Romano 6:2 - Tachi Ak'õre Pedea

² ¡Piarã mãɨya oodaiwẽa p'anɨma! Tachi nemietaadepema piusidama. Mãɨpuru ¿sãmaasã́ nemietaade nipadaima?

Romano 6:2 ပူးပေါင်းရင်းမြစ်များ

Luca 20:16

Ará wãk'ari ãchi ãarea k'enak'ari ichi uva k'ãena awaraɨrã́ ak'ɨpiipɨ». Chi arí berãpa mãɨ ũrisidaɨde jarasidama: —Mãɨyawẽane asidama.

Romano 5:11

Mãɨ awara Tachi Chipari Jesucristodepa Tachi Ak'õre ome pia p'anɨ pẽra ichidepa Tachi Ak'õre ome sõpia p'anɨma.

Romano 6:15

¿Mãɨnepema sãmaasã́ k'ɨ̃risia p'anɨma? Tachi Ak'õrepa ichi sõpiadepa tachi k'aripada pẽra mãɨnepa tachi Moisepa bɨdadepa p'anɨwẽ pẽra ¿nemietá oodai p'anɨk'ãra? ¡Mãɨyawẽma!

Romano 7:4

Ũpẽarã, ara mãɨ jĩra mãra Cristo ome p'anɨ pẽra, ichi piuk'ari Moisepa bɨdadepema pari ãjã́ p'aneesidama. Naapae mãra Cristoderã pẽra Tachi Ak'õre pae p'ue nepia oodaipɨ.

Romano 7:6

Maamina Moisepa bɨdadepa p'anana tachi pari ãjã́ p'aneesidama. Mãɨnepema piusida pẽra naapae Tachi Ak'õre pae nepia oodaipɨ ichi Jaoredepa. Waa k'ɨ̃risiadaiwẽma Moisepa bɨdadepa mãɨya oodait'a.

Gálata 2:19

Naena mɨ Moisepa bɨdadepa basima. Maamina mãɨ Moisepa bɨdadepema mɨ piusima. Mãɨya mɨ Tachi Ak'õre pae chok'ae beesima.

Gálata 6:14

Maamina mɨt'u mãɨya bɨwẽma. Mɨ k'orea mi ãpia pida pia pedeawẽma. Mãɨpari abapuru Tachi Chipari Jesucristo k'urusude piuda k'orea pia pedeaipɨ. Cristo k'urusude piuda pẽra chi nãɨ ĩjũanepemarãpa pia unupataɨ, mɨmá ãarea piusima. Mãɨnepa nãɨ ĩjũane berãmá mɨ piusit'a.

Colosense 2:20

Mãra Cristo ome ará piusida pẽra chi nãɨ ĩjũanepema jaore chaarearãne ĩjãanaiwẽa p'anɨma. Mãɨ ¿k'ãre k'orea waidi mãɨ k'ɨ̃risia ĩjãa p'anɨma nãɨ ĩjũanepemarãpa ĩjãapata jĩra?

Colosense 3:3

Mãɨya p'ɨrrɨadai p'anɨma, Cristo ome piudak'ari, ichi ome chok'ae p'anɨ pẽra. Mãɨ waapẽarã k'awadak'ama. Maamina Cristo Tachi Ak'õre ome chok'ae bɨ pẽra, mãra sida Tachi Ak'õre ome chok'ae p'anɨma.

1 Pedro 1:14

Warra chok'ea bɨ jĩra p'anat'ɨ. Nãɨ k'ak'uapa nemietá oo k'ɨ̃ria bɨt'a waa oorãt'ɨ, Tachi Ak'õre atua p'anasidaeda oopachidaɨ jĩra.

1 Pedro 2:24

Cristopa tachi nemietá ichi ɨ̃rɨ k'urusude ateewãsima tachi nemietaadepema piudak'ari jĩp'a p'ananamẽrá. Ichi k'ak'ua p'uak'oa p'anasidaɨdepa mãra jɨpa p'aneesidama.

1 Juan 3:9

Chi Tachi Ak'õrenepa t'õnapa nemietá oo bak'ama, Tachi Ak'õre chok'ae bɨ ichide bapari pẽra. Tachi Ak'õrenepa t'õna pẽra nemietá p'ue oo bak'ama.