa bɨ jĩra bɨma.

1 Tesalonicense 4:5

Nãɨ k'ak'uapa nemietá ooyá bɨ oorãt'ɨ Tachi Ak'õrene ĩjãanak'apɨɨrãpa oopata jĩra.

Hebreo 7:19

mãɨnepa mi ãpia pida jĩp'a bɨé pasima. Mãɨ Moisepa bɨda k'aepẽra Tachi Ak'õrepa nepia teasima tachi k'aripai k'orea. Mãɨnepa Tachi Ak'õremá ará orrobariparima.