Romano 6:17 - Tachi Ak'õre Pedea

¹⁷ Naena mãra nemietá pae pari mimiapataɨrã pasima. Maamina jõma Tachi Ak'õre k'orea jarateadada sõnepa oo p'anɨ pẽra mɨa Tachi Ak'õrea sõpia bɨade aparima.

Romano 6:17 ပူးပေါင်းရင်းမြစ်များ

Hecho 11:18

Jerusalenepema ũpẽarãpa mãɨ ũrisidaɨde waa k'achia pedeadaé pasima, mãɨpari Tachi Ak'õrea nãɨya pia pedeasidama: —¡Piarã Tachi Ak'õrepa judiorãwẽ sida k'aripasima ãchi nemietá oodada itu bɨdak'ari ichimá chedamẽrá! ¡Mãɨya ewaricha ichi ome chok'ae p'ananaipɨ!

Hecho 28:15

Ũpẽarã Romanepemarãpa tai wãuta ũrisidaɨde pia pedeade chesidama. Waapẽarã Apio p'uurudea chesidama mãɨnepa waapẽarã Tres Taberna p'uurudea chesidama. Pablopa ãchi unuside Tachi Ak'õrea pia pedeak'ari, ãchi k'orea arapá beesima.

Romano 1:5

Jesucristodepa Tachi Ak'õrepa mɨ bɨsima ichia peeda bamẽrá. Ichidepa mãɨya bɨsima jõma tuachadepemarãpa Jesucristode ĩjãanamẽrá, ichi pedea oodamẽrá mãɨnepa ichiá pia pedeadamẽrá.

Romano 1:8

Naa mɨa jararuma: Jesucristodepa mɨa jõma mãra k'orea Tachi Ak'õrea sõpia bɨade aparima mãrapa Jesucristode ĩjãa p'anɨ k'orea tuachadepemarãpa pedea p'anɨ pẽra.

Romano 15:18

Maamina ara mɨchi k'orea mi ãpia pida pia pedeaiwẽma. Abapuru Cristopa mɨnepa ooda k'orea pia pedeaipɨ. Piarã mɨnepa Cristopa k'aripasima judiorãwẽpa Tachi Ak'õrene ĩjãanamẽrá. Mɨa jaratea bɨdepa, oo bɨdepa,

Romano 2:8

Maamina chi eda waapẽarãpa waapẽarã k'aepẽra pia p'ananai k'orea jɨrɨpatama. Mãɨpuru chi piarãpẽa pedea ĩjãanai k'ɨ̃rianak'ama mãɨnepa nemietaade p'anapatama. Mãɨ ẽpẽrarã Tachi Ak'õrepa ichi k'ĩruupidepa minachia ɨtɨaipɨ.

1 Corintio 1:4

Mãra Jesucristo ome p'anɨ pẽra Tachi Ak'õrepa ichi sõpiadepa k'aripa bɨma. Mãɨpuru mɨa Tachi Ak'õrea ɨt'aa chiidirucha mãra k'orea sõpia bɨade aparima.

1 Corintio 14:6

Mãɨ k'orea ũpẽarã, mɨ mãramá wãk'ari tachia ũrinak'apɨ́ pedeade pedeaipɨra, ¿mãra sãmaasã́ k'aripaima? K'aripaiwẽma. Maamina tachia ũripataɨ pedeade Tachi Ak'õrepa mɨá unupida jaraipɨra, wa Tachi Ak'õre k'ɨ̃risiadepa pedeaipɨra, wa Tachi Ak'õre pari pedeaipɨra, wa Tachi Ak'õre pedea jarateaipɨra mãɨpa ãarea p'ue k'aripaipɨ.

2 Corintio 2:14

Tachi Ak'õrea sõpia bɨade adai p'anɨma. Jesucristopa jõma p'uek'ari tai jõmãɨrã k'ĩrari p'uurujãnea ateewãruma mãɨnepa taidepa tuacha ichi k'orea k'awapi bɨma. Cristo k'orea jaratea p'anɨne Tachi Ak'õre k'ĩrari tai k'era jĩra p'iumá p'anɨma. Mãɨnepa tachia ichi k'orea k'awadait'a k'era jĩra bɨma. Mãɨ k'era chi k'aripai p'anɨ ẽpẽrarãpa mãɨnepa chi atuadai p'anɨ ẽpẽrarãpa ɨ̃patama.

Ep'esio 1:16

mɨa ewaricha mãra k'orea Tachi Ak'õrea sõpia bɨade aparima mãɨnepa mãra k'orea ɨt'aa chiidiparima.

1 Tesalonicense 3:9

¿Sãmaasã́ jaradaima, tai sõ arapá p'anɨt'a Tachi Ak'õre ome, mãra k'orea?

2 Tesalonicense 1:3

Ũpẽarã, taipa ewaricha mãra k'orea Tachi Ak'õrea sõpia p'anɨane apatama. Taipa mãɨya oodai pia bɨma. Mãrapa ewaricha Cristode pia ĩjãa p'anɨma mãɨnepa machicha pia chi k'ɨ̃ria p'anɨma.

2 Timoteo 1:13

Mɨa jĩp'a jaratea bada jĩra jaratea base. Jesucristode ĩjãa bɨdepa, waapẽarã k'ɨ̃rianepa nipase.

P'ilemón 1:4

Mɨa Tachi Ak'õrea ɨt'aa chiidirucha sõpia bɨade aparima pɨ k'orea.

Hebreo 11:8

Tachi Ak'õrepa Abrahaná jarasima ichia teai jaradamá wãmẽrá. Abrahanpa Tachi Ak'õrene ĩjãana pẽra, sãmá wãit'a atua bɨmina ichi tua ameek'ari wãsima.

Hebreo 5:9

Ne ãareaɨne arí ooda pẽra, chi ichi pedea ũriutarã ãarea k'aripaipɨ ewaricha chok'ae p'ananamẽrá.

1 Pedro 1:22

Chi piarã pedea oo p'anɨ pẽra mãra nemietaawẽa p'aneesidama. Mãɨpuru ũpẽarã piarã k'ɨ̃ria p'anɨma. Sõnepa piarã minachia chi k'ɨ̃ria p'anat'ɨ.

1 Pedro 2:9

Maamina mãra Tachi Ak'õrepa jɨrɨ atadaɨrãpɨ, Tachi Chipari p'aarerãpɨ, ichi pae bɨda ẽpẽrarãpɨ mãɨnepa ichi p'uurupɨ. Mãɨya Tachi Ak'õrepa ne minachia pia ooda k'orea mãrapa pedeapatama. Tachi Ak'õrepa mãra p'ãrionepema t'ɨ̃sima ichi ɨnaa minachia pia bɨde p'ananamẽrá.

1 Pedro 3:1

Mãra wẽra k'ima pará berã, mãra k'ima pedea ũrit'ɨ. Mãɨya chi eda wẽerã k'imanepemarãpa Tachi Ak'õre pedea ĩjãanawẽa p'anɨmina mãra jĩp'a be mãɨnepa Tachi Ak'õre wap'ea be ununak'ari ĩjãanaipɨ. Mãrapa ãchiá ĩjãanamẽrá jaradawẽmina, pia oo p'anɨ k'orea ĩjãapidaipɨ.

1 Pedro 4:17

Naapae Tachi Ak'õrepa ichidirã ne nepɨra ak'ɨipɨ. Tachi Ak'õrepa tachi nepɨra naa ak'ɨipɨra, ¿chi pedea pia Tachi Ak'õre k'orea ĩjãanak'apɨɨrã sãmaasã́ p'ananaima?

2 Juan 1:4

Mɨa pɨ warrarã eda waapẽarã unusima. Mɨ sõ arapá beesima ãchi piarãnepa nipadada pẽra, Tachi Pajãnepema Ak'õrepa jara bɨ jĩra.

3 Juan 1:3

Mɨ minachia arapaasima, waapẽarã ũpẽarã mɨmá chedaadapa nepɨrɨsida pẽra pɨa chi piarã pedea ĩjãa bɨt'a.