Romano 6:21 - Tachi Ak'õre Pedea

²¹ Maamina nemietá oo p'anɨnepa ¿k'ãre pia jitasidama? ¿Mãɨya oo p'anana k'orea, k'ĩra p'era p'anɨwẽk'ãra? Nemietá oo p'anɨ k'orea ẽpẽrarã piudaipɨ.

Romano 6:21 ပူးပေါင်းရင်းမြစ်များ

Romano 1:32

Ãchia minachia k'awa p'anɨma Tachi Ak'õrepa chi mãɨya oo berã minachia ɨtɨait'a. Maamina ara mãɨya oo nipapatama mãɨnepa waapẽarãpa abarik'a nemietá ooutade mãɨ pia bɨade a k'ɨ̃risiapatama.

Romano 5:12

Ẽpẽra abadepa nemietá nãɨ ĩjũane chesima. Mãɨnepa mãɨ nemietaadepa tachi piudai p'anɨma. Jõmãɨrãpa nemietá oopata pẽra piupatama.

Romano 6:16

Mãrapa k'awa p'anɨma ara mastu abaɨ pae pari mimiapataɨrã p'ananai k'orea teadaipɨra, chi chiparipa jararu jõma oodai p'anɨt'a. Ara mãɨ jĩra mãrapa nemietá mãra chipari jĩra bɨdaipɨra, nemietá oodak'ari piudaipɨ. Maamina Tachi Ak'õre mãra chipari bɨdaipɨra, ichi pedea ooutade jĩp'a nipadaipɨ.

Romano 6:23

Piarã nemietá oo p'anɨ k'orea ẽpẽrarã piudaipɨ. Maamina Tachi Chipari Jesucristodepa Tachi Ak'õrepa ewaricha chok'ae bapiipɨ, ne pari tea bɨ jĩra.

Romano 7:5

Tachi nãɨ k'ak'uapa oo k'ɨ̃ria bɨdepa nipasidaɨde Moisepa bɨdade jara bɨ k'orea nemietá atepe ooi k'ɨ̃riasidama. Mãɨne nemietá oo p'anɨ k'orea piudai p'anasidama.

Romano 8:13

Mãra nãɨ k'ak'uapa oo k'ɨ̃ria bɨdepa nipadaipɨra piudaipɨ. Maamina chi nãɨ k'ak'uapa nemietá oo k'ɨ̃ria bɨt'a Tachi Ak'õre Jaoredepa itu bɨdaipɨra, Tachi Ak'õre ome chok'ae p'ananaipɨ.

Romano 8:6

Chi abaɨpa nãɨ k'ak'uapa oo k'ɨ̃ria bɨt'a k'ɨ̃risia baipɨra piuipɨ. Maamina chi Tachi Ak'õre Jaorepa k'ɨ̃ria bɨt'a k'ɨ̃risia baipɨra ne k'ɨ̃risiawẽa baipɨ mãɨnepa Tachi Ak'õre ome chok'ae baipɨ.

2 Corintio 4:2

Nejõma k'achia ẽpẽrarãpa mẽra oopataɨ mãɨnepa p'era oopataɨ taipa itu bɨsidama. Waapẽarã seadak'ama. Tachi Ak'õre pedea k'ĩra ãyá jarateadak'ama, mãɨpari chi piarã pedea pia jarateapatama. Mãɨya Tachi Ak'õre k'ĩrari taipa jõmãɨrã́ k'awapipatama jĩp'a oo p'anɨ.

2 Corintio 7:11

Tachi Ak'õrepa k'ɨ̃ria bɨ jĩra mãra sõp'uasida pẽra mãɨ sõp'uapa mãrá jĩp'a k'ɨ̃risiapik'ari jĩp'a oopisima. Mãɨpuru mãrapa jĩp'a oo p'anɨ jõmãɨrã́ k'awapi k'ɨ̃ria p'anɨma. Chi mãɨ ũpẽapa nemietá ooda k'orea mãra k'ĩruusidama mãɨnepa Tachi Ak'õrepa ɨtɨai pada wap'easidama. Mãɨ k'orea chi nemietá ooda ẽpẽra ɨtɨadak'ari ãyá jeret'aasidama. Nejõmane mãrapa unupisidama mãɨ nemietá ooda k'orea nepɨradawẽa p'anɨt'a.

P'ilipense 3:19

Mãɨpuru piuutade Tachi Ak'õrepa ãchi minachia ɨtɨaipɨ. Ãchi k'ak'uapa k'ɨ̃ria bɨt'a chi ãchi ak'õrepɨ. K'ĩra p'era oo p'anɨ k'orea pia pedeapatama. Abapuru nãɨ ĩjũanepema k'ɨ̃risiapatama.

Hebreo 10:29

Mãɨpa ¿sãmaasã́ k'ɨ̃risia p'anɨma? ¿Tachi Ak'õrepa chi ichi Warra itu bɨpataɨ atepe ɨtɨaiwẽk'ãra? Tachi Ak'õrepa ichi Warra oadepa pedea chiwidi ausima tachi ichi pae pia bɨi k'orea. Mãɨyara chi Tachi Ak'õre Warra oa ãrina piawẽa bɨade apataɨrã ¿ichia atepe ɨtɨaiwẽk'ãra? Mãɨ awara Tachi Ak'õre Jaorepa ichi sõpiadepa tachi k'aripa bɨma. Mãɨyara chi Tachi Ak'õre Jaore k'orea mietá bɨade apataɨrã ¿ichia atepe ɨtɨaiwẽk'ãra?

Hebreo 6:8

Maamina k'oe chek'ari ɨɨrɨ mãɨnepa sirua k'achia t'õnoipɨra, mãɨ ĩjũa piawẽa bɨma. Tachi Ak'õrepa mãɨ ĩjũa k'achia pedeak'ari maapae ãarea paaipɨ.

Santiago 1:15

Nemietá ooi k'ɨ̃risia beek'ari, maapae mãɨya oo beeparima. Mãɨya jõma oo beeda pẽra piuk'ari Tachi Ak'õrenepema ewaricha awara baipɨ.

1 Pedro 4:17

Naapae Tachi Ak'õrepa ichidirã ne nepɨra ak'ɨipɨ. Tachi Ak'õrepa tachi nepɨra naa ak'ɨipɨra, ¿chi pedea pia Tachi Ak'õre k'orea ĩjãanak'apɨɨrã sãmaasã́ p'ananaima?

1 Juan 2:28

Mɨ warrarã, Cristo ome ará p'anat'ɨ. Mãɨya ichi cherude tachi ne wap'eawẽa mãɨnepa k'ĩra p'erawẽa ichi k'ĩrari p'ananaipɨ.

Apocalipsi 16:6

Ãchia pɨ ẽpẽerã mãɨnepa chi pɨ pari pedeapataɨrã oa ãripisidama. Mãɨpuru idi pɨa ãchiá oa topimaa bɨma ãchia nemietá oodada jĩra».

Apocalipsi 20:14

Tachi Ak'õrepa chi tachi piudai p'anɨt'a jõpisima t'ɨpɨ uruade bat'a peeru jĩra. Ichiaba chi piudaadarã p'anapataɨmá t'ɨpɨ uruade bat'a peesima. Mãɨ uria azup're t'ɨpɨ urua nɨbɨmá bari k'ak'o ume piusiade apatama.