Romano 7:14 - Tachi Ak'õre Pedea

¹⁴ Tachia k'awa p'anɨma Moisepa bɨda Tachi Ak'õre Jaoredepa chesit'a. Maamina mɨ nãɨ k'ak'uade bɨma. Mɨ netoda jĩra bɨma, nemietá pae pari mimiaparí bamẽrá.

Romano 7:14 ပူးပေါင်းရင်းမြစ်များ

Mateo 16:23

Maamina Jesupa jĩitea ak'ɨk'ari Pedroa jarasima: —Tiore, mɨ omepema ãyá wãse. Mɨa ooi bɨt'a, pɨa oopiemaa bɨma. Pɨa Tachi Ak'õre jĩra k'ɨ̃risiawẽa bɨma. Mãɨpari ẽpẽra jĩra k'ɨ̃risia bɨma.

Mateo 18:25

Mãɨpa p'ue p'aaiwẽa bada pẽra, chi poro jũra jɨ̃parí jɨ̃ bɨpa jarasima mãɨ ẽpẽra netodamẽrá; chi k'ima, chi warrarã paara, chipari pae pari mimiapataɨrã jĩra p'ananamẽrá. Ichiaba ãarea ichi neet'á uru bɨ paara netosidama.

Mateo 5:22

Maamina mɨa jararuma: abaɨpa chĩara ome k'ĩruusira Tachi Ak'õrepa ɨtɨaipɨ. Abaɨpa chĩará k'ĩra piawẽa bɨade arupara, mãɨ chi chaarearãpa ɨtɨadaima. Ichiaba abaɨpa chĩará k'achia pedeasira, Tachi Ak'õrepa t'ɨpɨ tau uruadea wãpiipɨ.

Mateo 5:28

Maamina mɨa mãrá jararuma: abaɨpa wẽra ak'ɨk'ari k'ɨ̃riasira abaeda mãɨ wẽra ome ichi sõnepa nemietá oosima.

Luca 5:8

Simón Pedropa ichi ome p'anɨ pida beta chok'ará peadada unusidaɨde k'awa k'ɨ̃risiadaé pasima. Santiago mãɨnepa Juan ichi ome basima. Ãchi Zebedeo warrarã pasima. Mãɨne Simón Jesú taade wãk'ari sĩraporode k'obeek'ari jarasima: —Mɨ Chipari, pia bɨma pɨ mɨk'aapema ãyá wãit'a, mɨ nemietá oopari pẽra. Jesupa Simonoa jarasima: —P'erarãse, idiipa waa pɨ mɨ pae ẽpẽerã jɨrɨparí paipɨ.

Luca 7:6

Mãɨya jaradada pẽra Jesú ãchi ome chi papaká berã chi mãɨrã chaarea bɨ tedea wãsima. Maamina te k'ait'a cheutade papaká berã chi mãɨrã chaarea bɨpa ichi k'õp'ãerorã Jesua nãɨya jarade peesima: «Mɨ Chipari, mɨ ẽpẽra piawẽa bɨma, pɨ mɨ tede eda wãit'a.

Romano 3:9

Mãɨpuru ¿k'ãre jaradaima? ¿Jaradaik'ãra tai judiorã waapẽarã k'aepẽra atepe pia p'anɨma? ¡Mãɨyawẽma! Mɨa nãɨ k'art'ade k'awapisima judiorãpa mãɨnepa judiorãwẽpa nemietá oopataɨt'a.

Romano 6:6

Tachia k'awa p'anɨma tachi k'ɨ̃risia chota bɨ piusit'a Cristo ome k'urusude barijira bɨdada jĩra. Mãɨya tachi k'ɨ̃risia chota bɨpa nãɨ k'ak'uapa nemietá oo k'ɨ̃ria bɨ waa p'ue oopiiwẽma. Tachi waa nemietá pae pari mimiapataɨrãwẽma.

Romano 7:18

Mɨa k'awa bɨma mɨ sõne nepia newẽma. Pia jaraipɨra, mɨ nãɨ k'ak'uade bɨ pẽra ara mɨchia k'ɨ̃ria bɨdepa nepia p'ue ook'ama. Mɨa pia oo k'ɨ̃ria bɨmina p'ue ook'ama.

Gálata 4:3

Ara mãɨ jĩra Cristode ĩjãanai naena tachi warra chak'e jĩra p'anasima. Mãɨ ewaride tachia chi nãɨ ĩjũanepema jaore chaarearãne ĩjãa p'anasidama, chi chipari pae pari mimiaparí jĩra.

Ep'esio 3:8

Jõma ẽpẽrarã Tachi Ak'õrenepemarã t'ãena mɨ k'aepe bɨmina, ichi sõpiadepa mɨt'u bɨsima judiorãwẽa chi Cristo k'orea nepia jõk'apɨ́ jarateamẽrá.

Hebreo 4:12

Piarã Tachi Ak'õre pedea chok'ae bɨma mãɨnepa jua chaarea bɨma. Ichi pedea k'ĩruuparí nek'o k'ida ume era bɨ k'aepẽra p'eedea bɨma. Ichi pedeapa tachi k'ɨ̃risia mãɨnepa tachi sõpa oo k'ɨ̃ria bɨt'a ãarea pia k'awapiparima tachi k'ɨ̃risia, tachi jaore, tachi sõ sida eda k'õru jĩra.