Romano 6:14 - Tachi Ak'õre Pedea

¹⁴ Tachi Ak'õrepa ichi sõpiadepa mãra k'aripada pẽra mãɨnepa Moisepa bɨdadepa p'anɨwẽ pẽra, nemietá waa mãra chipari paiwẽma.

Romano 6:14 ပူးပေါင်းရင်းမြစ်များ

Mateo 1:21

Mariapa warra t'õipɨ. Mãɨ warrapa ichi p'uurudepemarã ãchi nemietaadepema k'aripaipɨ. Mãɨpuru ichi t'ɨ̃ bɨse Jesú».

Juan 1:14

Chi Pedea apataɨ ẽpẽra k'ak'uade t'õk'ari tachi t'ãena bapachima. Ichi sõpiadepa tachi minachia k'aripasima. Ichia tachiá pia k'awapisima Tachi Ak'õre piarã sãmaasã́ bɨt'a. Mãɨne taipa ichi ãarea pia bɨt'a unusidama, Tachi Ak'õre Warrat'u mãɨya bɨ pẽra.

Juan 1:17

Tachi Ak'õrepa naena Moisepa bɨda teasima, maamina Jesucristodepa tachiá k'awapisima ichi piarã sãmaasã́ bɨt'a mãɨnepa ichi sõpiadepa tachi minachia k'aripa bɨt'a.

Juan 8:36

Mãɨpuru Tachi Ak'õre Warrapa mãra ãjã́ pari bɨipɨra, piarã pari ãjã́ p'aneenaipɨ.

Romano 11:6

Mãɨya Tachi Ak'õrepa ichi sõpiadepa jɨrɨ atasipɨra, taipa oo p'anɨ k'orea jɨrɨ ataé pasima. Taipa oo p'anɨ k'orea jɨrɨ atadapara, mãɨyara ichi sõpiadepa jɨrɨ ataiwẽ pasima.

Romano 4:16

Tachi Ak'õrepa teai jarada tachia jitadaipɨ ichide ĩjãa p'anɨ pẽra. Tachi Ak'õrepa ichi sõpiadepa mãɨ pari tea bɨma. Mãɨpuru jõma Abrahán ẽpẽrarã, chi Moisepa bɨdadepa p'anɨrãpa, mãɨ piarã jitadaipɨ. Maamina abapuru ãchiapuru jitadaiwẽma, mãɨpari judiorãwẽ pida Abrahán jĩra Tachi Ak'õrene ĩjãanaipɨra jitadaipɨ. Mãɨya Abrahán jõma tachi, chi Tachi Ak'õrene ĩjãa berã ak'õrepɨ.

Romano 5:17

Piarã ẽpẽra aba bɨpa nemietá oodadepa jõmãɨrã piupatama. Maamina abaɨ ẽpẽra Jesucristodepa, mãɨ Adanpa ooda k'aepẽra ewaricha ichi ome minachia k'awa p'anɨrã jĩra p'ananaipɨ. Ichidepa Tachi Ak'õrepa ne mi ãpia pida teapade awẽa basima mãɨnepa ichi sõpiadepa minachia k'aripak'ari, ẽpẽrarã nepɨra newẽa p'anɨane aparima.

Romano 5:18

Mãɨya ẽpẽra abaɨpa nemietá ooda k'orea Tachi Ak'õrepa ichi nepɨra ak'ɨk'ari jõmãɨrã sida nepɨra pará p'anɨane aparima. Mãɨnepa ẽpẽra abaɨpa jĩp'a ooda k'orea Tachi Ak'õrepa jõmãɨrã chi ichidirã jĩp'a berã paara p'ue bɨipɨ ewaricha ichi ome chok'ae p'ananamẽrá.

Romano 6:12

Mãɨpuru nemietá itu mãra chipari papirãt'ɨ. Mãɨya mãra k'ak'ua piui bɨpa nemietá oo k'ɨ̃ria bɨt'a mãrapa waa oodaiwẽma.

Romano 6:15

¿Mãɨnepema sãmaasã́ k'ɨ̃risia p'anɨma? Tachi Ak'õrepa ichi sõpiadepa tachi k'aripada pẽra mãɨnepa tachi Moisepa bɨdadepa p'anɨwẽ pẽra ¿nemietá oodai p'anɨk'ãra? ¡Mãɨyawẽma!

Romano 8:12

Mãɨpuru ũpẽarã, tachi piarã Tachi Ak'õre Jaoredepa nipadai p'anɨma. Nãɨ k'ak'uapa oo k'ɨ̃ria bɨdepa nipadaiwẽa p'anɨma.

Romano 8:2

Ichidepa Tachi Ak'õre Jaorepa tachi chok'ae bapida pẽra, tachi nemietaadepema, piudai pada pari ãjã́ bɨsima.

Gálata 3:23

Cristode ĩjãanai naena tachi Moisepa bɨda juade p'anasidama. Mãɨnepema p'ue awara wãnaé pasima aba Tachi Ak'õrepa Cristo k'awapirudea.

Gálata 4:21

Chi Moisepa bɨda juade p'ananai k'ɨ̃ria p'anɨrãpa mɨá p'anoot'ɨ: ¿Moisepa bɨdade bɨ bɨ atua p'anɨk'ãra?

Gálata 5:18

Maamina Tachi Ak'õre Jaorepa mãra uru nipaipɨra, Moisepa bɨdade p'anɨwẽma.

Tito 2:14

Tachi k'orea Jesucristopa ara ichi itu peapisima ãarea nemietaadepema k'aripai k'orea. Tachi ara ichi pae pia bɨsima ichi p'uurude p'ananamẽrá mãɨnepa nejõma pia oo k'ɨ̃ria p'ananamẽrá.

Hebreo 8:10

Mãɨnepa Tachi Chiparipa nãɨya jara bɨma: K'aadeapema ewaride mɨa nãɨ pedea chiwidi auipɨ israel ĩjũanepemarã ome: Mɨa Moisepa bɨda ãchi k'ɨ̃risiade mãɨnepa ãchi sõne bɨipɨ. Mɨ ãchi Tachi Ak'õre paipɨ, mãɨnepa ãchi mɨ p'uuru padaipɨ.