Romano 7:18 - Tachi Ak'õre Pedea

¹⁸ Mɨa k'awa bɨma mɨ sõne nepia newẽma. Pia jaraipɨra, mɨ nãɨ k'ak'uade bɨ pẽra ara mɨchia k'ɨ̃ria bɨdepa nepia p'ue ook'ama. Mɨa pia oo k'ɨ̃ria bɨmina p'ue ook'ama.

Romano 7:18 ပူးပေါင်းရင်းမြစ်များ

Mateo 15:19

Ẽpẽra sõnepa nãɨ k'ɨ̃risia mietá cheparima: mĩa peai; k'ima awaraɨ ome k'ãii; nemietá awaraɨ ome oo bai; nechɨai; sea jarai; waapẽarã k'orea k'achia pedeai; jãkɨɨ ãarea k'ɨ̃risiai.

Luca 11:13

Mãra chi k'achia berãpa mãra warrarã́ nepia tea k'awa p'anɨpɨra, ¿mãra Ak'õre pajãne bɨpa chi idi p'anɨa ichi Jaore teaiwẽk'ãra?

Juan 3:6

Tachi naepa t'õna nãɨ k'ak'uadepa chedapɨ, maamina mãicha t'õna Tachi Ak'õre Jaoredepa t'õnapɨ.

Romano 13:14

Mãɨpari Tachi Chipari Jesucristo nipada jĩra nipat'ɨ. Nãɨ k'ak'uapa nemietá oo k'ɨ̃ria bɨt'a oodai k'ɨ̃risiarãt'ɨ.

Romano 7:15

Mɨa atua bɨma k'ãre k'orea jãɨya ooparit'a. Mɨa nepia oo k'ɨ̃ria bɨt'a ook'ama, mãɨpari mɨa nemietá oo k'ɨ̃riawẽa bɨt'a ooparima.

Romano 7:19

Piarã mɨa pia oo k'ɨ̃ria bɨt'a ook'ama, mãɨpari nemietá oo k'ɨ̃riawẽa bɨt'a ooparima.

Romano 7:25

Aba Tachi Ak'õrepuru Tachi Chipari Jesucristodepa mɨ k'aripaipɨ. Mãɨ k'orea mɨa ichiá pia bɨade aruma. Piarã mɨ k'ɨ̃risiade Moisepa bɨda oo k'ɨ̃ria bɨma, maamina nãɨ k'ak'uade bɨ pẽra nemietá mɨ sõne bɨpa nemietá oopiparima.

Romano 7:5

Tachi nãɨ k'ak'uapa oo k'ɨ̃ria bɨdepa nipasidaɨde Moisepa bɨdade jara bɨ k'orea nemietá atepe ooi k'ɨ̃riasidama. Mãɨne nemietá oo p'anɨ k'orea piudai p'anasidama.

Gálata 5:17

Nãɨ k'ak'uapa nemietá oo k'ɨ̃ria bɨt'a Tachi Ak'õre Jaorepa k'ɨ̃riak'ama. Mãɨnepa Tachi Ak'õre Jaorepa oopi k'ɨ̃ria bɨ nãɨ k'ak'uapa k'ɨ̃riak'ama. Ãchi ará pia p'ananak'a pẽra mãrapa oo k'ɨ̃ria p'anɨ p'ue oodaiwẽma.

Gálata 5:24

Cristoderãpa chi nãɨ k'ak'uapa nemietá oo k'ɨ̃ria bɨt'a k'urusude barijira bɨk'ari peasidama.

P'ilipense 2:13

Ichiapuru mãra k'aripa bɨma ichia k'ɨ̃ria bɨ oo p'ananamẽrá mãɨnepa mãɨya oo k'ɨ̃ria p'ananamẽrá.

P'ilipense 3:12

Mɨa jarawẽa bɨma mɨ abaeda mãɨya bɨt'a. Mãɨnepa jarawẽa bɨma mɨ abaeda jĩp'a bɨt'a. Maamina mãɨya bai k'orea mɨ idiapaedepa naa wãruma Jesucristopa mɨ mãɨ k'orea atada pẽra.

Tito 3:3

Piarã naena tachi sida k'ɨ̃risia piawẽa p'anasidama, Tachi Ak'õrene ĩjãanawẽa p'anasidama mãɨnepa piawẽa k'ɨ̃risia p'anasidama. Tachia nemietá oo k'ɨ̃ria berã mãɨnepa arapá oo k'ɨ̃ria berã, chipari pae pari mimiaparí jĩra jõma oopachidama. Paritua k'achiade nipapachidama, chĩarapa uru bɨ k'orea sõpiawẽa p'anapachidama, chĩarapa tachi unuemaapachidama, mãɨnepa tachia chĩara unuemaapachidama.

1 Pedro 4:2

Mãɨ ẽpẽrapa wapida nãɨ ĩjũane bɨde nãɨ k'ak'uapa nemietá oo k'ɨ̃ria bɨt'a oo baiwẽma, mãɨpari Tachi Ak'õrepa k'ɨ̃ria bɨt'a oo baipɨ.